Matius 5:32 - Eipomek

³² Bukni, na nyapsin yupu ara, anggun domunye kilapu, yuk nang arye ubula yobikcopura, akil batakna mitik telebe. Bukni, ubula kum yopmakce bukni, mambul ning ati, deiyok kum upmalibuk, talya batakmunyopura, ara pia malye. Anggun kilapu arye, yuk nang ap ubula yoldakcopura, batakna teleb bukni, yuk deiyok nirya deice arye teneprumunce, anggun kilapu talya batakmunyopura, ara malye. Abatakmunye kil, yuknye birye doplyopura, sik bitinye talya yolamak touk, wininamrake. Bukni, akil ati malye ulina deiyok nang ara, sik kilapu batakanyak nang uka. Tonda, yuk nang domikce kilapu, ubula kum yomikcebuk batakikceba, yuknye birye akil doplyopura, anye babye talya yolana atonun ulule. Ati, anggun babye, yuk nang babye, yuk ninye arye batakikce kilapu babye, batakikce ninye babye, dolana meme. Tonda, sik kilapu do, ninye do, talye-talye yoldana kumopura, batakna pia meme.” Yesus arye nyabuk.

Matius 5:32 ပူးပေါင်းရင်းမြစ်များ

Yeremia 3:9

Tonda, pia tonok ning ara, alye un ning ton el dam kum ulule. Talye yon kil atonun ubukce, keil ap, yo ap ati, Na ni Allah,” nyabuka, el si erelule. Winilya deice arye, amutuku ara malye kililule.

Matius 5:28

Bukni, na nyapsin yupu ara, anggun asing arye kilapu eipmunce, ‘Akil ara, teleb tenepmana ati, dobuka yoptinye,’ tenepmunyopura, ara dipkoprop kil dobuka talya yolamak touk, anggun talima ap, kanye ap, tenena noutamak arye akunum winilulume. Winipmunyopura, Allah el kanye ara, ‘Akunum yopdanmarake,’ tenesulule.

Lukas 16:18

Na dipkoprop nyapsine. Yata nang do nirya, sik kilapu koprop batakikirye, yuk kilapu doprobiceura, ninye arye yuk kilapu ubula dalubuka talya yolamak atouk winiluluma ati, winina ara, pia meme. Tonda, yatanye do nirya, yuk nang arye domica ani, batakice kil dobuka doplyopura, ara yuk nang arye talye ubula yolamak kil atonun ulule.” Yesus arye Farisi nang ati nyabuk.

Lukas 9:30

Winibukura, sik awinilye nang mapmek dam arye, minop ulamik nang ara, Allah el im deice dirina ubuk deice arye, nabi Elia ap, Musa ap, Yesus dam tikilyarik. ‘Tikilyarikura, Allah arye Yesus ati, Winipnamle’ tenen, akunum wipdeiamuknye ati, yupu talipmek. Ara, Yesus ap sik neika tikikce, yupu talipmek.

Lukas 9:35

Adua kan-kan ara, Allah arye ayupu nyabuk. “Aunmalanye bira, na Mi Koprop ulule. Narye el wibuka deiamsa ati, el yupu pia moubuka kekenamlulume,” nyabuk.

Roma 7:3

Aning ati ara, akil el akanye tuba kam ulul talak noutamak arye, anye batakuka yuknye doplyopura, yuk ninye arye akil ati, “Akil ara, malye kil ulule. El akanye batakuka, yuknye dobuka anya arye, ubula yolamak kil atonun ulule,” nyanyake. Bukni, akil el akanye akunum diplyopura, amem yupu amu tam tuba kum ulula ati, akil arye yuknye doptua babye, yuk ninye arye elti, “Ubula yolamak kil atonun ulule,” kum nyaptinge. El akanye min arye domuknye akunum dibuka anya arye, ayupu kum nyaptinge. Ayupu ara winipmanto ning ati nyapsine.

1 Korintus 7:4

Sal dobuk kil, el nong ara, el damang aniryuk kum talildalule, el akanye birye ton el kil talilule. Aning atonun ton, kil arye, el dobuknye bira, el nong ara, el tonok aryuk kum talilule, el kil arye, ton el akanye talilule.

Ulangan 24:2

Akil arye, anye el aik akunum batakuka bilyopura, yuknye birye akil ati, ‘Se na doptinye,’ teneplirye, donamle.