Matius 8:13 - Eipomek

¹³ Nyabukopura, elti, moropmoknye birye, el dam yanmok yin talina deiyoknye biti, ayupu nyabuk. “Kao, tamubuka an aik koproba bilyame. Diba tenepmanilamce, moropmanilama atonun melipnamkina ati, asum winipnukile,” nyabuk. Nyabukopura, aketing atalak deice aryuk, yin talina deiyoknye, el pil donanyeuk dilamukce, sesal semuk ning ara, kum nayukce, teleb ubuk.

Matius 8:13 ပူးပေါင်းရင်းမြစ်များ

Penghotbah 9:7

Ati ara, na kanye ara, ‘Pia teleb un ning ara ani,’ tenenune. Ara, nun nirya ara, talye kanye deibuka, din dinauk unamabe. Tonda, kanye wangalamak mek ara, talye luparabuka dinauk unamabe. Deiyok ara, Allah elda, anggun wininamlum ning nirya ara, akunum bikamuka ati, ‘Dawininamake akunuma,’ tenelule tenepne.

Matius 15:28

Akil arye nyabukopura, Yesus arye tamubuka nyabuk. “Ance nati weik arye dib tenepmanilama ati, an moropmanila atonun, an kilmu talibuk isa ara akunum yakwetepmanaba bindople. Ati, wini talak an kilmu telebuk unmale,” Yesus arye nyabuk. Yesus ayupu nyabuk touk, anyabuk talak aryuk, akil el kilmu talyamuk isa bindobukba, telebuk ubuk.

Matius 17:20

Asipdeyikba, Yesus arye tamubuka nyabuk. “Anggunce aisa kum yakwetepmanto upmaluma ara, nati dib tenepnuluma ara, pia mitik anun upsuk arya. Sumik duk pia mitik ning bukni, anggunce nati dib tenepmanulum ning ara, amitik ning sumik duk atonun dib tenepnutumura, anggunce omutuku ati, ‘An bidamnye aryuk erepdakuka, anyaka arye otam delilbilyame,’ nyaptumba, amutuku el bidamnye aryuk erebuka, otam delilbitue. Anyapmasin touk winiptumopura, ‘Aning-aning nirya winipnuyap’ tenen, moroptumura, winiptue. Dib tenepnumunce, moropnumunyopura, kum winipmanto ning ara, ikin kum upsutue. Anggunce moroptum touk uptue.” Yesus arye el mapu 12 nang ati nyabuk.

Matius 8:4

Kum dayukba, Yesus arye anye biti nyabuk. “An suse kwetepmakinba, lopmakila ara, yuk nang ati, laka kum nyalbinulyame. Lak kum nyanulyam bukni, an nong dipdenamkila ati, Yahudi yala nang, Allah el si erena aik pum pil dona deiyoknye dam binuka, laka nyapmince, el elina ati, an nong amupdenulyame. Tonda, uk dilamne ninyeuk lopnopura, Musa arye, ‘Wininamlulume,’ nyabuka sekamuk touk, Allah si erena ati, kam un ning obuka arelbalamak touk, an babye aning kintinibuka arelbinalyame. Ara, yuk ninye eibikirye, ‘Allah arye anye akunum kwetepmanil,’ ‘Tenepnamkiyak’ tenen, nyapmakine,” Yesus arye nyabuk.

Matius 9:22

‘Yesus el baju bolpipnun’ tenen, yayukce, Yesus el baju bol pibukba, Yesus arye tamubuka, ayanmok kil eibuk. Eibukce ayupu nyabuk. “Na ka kilo, an diba tenepmanilama deice arye kwetepmakine. An kanye imun wamkuk ning ara, akunum kweteipmakina ati, telebuk kanye deibuka binamlyame,” nyabuk. Yesus arye nyabukopura, atalak aryuk, akil el ining balamuk ning ara, kum dayukce, teleb ubuk.

Markus 7:29

Akil arye nyabukopura, Yesus arye tamubuka nyabuk. “An akunum teneipmalamce teleb ubuka nyapmanilama ati, an kilmu talibuk isa, akunum bindople. Wini talak an aik tamubuka kanye deibuka binamlyame,” Yesus arye nyabuk.

Markus 9:23

Nyabukopura, Yesus arye tamubuka nyabuk. “Ance, ‘Kwetepnutum do,’ nyapmalama ara, yata ati do? Allah diba tenenyak nang ati, Allah arye aning-aning nirya pil dolule. Elda Allah ati, el kum winipmanto ning, kum ulule. Aning nirya babye, talye luba kibuka pil dolule,” nyabuk.

Yohanes 4:50

Morobukba, Yesus arye nyabuk. “Anda, talye kanye bobuka binulame. An mi kum dipnamle. Kam unamle,” nyabuk. Nyabukura, anye bira, ‘Yesus arye nyapmanil touk dipkoprop winipnamnile’ tenen, teniltona kumce, adiparyuk dib tenebuka biyuk.