Mazmur 103:5 - Eipomek

⁵ Allah aryuk teleb ning ayala-yala nirya, arenilya deice arye, telebuk kilisulule. Winibuka kam una deiyok ning aresilya deice arye, minopce min kum dipnamabe. Maplye maka, el si ton Rajawali maka, keting tamun weik arye kam ulamle touk, Allah melisilya deice arye, keting tamun yupa weik kam unamape. Kam una deiyok ning aresilya deice arye, wini talak ara, kamnye ulamupu touk, kilisiliba, telebuk unamabe.

Mazmur 103:5 ပူးပေါင်းရင်းမြစ်များ

Ayub 33:25

Amalaikat arye, aning ton nyaptu. “Anye el nong bol ara tamubuka teleb uplirye, poto kipdeipliba, wel nang bol atonun upnamle,’ tenen, moropkine,” nyapnamle.

Mazmur 104:28

Ninye do, yuk kam ulul ning ayala-yala nirya do, ance nun din ning arepsuluma ara, nunce bulubuka dinyabe. Tonda, ance kintinipsulum ning, an taruk arye bibiktalebuka areseminba, tukwak mutuku kam ulul ning nirya arye, nun din ning dibipyopura, bousulule.

Mazmur 107:9

Ara, urdem ati kume. Deiyok ara, mek patanmalye ninye ap, dina patanmalye ninye ap, elce yamubuka areliba, dibiceura, boulule. Ati ara, Allah el tibuk, “Telebe, anda weik telebnye winilyame,” nyabuka, el si erebuka kinamake.

Mazmur 23:5

Tonda, na mal olan nang wekuka dinmacak arye, Allah ance na patan ning nirya, weika arye arenilyame. Winipmanto ara, weik kwalya kwalipmince, nati arenilyame. Ara, weik mambul nang yukubikceba, din ning weika arye dilyangalamk touk, wininiminyeba, na mal olan nang eibikirye, ‘Se’ tenen, unamake. Tonda, ninye arye, ‘Anye nun ninye deiyok kibuka unamsil’ tenen, pia teleb minyak mek, anye el kisok deice likeibiceba, anye ninye deiyoknye Raja ulamle touk, ance pia teleb kibuka kipdeipniminba, pia telebuk unune. Ati ara, yata ning do nirya, na patanilye touk, weika arye tabakuka areniminyeba, na dam yanganiliba, kanye deibuka telebuk unune.

Mazmur 63:5

An tibuk weik kanye deipnirye, pin-pin upniliba, si erenamkine. Ara, ance na kanye talima pum tam tenen ning ara, pia teleb un ninguk arepniminba, teleb ninguk tenenuna ati, nyapne. Winipmanto ara, ninye arye, pia teleb din ning kwalibuka dibikirye, din boupliba batakikca deice arye, pia kanye deibuka, teleb ualamak touk, ance meliniminya deice arye, pia kanye delikunune.

Mazmur 65:4

Nun malye ulamupu ning nirya ara, pia weik ulamsuk buk, nun imun kanye bobuka ulamuburye, ‘Se, yata wiriptibye do? Yatanye birye, melibuka lyepsutu do?’ tenelamupu bukni, Allah ance nun malye winilamupu ning nirya, namin kibuka lyesilyame.

Yesaya 40:31

Bukni, yatanye do, yata kil do, ninye nirya sik ni koproba Allah Yahweh atibuk, ‘Allah aniryuk melinamsil’ tenen, el uk talibuka unyak ninye ara, diba tenebicopura, narye arepneba, sikda winiryuk mikip dopropnamake. Winiryuk mikip doprobice ninye ara bip maka pol mikip deice arye lakuka erebuka balamle touk, kanam asa aniryuk unamake. Sikda mikip kum daliba, bikbik abuka banamake. Sikce bisik banyak talak ara, sik mikip kum upliba, kisok kum birbir apnamle. Mikip aryuk, talye lukparabuka banamake. Ati ilil una meme. Na Allah Yahweh ati, diba tenenamnulume. Allah arye Israel ninye nirya ati nyabuk.

Hosea 2:15

Sik malye wininyak ning dekna ati, akunum wenepnirye, aminyan talak ara, narye sik Israel ninye ati, anggur duk wa winak ap, yo duk moulamle yo noutamak ap ara, tuba tamubuka arepnamsine. Winipnamna deice arye, Akhor mutuku dam ara, winiryuk bublan atonun kipnibuk, amutuku ati tenebikirye, ‘Se, aminyan talak ara, telebuk unamabe,’ tenebikirye, kanye deibuka unamake. Ara, minop talak ara, malye winilamikba, Akhor mutuku noutam, weik wenebuka opse bukni, aminyan talak ara, tuba tamubuka, Akhor mutuku teleb kipdeipnamne. Minop talak ara, Israel ninye wel nang atonun ulamik talak ara, Mesir mutuku noutam pia ikin ulamikba, narye lyebuka lopdeipsiba, Mesir mutuku arye, batakuka bindobik talak ara, Israel ninye arye, ‘Nun ni Allah, el siuk erenamabe,’ tenebikce, sik kanye talima, na deiceuk deipnik. Winibuka, na siuk erelamnik touk, aminyan talak babye, tuba tamubuka, na dam yangakirye, teleb kanye bobuka, na siuk erepnamniake.

2 Korintus 4:16

Aning-aning nirya wininamla ati, nunda, ‘Se, yata wiripnuyap do?’ tenen, ilil arye malye kanye bobuka, bouku kum sukupnamsile. Nun nong bola deice ara, dipkoprop asum-asum nirya ikin usilibuk, malye bol bopnamap bukni, nun kanye talima noutamak ara, Allah arye asum-asum nirya teleb kibuka winiryuk ninye atonun mikip kilisulule.

1 Timotius 6:17

Wini talak tukwak mutuku unyakce, aning-aning nirya, weik talikirye, bona weik talin nang atonun unyak ninye ati, nyanamlyame. “Anggunda maknya kanyeuk, kintinina ap, dina ap, meme. Bona ap, yo bok ap, tukwak bona weik nang nirya ap ara, anang deice anggun kanye delina kume. Aning arye kum lyepsutue. Aning nirya ara, pia unamle ning kume. Yata wiribuka talakuk aupmalya ani, aminyan talak tukwak ning nirya kum danamle. Tukwak ning ara, ‘Yata talak kum danamsil do?’ Nun walwal anya arye, aning ati kanye delina meme. Aning kum bukni, ‘Allah elcuk melipsilirye, lyepnamsil’ tenen, el deiceuk anggun kanye delinamlulume. Nun kanye deibuka, teleb una ati, arisilya deiyoknye bira, Allah elcuk aning-aning nirya weik arye arisulule.” Ayupu nyapnamlyame.

Yosua 14:11

Bukni, na pil dona ara, Kanaan mutuku dilbana ati, Musa birye wipdeipnuk talak, mikip weik ulamse touk, wini talak babye, pia mikip weik arye, tuba pil donune. Na Kalep bira, mikip tuba upnuk ati, nun mal olan nang ati mal olana do, talye pil dona do, dana-dana tam mutuku bana talak nirya babye, nara mikip tuba unulule. Yata pil do, pil ayala-yala nirya tuba doptinye.