Matius 5:1 - Eipomek

¹ Ura, sik ninye weike Galilea tam ap, Yudea tam ap, Yerusalem mutuku ap arye, bulubuka yayikba, Yesus eibukopura, ‘Peterepnun’ tenen, weik mutuku kon deice welebuka bukuk. Bukukce, el wipdeiyamuk nang, sik 12 nang ara, el bukmok dam bukik. Abulupmek nang nirya babye, asukumuk bukik.

Matius 5:1 ပူးပေါင်းရင်းမြစ်များ

Matius 13:2

Peterenmok bukni, el dam yanuka wekmek nang ara, yupa pia weike bulubuka yanmeka ati, Yesus ara mekwen deice kup-kup ak, mek lia yo deice bukmokce, amekwen lilkwa koprop tikuka wekmek nang ati, el yupu peterenmok.

Matius 15:29

Yesus arye, amutuku batakuka balamuka ani, Galilea mekwen kup-kup tam biyuk. Daulamuka ani, yuk sum ara, mitik mutuku kon deice welebuka biyuk. Amutuku deice welebukura, amutuku noutamak ulamik bukni, dana-dana tam ulamik ninye bulubuka yupa weik arye Yesus dam wekelyaik.

Matius 4:25

Yesus elce winilamuk talak nirya ara, Galilea tam ulamik ninye ap, Yudea tam ulamik ninye ap, Yordan mek koubuka otam ulamik ninye ap, sik asik sepuluh arye dobuka ulamikce, amutuku si Dekapolis nyalamik mutuku ulamik ninye ap, Yerusalem mutuku ulamik ninye ap, weik arye Yesus melibuka balamik.

Matius 5:2

Aninye ap, el yupu kekebuka dobolbalamik nang, yuk nang ap, sik nirya bukikura, elce ayupu deiyok koubuka peterenmok.

Markus 3:13

Yesus arye tonok mutuku dup welebukce, Ananguk na pil donamniake tenyamuk nanguk yukubukura, welebik.

Markus 3:20

Yesus arye adua belas (12) nang akunum wipdeibukopura, anang nirya bulubuka tonok aik wekelbiyik. Wekelbiyikba, ninye yupa weika arye bulubuka, sik dam yayikce, mening deice dekneldanmeka ati, Yesus ap, el mapu ap, pile weik donmeka ati, sik din kum dipmanto ubik.

Markus 4:1

Yuk talak ara, Yesus arye Galilea mekwen lilun peterenmok. Peterenmok bukni, el dam yanuka wekmek nang ara, yupa pia weik bulubuka yanmeka ati, Yesus ara mekwen deice kup-kup ak, mek liya yo deice bukmokce, amekwen lilun koprop wekmek ninye ati, el yupu peterenmok.

Lukas 6:12

Yuk talak ara, Yesus arye, ‘Allah moropnun’ tenen, tonok mutuku dup welebukce, atonok lukunyan nirya Allah ati moronmok.

Lukas 6:17

Yesus arye el doprobuk nang ap, amutuku dup arye kulukikce, lyu ak wekelbiyik. Biyikopura, Yudea tam noutamak ulamik nang, yupa weika arye unmek. Amutuku-amutuku dana-dana ninye nirya arye bulubuka yayik. Tonda, Yesus el yupu kekebuka dobolbalamik ninye ton aunmek. Sik yayik mutuku si ara, Yerusalem asik ap, tonda laut mekwen lilun mutuku bitinye si ara, Tirus mutuku ap, Sidon mutuku ap, amutuku nirya arye yayik.

Lukas 6:20

Yesus arye, el yupu kekebuka dobolbalamik nang ati dipdeyukce, ayupu nyabuk. Wini talak teninamsil ning, talye bona utotoa talina kumnye ara, Allah ninye nirya lyeplirye, kanye talima talinamsil ning dopropmunce, el ap neika unamlume. Allah arye teleb ulinamsil ati, anggun kanye deibuka unamlume.

Lukas 9:28

Ayupu nyabukopura, daulamika ani, naku barye sum akunum mabikopura, Yesus arye winilye nanguk doprobukce, ‘Allah moropnuyap’ tenen, weik mutuku dup welebik. Yesus ap mutuku dup welebik nang si ara, Peterus ap, Yakobus ap, Yohanes ap, Yesus ap, sikuk amutuku dup welepmek.

Yohanes 6:15

Nyalamika ati ara, sik kanye noutamak tenelamik ning babye, Yesus akunum tenyamuk. Ara sikce Yesus ati, ‘Nun weik ninye deiyoknye, Raja unamsil’ tenen, ‘Yesus dobdebibyeba, amutuku nirya talinamsil’ tenen, ‘Yesus dobuka erepdeibibyeba, elce talinamsile,’ tenelamik. Sikce utenelamik ning ara, Yesus akunum bikamuka anya arye, aninye asukumuk batakuka, el yuk bai tam mutuku biyuk.