Matius 9:32 - Eipomek

³² Asing kuamuk nang, bitinye nang Yesus kwetebukba, banmarik talak ara, yuk nang arye, lubanye tonok Yesus dam boyayik. Anye bira, isa el talima talyamuka deice arye, lupnye ulamuk.

Matius 9:32 ပူးပေါင်းရင်းမြစ်များ

Yesaya 35:6

Kum binmanto wamliba, tonokak uk bulamikce ninye ara, kanye deibukabikirye rusa basam im kurukuka balamak touk wininamake. Luba danamliba yupu kum talamice ninye ara, kanye deibuka mot senamake. Winibikirye, pin-pin kanye bobuka ubikirye, mot senamak ning ara, urdem ati kume. Ara, mok cena kumce, pata mutuku noutamak, Allah arye mek arepliba, mek oplirye banamle. Ninye una kumak babye, mek pu dobuka banamle.

Matius 4:24

Yesus arye, ninye kwetepra daulamuk bukni, yuk nang arye, el winilamuk ning laka nyalbalamikba, Siria mutuku tam ulamik nang nirya ara, Yesus winilamuk ning kekelamik. Aninye nirya kekelamika ati, uk yala-yala nirya pia weike dilamukba, kanye imun ulamuk ninye, weik arye bobukabikce, Yesus dam boyangalamik. Ara, minop arye, weik uk dilamuk ninye ap, isa arye sik talima wekuka talyamuk ninye ap, walwal arye kanye wangalamak ninye ap, sik taruk yan nirya sesal selamuk ninye ap, Yesus dam boyangalamikba, Yesus arye aninye nirya, teleb ubuka kwetelilamuk.

Lukas 11:14

Tonok sum ara, yuk nang arye, lubnye tonok Yesus dam boyayik. Anye bira, isa el talima talyamuka deice arye, lubnye ulamuk. Keting tamun weik isa talyamukura, luba ulamukbuk, Yesus arye aisa kwetebukura, atalak aryuk, anye bira yupu teleb ubuka nyanmok. Yupu teleb ubuka nyanmokura, abulubuka wekuka kekenmek nang arye, ‘Se’ tenen, ngalukunmek.