Matius 8:18 - Eipomek

¹⁸ Ninye pia weike Yesus dam bulubuka yayikopura, Yesus eibukce el mapu ati, ayupu nyabuk. “Nunda, mek lia yo deice bukibirye, Galilea mek deice arye otam binamabe,” nyabuk.

Matius 8:18 ပူးပေါင်းရင်းမြစ်များ

Matius 14:22

Aninye weik 5.000 nang, sik din ning arebikba dibikopura, adiparyuk Yesus arye el mapu 12 nang ati, nyabuk. “Anggunda minopce mek lia yo arye mekwen deice banmamunya ani, mekwen otam binamalulume. Nara, awekmak ninye ati, ‘Telebe dabilulume,’ nyapnune,” nyabuk.

Matius 8:1

Yesus arye ayupu-ayupu nirya peterenmoka ani, akunum sirya dakukopura, amutuku kon deice arye koulukuk. Koulukunmok talak ara, ninye weike aminyan melibuka yanganmek.

Markus 4:35

Yesus arye atalak, Galilea mekwen lilun pia peterenmok bukni, keting kumubukopura, Yesus arye wipdeibuk nang, el mapu 12 nang ati nyabuk. “Nunda mek liya yo deice bukuka, mekwen deice bibirye, otam wekelbinuyabe,” nyabuk.

Markus 5:21

Yesus banmok bisikuk, mek liya yo deice tamubuka yayukce, Galilea mekwen atam yayuk. Yayukura, ninye yupa weika arye, Galilea mekwen lilun, el dam bulubuka unmek.

Markus 6:45

Aninye weik 5.000 nang, sik din ning arebikbuk dibikopura, adiparyuk Yesus arye el mapu 12 nang ati nyabuk. “Anggunda minopce mek liya yo arye, mekwen deice banmamunya ani, otam mutuku Betsaida mutuku binamalulume. Narye, awekmak nang ati, ‘Teleb dabilulume,’ nyapnune,” nyabuk.

Markus 8:13

Nyabukce adiparyuk anang abatakuka, el mapu ap, mek liya yo wekuka bukikce, mekwen deice banmeka ani, mekwen lilun otam biyik.

Lukas 8:22

Tonok sum ara, Yesus arye Galilea mekwen lilun pia peterenmok ani, el mapu 12 obarye nang ati nyabuk. “Nunda mek lia bukna yo deice bukuka, mekwen deice bibirye, otam wekelbinuyabe,” nyabuk. Nyabukce, mek lia bukna yo deiceuk bukikura, el mapu 12 obarye nang babye, el damuk wekelbiyikopura, sik dem mekwen deice banmek.

Yohanes 6:15

Nyalamika ati ara, sik kanye noutamak tenelamik ning babye, Yesus akunum tenyamuk. Ara sikce Yesus ati, ‘Nun weik ninye deiyoknye, Raja unamsil’ tenen, ‘Yesus dobdebibyeba, amutuku nirya talinamsil’ tenen, ‘Yesus dobuka erepdeibibyeba, elce talinamsile,’ tenelamik. Sikce utenelamik ning ara, Yesus akunum bikamuka anya arye, aninye asukumuk batakuka, el yuk bai tam mutuku biyuk.