Bukni, yata mutuku ninye do nirya, Allah arye nyalul yupu moubuka kekebikirye, teleb ubuka diksukumuk winibicopura, Allah arye, aninye ati melilule. Ara, pata mutuku ara, tuba tamubuka mekwen delinak kililule. Aning atonun, keting buppu arye, mek nirya cepropliba, mikne tukwak arye, tuba tamubuka mek pu kipnamle.
Mazmur 104:10 - Eipomek10 Aning winiplum ning ara, Allah ancuk mutuku bulamla amu tam bisik botokeiplumba, mek panabuka yangalule. Mek panabuka yangalirye, dana-dana tam mutuku dup aupmalya ara, noutam ara, mek balule. အခန်းကိုကြည့်ပါ။ |
Mazmur 104:10
4 ပူးပေါင်းရင်းမြစ်များ
Mek wenenga tuku uk wamliba keting deiplirye, keting tin weik ting-ting alamlak nirya ara, Allah arye mok arepliba mek uk deipnamle. Mok cena kumce tuku kel-kel abuka kat uamlye tuku nirya ara, Allah arye mek arepliba mek pu dobuka banamle. Mok cena kumce, pata mutuku noutamak ara, talye bai kam balamuk bukni, aminyan talak ara, Allah arye mok arepliba, lye atonun ning ser lye weik panamle.
Na melipsinirye, mutuku deice, keil si lak uk upmalyak babye, amutuku dup arye mek panapdeipnirye mek arenamsine. Mek kutukeipniba mutuku dou tam nirya, mek oplirye banamle. Aning atonun, mutuku dongo tam, mek puak deipniba, mek weika arye welebuka banamle. Tonda, mek kum ati, ninye kum unyak sukum ara, mek deipniba, weik mekwen lakak upnamle. Aning atonun, mok kum celul mutuku, pia sesal lemlya mutuku noutamak ara, narye mek teleb kipdeipnamne. Winipniba sesal lemlya tukwak nirya mek banamle.
Aning ara, talye ati kume. Deiyok ara, Allah arye, tuku teleb mutuku bobuka binamsile. Amutuku ara, mek diksukum balamle mek ap, puak mek ap, tuku pum bisik arye kutuklamle mek ap, mekwen ap, mutuku keil pum arye kutuklamle mek ap, anirya ara weik aulule. Ara, weik mutuku noutamak ap, lu mutuku noutamak ap, tonda mitik mutuku taram noutamak ap, mek weik aulule.
ကြော်ငြာတွေ