Matius 9:1 - Eipomek

¹ Sik nirya daulamika ani, Yesus arye ‘Na mutuku kopropa binune’ tenen, mek lia yo deice wekuka, mekwen deice arye otam tamubuka binmoka ani, omutuku biyukce, Kapernaum asik dolamikak biyukopura, amutuku noutamak ulamik ninye arye kekebik.

Matius 9:1 ပူးပေါင်းရင်းမြစ်များ

Matius 4:13

Galilea mutuku noutamak bukni, Nasaret mutuku batakuka, Kapernaum mutuku yanuka ulamuk. Kapernaum mutuku ara, Galilea mekwen dam asik domikak ulamuk. El ulamuk mutuku ara, minop arye Zebulon yala nang ap, Naftali yala nang ap, ulamik.

Matius 7:6

Ayupu nyabukopura, adomon yupu ton nyabuk. “Anggun Allah arena ati wibuka deiplum ning ap, dekna weik ning ap, dopropmunce, bai kam ap, yua basam ap arepmunyopura, yaniprikirye, tamubuka si tobuluklobuka batakadurake. Bulukuka batakaduraka anya arye, teleb ning dobuka kam ap, basam ap ati, kum arenamlulume. Aning atonun, ninye sik talimak gat upliba, ilil kumce, pi dobuka unyak nang ara, Allah yupu pia ilil ning ara, talima gat nang ati, kum peterenamlyame. Anang ara, Allah yupu kum kekepmanto nang ati, peterepmunyeba, ayupu kum kekebikirye, yaniplobuka demuk unamake.” Yesus arye, el lelul yupu bita moubuka kekenmek nang ati, nyabuk.

Matius 8:18

Ninye pia weike Yesus dam bulubuka yayikopura, Yesus eibukce el mapu ati, ayupu nyabuk. “Nunda, mek lia yo deice bukibirye, Galilea mek deice arye otam binamabe,” nyabuk.

Matius 8:23

Yesus arye, ayupu nyabukba, sik banmeka ani, Galilea mek lilkwa biyikopura, Yesus ap, el yupu kekebuka melyamikce balamik nang ap, mek lia yo deice wekuka bulbuyik.

Markus 5:21

Yesus banmok bisikuk, mek liya yo deice tamubuka yayukce, Galilea mekwen atam yayuk. Yayukura, ninye yupa weika arye, Galilea mekwen lilun, el dam bulubuka unmek.

Lukas 8:37

Laka nyabikura, anang nirya kekebikopura, ilil pia weik ubuk ati, ‘Yesus ara, nun Gerasa mutuku nirya abatakuka, yukak bindoptu’ tenen, Yesus ati moronmek.

Lukas 8:40

Yesus binmok bisikuk, mek bukna yo deice tuba tamubuka yayukce, Galilea mekwen deice yayuk. Yayukura, ninye yupa weika arye, ‘Yesus tamubuka yanamal’ tenen, akunum bulubuka dinmekak arye, bisik dilbanmek.

Wahyu 22:11

Bukni, pia malye wininyak ninye ara, tuba malyeuk wininamake. Allah el ulul ning nirya ati, ‘Nun like’ tenen, yanibikirye, malye winin ninguk talibuka unyak ninye ara, apia unamake. Teleb winin ninguk talibuka diksukum wininyak ninye ara, tuba teleb ninguk wininamake. Malye ning pia kum ululba, diksukumuk wininyak ninye, Allah el mapu koprop ara, diksukumuk wininamake,” nyapnukba, kekepse.