Matius 9:27 - Eipomek

²⁷ Akilmu akunum kam bukeibukce, amutuku batakuka, bisik noutam banmoka ani, asing kuamuk nang bitinye, el balye tam tikilyarik. ‘Kwetepsetu’ tenen, weik yupu nyabuka yanuka moroprik. “Anda Daud yalanye birye deipkukba, unmalama anya arye, Ninye Lyena ati, Allah arye wibuka deipkuke. Ati bico tenepsimince, kwetepsutume,” nyabuka moroprik.

Matius 9:27 ပူးပေါင်းရင်းမြစ်များ

Matius 1:1

Asekeipnusin buku noutamak ara, Yesus Kristus el deipkirikdop nang si seknune. Yesus Kristus el apu kopropa ara, Daud. Daud el apu kopropa ara, Abraham.

Matius 11:5

Ara, nyapnululume. ‘Asing kuamlye ninye perekeipliba, elinyake. Aik bukamikce nang kwetelilulba, banyake. Barye suse atonun suse dilamlye nang kwetelilulba korokolsakalule. Amol kunukamlye nang kukeipliba kekenyake. Akunum dipmakce nang kam bulilule. Tonda ninye lyena ati, Allah el lak teleb yupu talya kankan ninye kekena ati peterepliba, kekenyake,’

Matius 15:22

Amutuku noutamak Kanaan tam ulamuk kil, Israel yala kum kil arye, Yesus dam yayuk. El kilmu talima noutamak ara, isa arye talyamuka ati, utenebuk. ‘Na kilmu talibuk isa ara, Yesus arye dobuka aisa yakuka buru dopkweteptu’ tenen, Yesus ati morolyayuk. Morolyayukce ayupu nyabuk. “Naie, anda nun deiyoknye ulyame. Anda, Daud yalanye birye deipkuknye birye, nati bico tenebuka melipnutume. Na kilmu isa talyamuka deice arye, pia ikin ubukba, kanye imun kanye bolula ati ara, ance na kilmu kweteptume,” nyabuka morobuk.

Matius 17:15

Atikmek nang kan-kan tonoknye Yesus dam yayukce elti, ‘Si erebuka kipnun’ tenen, gutam tuku dipdongobukce, ayupu nyabuk. “Naie, na mi ara isa talyamuka deice arye, pia kanye imun upmalce, donmale. Isa talilye talak nirya ara, isa mikip arye dobuka, tuku deice pouklopliba, si ula weik sakalule. Tonda, isa talyamukce, ‘Uku pum ap, mekwen pum ap, opnamle’ tenen, dongolbalule.

Matius 20:29

Yesus nyabukba, sik nirya amutuku batakuka, bisik mapnin balamika ani, Yeriko mutuku bisibuka asik dolamikak batakuka, Yesus ap, yuk ninye yupa weike ap, banmek.

Matius 21:15

Yesus arye kwetelinmok ning ap, teleb pil dobuka wininmok ning ap elinmekce, anyaik dam talya unmek mapu yupu weik arye nyanmek. “Daud el yalanye birye deibukba ayanmasilanye bira, Ninye Lyena ati, Mesias dopdeipsuknye bira ani. El si erebapa ati, hosana nyababe,” nyanmek. Sik Musa sekamuk yupu peterena deiyok nang ap, Allah arena ati, el si erena aik pum pil dona weik deiyok nang ap, Yesus wininmok ning ap, atalye mapu arye nyanmek ning ap, eibuka kekebikce, yu weik ubukba, Yesus ati nyabik.

Matius 21:9

Yesus banmokak menekuka banmek ninye ap, aminyan yanganmek ninye ap, ‘Yesus ara nun weik ninye deiyoknye Raja upnamsile’ tenen, Allah yupu laka nyalamik nang, nabi nang arye minop talak sekamik yupu dobuka, ayupu weik arye nyapra banmek. Nyapra banmek yupu ara ani. ‘Daud el yala nang arye deibiknye bira, el pia telebe. Hosana. ‘El si erebuka gisal dobabe. Allah el mikip ap, el si ap deice arye yanmasilnye bira, Allah weik arye melipliba, telebuk ulule. Elda weik mambule. Allah anda, im deice umince, weik mikip ulyamnye bira, an si weik arye erepmakiyaba ati, hosana nyababe.’ (Mazmur 118:26) Nyabuka Allah ati weik arye si erenmek.

Matius 9:28

Nyabuka moropnin banmarikba, Yesus tonok aik akunum wekukopura, abitinye nang Yesus dam yarik. Yarikba, Yesus arye nyabuk. “Anggunce, ‘Nun asing kwetepsetume,’ nyapmanuruma ara, ‘El dipkoprop kwetepsutue,’ tenepmanurumce moropmanurum do?” nyabuka asipdeyuk. Asipdeyukba, sikce tamubuka nyaprik. “Naie, ‘Dipkoprop kwetepsutume,’ tenepmakiname,” nyaprik.

Markus 11:10

“Nun apu kopropa Daud ati, Allah arye, ‘Amutuku nirya talibuka unalame,’ nyabuka deiamuk ning ara, wini talak akunum deiyok kipnula ati, Allah arye melipliba, aning nirya telebuk unamle. Aning ati ara, Allah anda, im deice ulyamce, weik mikip ulyamnye bira, nunce an si erepmabe,” nyabuka Allah ati weik yupu arye si erenmek.

Markus 9:22

Asipdeyukura, ami el li birye tamubuka nyabuk. “El mitik talak arye isa talyamukce uku pum bisik ap, mekwen pum bisik ap, ‘Opnamne’ tenen, dongolelamuke. Winilamuk bukni, na mi kwetepnutum do? Kweteptumura, bico tenepsutumce melipsutume,” nyabuk.

Lukas 17:13

Eipdayik akarye, anang ara, barye suse dilamuka ati ara, ‘Yum nang dam kum yatibye,’ tenepmeka anya arye yukak unmekce, Yesus ati weik yupu arye yukubik. “Nai Yesuso, bico tenepsutum akarye, kwetepsutume,” nyabuka morobik.

Lukas 20:41

Yesus ayupu nyabuk talak ara, el yupu kekenmekce, aunmek nang ati ayupu tonap nyabuk. “Musa sekamuk yupu peterena deiyok nang arye, ayupu peterenyake. Ara, ‘Ninye weik lyeplirye, sik kanye talipnamlanye, ara Mesias bira, nun apu koprop Daud, el miuk ulule,’ nyabuka peterenyaka ara, deiyok ara yata ati do?

Lukas 7:21

Akaren noutam aryuk, Yesus arye uk dilamuk ninye ap, ninye isa talilamuk ning ap, yakal kwetelamukce kwetelamuk. Tonda, asing kuamuk ninye weik asing lalilamukura, teleb ulamuk.

Yohanes 7:42

Allah yupu sekamsika noutamak arye yata nyasulul do? ‘Ninye Lyena Deiyoknye, Kristus yanamle,’ nyanyaknye bira, ‘Daud el yala nang arye deipnamake.’ Tonda, ‘Nun apu Daud, el ulamuk mutuku koprop, Betlehem mutuku arye yanamsile,’ nyalula anya arye, anye Yesus ara, yata wiribuka Kristus uptu do? Aning ara kume,” nyabik.

Roma 1:3

Sik seklamik yupu noutamak ara, Allah el Mi Koprop ati laka nyalamik. Allah el Mi Kopropa Yesus ara, minop talak ulamuknye Daud birye deibukba, dadeipdanin yangalamika ani, Daud el yala nang arye Yesus yanuka deibik.

Roma 9:5

Tonda, nun apu yapu ara, Israel yala ninye arye delilamikba dadeipdanin, yangalamik nang ara, weik mambul nang ulamik. Tonda, ninye lyena ati, Allah arye wibuka dopkwetepsuknye, Kristus el deiamrik nang bitinye babye, sik apu yapu ara, Israel yala ninyeuk ulamik. Anirya ati ara, sik Israel ninye ara, talye ninye kum unyake, nyapmasine. Aning atonun Kristus babye, talinye kum ulule. Elda, aning-aning nirya talibuka deice tam Weik Deiyoknye kibuka ulule. Elda, dipkoprop Allah ulule. ‘El si ara, pia erenauk unamap’ tenen, Amin nyapsine.