Matius 6:8 - Eipomek

⁸ Anang yupu cang arye nyabuka, Allah morolamak touk, kum moronamlulume. Anggun patasilye ning, min kum moropmamunye talak arye, anggun ni Allah akunum kel bikilula anya arye, yupu cang arye morona kum unamlulume.

Matius 6:8 ပူးပေါင်းရင်းမြစ်များ

Mazmur 38:9

Winipniliba, na mitang diamuk ununa ati, na upmanto kum unune. Tonda, na talima nirya ara, tenipmanto kum unune. Tonda, na talima noutam ara, pia imun kanye bobuka ununa ati, ikin weik unilya ati, ‘Se, yata winiptinye do?’ tenen, pia ngalukunauk unune.

Matius 6:32

Tukwak ning uapliba, ninye patalul ning nirya ara, Allah diba tenena kum ninye arye, ‘Aninguk doproptibye,’ tenebuka unyake. Wininyak bukni, anggunda nati, diba tenelulum ninye, anggun patasilye ning nirya, anggun ni Allah arye, akunum tenesilirye, melibuka arenamsile ati, kanye imun kanye bobuka, kum unamlulume.

Lukas 12:30

Ayupu ara, talya ati kum nyapsine. Tukwak ulye ning ati, ninye nirya patalul ning ara, Allah ati ‘Diba’ tenena kum nang arye, ‘Aninguk dopropteipye,’ tenebikirye, sik kanye talima aning deiceuk deilinyake. Wininyak bukni, anggun na mapu ara, anggun patapsilye ning nirya, anggun ni Allah arye, akunum tenepsilirye, arenamsil ati, talye tukwak ning ati, kanye imun kum unamsile.

Pilipi 4:6

Yesus nun dolyanamsil talak ara, akunum dam upsil anya arye, yata ning do nirya ati, ilil upsiliba, ‘Se, yata upnamap do’ tenen, teniltonauk kum unamlulume. Ilil upsiliba, teniltona kum unamlum bukni, aminyan winipnamsil ning noutamak nirya ara, Allah ati moronamlulume. Ara, Allah ati telebe nyabuka, anggun patapsilye ning nirya ara, lakak nyapmunce, Allah pia moronamlulume.