Mazmur 104:14 - Eipomek

¹⁴ Ninye arye weinyak kam ulul ning yala nirya, sapi basam do, domba basam do, aning nirya ati, ‘Sik dinamak’ tenen, mutmuta arelyame. Aning atonun, ninye ati ara, ninye arye, wa wibikiba, koulamak ning, aning-aning nirya arisilyame. An melisiminya deice arye, tuku noutamak arye, din ning aning-aning nirya paplirye, butukliba, boyanuka dinyabe. Winisiminya deice arye, tukwak mutuku deice kam ulul ning, aning-aning nirya ara, din ning dinyake.

Mazmur 104:14 ပူးပေါင်းရင်းမြစ်များ

Kejadian 2:5

Aning-aning nirya talibuka, Weik Deiyoknye Allah arye, im noutamak ap, tukwak mutuku ap kwelilamuk talak noutamak ara, ninye ton kwepdeiamuk. Ara, yata yala ning do, tuku deice arye talye palamle ning ap, wa win dam palamle ning yala nirya ap, min kum pamuk. Deiyok ara, aning-aning nirya talibuka Weik Deiyoknye Allah, el si Yahweh arye, min kum nyapdeibuka arye, mok ton kum celamuk. Tonda, atalak ara, ninye min kum kwepdeibuka ati, wa wina ap, tuku palibuka yala ning koulamak ning ap, pil dopmantonye ton kum uamuk.

Kejadian 2:9

Ura, Allah el si Yahweh arye nyapdeibukba, yo aning-aning nirya tikuk. Ayo nirya ara, urasin pia teleb yo uamuk. Tonda, ayo moulamuk yo duk nirya ara, dina teleb yo duk uamuk. Allah arye, kintinip deibuk wa noutamak ara, pia teleb yo bitinye tikrik. Ton yo ara, Kam Una Deiyok Yo tikuk. Bitinye ning ara, Malye Winina ap, Teleb Winina ap Kel Bikna Deiyok Yo tikuk.

Kejadian 3:18

Tukwak mutuku nirya arye, tace ning tirmangka kweiyang-kweiyang ap, kirikna ap, aning-aning weik panamle. Wa wiaminyeba, beteklirye papnamle ninguk libuka dinalame.

Kejadian 4:12

Tonda, dan mutuku do nirya, tukwak mutuku nirya, wa wibuka koupnalam bukni, paplirye el nong pia kum upnamkile. Aning-aning nirya kum papnamkilba, talye diamuk pil donalame. Wini talak arye, dipdongobuka doyanamle talak nirya ara, ‘Amutuku binun do, omutuku binun do?’ tenen, teniltonauk upkiliba, tukwak mutuku im sirya, mutuku sirya nirya noutamak arye, pia balsusunuk unalame,” nyabuka wenebuk.

Kejadian 9:3

Yata ning do nirya, kam ulirye, balamle ning ayala-yala nirya ara, anggun din ning ati arepsine. Minop talak ara, tukwak arye, palamuk ning bok-bok ning ayala-yala nirya anggun dina ati areamsise touk, wini talak ara, aning-aning nirya dukdongopbuka arepsine. Aning nirya ara, dina telebe nyapsine.

1 Raja-Raja 18:5

Tonok sum ton Ahab birye Obaja biti nyabuk. “Wini talak ara, mek pu dam ap, emban mek dam ap nirya, epnin banamname. Ara, mutmuta teleb ubuka tikamlyak ton eipnimnyopura, nun kuda basam ap, bagal basam ap, sik dina ati, asukumuk delinaname. Winipnimiba, dibicopura, kum dipnamak bukni, din kum dibicopura, ‘Nun weinyap ning nirya obuka dibipyak’ tenen, nyapkine.” Ahab birye Obaja biti nyabuk.

Ayub 28:5

Tukwak mutuku, im sirya, mutuku sirya nirya ara, tuku deice arye din palule. Ninye arye, aning libuka dinyake. Bukni, sik tukwak mutuku ubuk ning ara, tuku ap, keil ap nirya palibuka, talye-talye kibuka batakanyake. Winibikceba, tuku amu ubuk ning nirya ara, palibuka batakikceba, talyeuk daulule.

Ayub 38:27

Yatanye birye, tukwak mutuku miklamle tuku deice mok areplibuk ceplirye, tuku nirya teleb upliba, tukwak mutuku betekuka palamle ning nirya palul do? Aning ton an kel bikaminyopura, nyapnilyame.

Mazmur 136:25

Allah arye ninye tukwak mutuku, im sirya, mutuku sirya nirya, unyap nang ara, yuk kam ulul ning nirya ati, nun patapsilye ati, obuka din ning ara, dobuka elcuk arisulule. Allah Yahweh arye, nun Israel nang ati, “Pia bico tenesinirye, tuba-tuba melinamsine. Pia telebuk kilinamsine,” nyabuka, nyalin yupu deice arye nyapsuka ati, aning ara, pia kum bataknamsile. Anirya ara, nun nirya arye el tibuk, si erebuka kina ati, ‘Naio nunce anti pia telebe nyabkiabe,’ nyanamabe.

Amsal 27:25

Aning atonun, wa win dam do, bai tam mutuku do, talye palamle mutmuta nirya sekuka bululinyake. Ara, ninye weilamak ning sik din dina atia. Tonda tia ati, ya arye tuplopmace ning, tuba tamubuka yuk ning palule. Aning nirya ara, tia ninguk ulule.

Yoel 2:22

Tonda, amutuku noutam, talye kam ulul ning nirya ati, ‘Se’ tenen, ilil una pia kume. Ara, wini talak sik din ning, maning palamle mutuku nirya ara, kolupdobuk bukni, tuba tamubuka imbik uk kipdeipnusine. Tonda, duk molul yo si ara, Ara, yo nirya ap, anggur tapu duk ap, tamubuka teleb kipdeipsiniba, duk weik mounamle. Winipsinya deice arye, sik duk nirya pia weika arye moupmalirye, pia weik unamle.

1 Korintus 3:7

Aning ati ara, yala ning doklamlanye babye, mek kwebuka dikilongolamlanye babye, sikti, “Anye bira, weik mambulnye. El pil dolye ning ara, weik mambule,” nyabuka sik si kum ereptibye. Dipkoprop weik mambulnye bira, ‘Aning-aning nirya paplirye, nepnamle’ tenen, mikip kililulnye, Allah el tonoka. Yuk nang ton kume.

Ulangan 11:15

Aning atonun, anggun weilamlum ning domba basam do, sapi do, kambing do, anggunce weilulum ning dina ati, yo mutmuta pia weik tonun arenamsile. Tonda, din ning yala-yala nirya ara, anggunti kintinibuka delilamsilya ani, aminyan aning nirya libuka dipmunyopura, ton kum patanamsile.