Matius 4:23 - Eipomek

²³ Sik ap, Yesus ap, Galilea mutuku noutamak balamika ani, Yesus arye, sik Yahudi yala nang Allah yupu keken aik wekuka, el yupu peterelamuk. El teleb yupu peterelamuka ara, Allah arye ninye lyeplirye, sik talima talinamle yupu, lak teleb yupu peterelamuk. El peterelamuk talak nirya ara, sik amutuku ninye mitikuk dilamuk nang ap, minop danirye weik uk dilamuk nang ap, teleb ubuka kwetelamukba, aninye nirya teleb ulamik.

Matius 4:23 ပူးပေါင်းရင်းမြစ်များ

Mazmur 103:3

Allah el diparyuk, nun malye wininun ning nirya ati, namin kisilirye, kum kibuka deiplyopura, lyesulule. Tonda, nun kanye imun uk talepmasilye ning nirya, Allah el diparyuk auk nirya kum kipdeiplirye, kwetepsilyopura, tuba tamubuka, tonap teleb kilisulule.

Mazmur 74:8

Nun mal olan nang arye, “Kume, sik Israel nang nirya ara, pia obuka, sirya dakicopura, sik kam tuba unamak nang ara, nun amu tam pia aunamake,” nyalalamikce, kekenauk ulamik. Tonda, nun Israel nang ulamupu noutam nirya ara, Allah an si eren ati, mitik aik domupak arye, bulyamupu asik nirya babye, dakukabikce, uku dongobikba, uku arye dibukce, kum dayuk.

Matius 11:5

Ara, nyapnululume. ‘Asing kuamlye ninye perekeipliba, elinyake. Aik bukamikce nang kwetelilulba, banyake. Barye suse atonun suse dilamlye nang kwetelilulba korokolsakalule. Amol kunukamlye nang kukeipliba kekenyake. Akunum dipmakce nang kam bulilule. Tonda ninye lyena ati, Allah el lak teleb yupu talya kankan ninye kekena ati peterepliba, kekenyake,’

Matius 12:9

Ayupu nyabukopura, anyaka batakuka, Yesus ap, el mapu ap, balamika ani, Yesus arye Yahudi yala nang, Allah yupu peterelamik aik binuka wekuk.

Matius 13:19

Ura, yo duk dokninbanmok bukni, bisik noutam sakmok ning ara, Allah yupu peterebik bukni, yuk ninye arye, ‘Kekepnuyap,’ tenebikibuk, bita kum kekenyake. Ara, Isa Mutuku Dongonye, malye winina deiyoknye birye, adiparyuk sik talima noutamak arye, ayupu dalubuka dololule. Dopropliba, aninye dib kum, tenenyake.

Matius 13:54

Sik mapnin balamika ani, Yesus el mutuku koprop, Nasaret mutuku koulukik. Koulukuka biyikce, Nasaret mutuku noutamak daulamik bukni, Yahudi yala nang arye Allah yupu peteren aik, Yesus wekukabukce, Allah yupu peterenmok. Peterenmok talak ara, pia teleb ubuka peterenmoka ati, el yupu kekenmek nang arye ngalukunmek. Ngalukunmekce nyanmek, “Anye bira, el peterenmal yupu ara, dan mutuku arye kel kibuk do? Yata weik kel bikna nang arye peterebikba, weik kele kibukce teleb ubuka peterenmasil do? Yata mutuku arye ninye kum winipmanto ning, mambul pil dona ati, mikip deiyok ning arebikba apil donmal do?” nyabuka ngalukunmek.

Matius 14:14

Yesus ap, el mapu ap, mek lia yo lukuka delilbiyikce, Yesus tukwak tikilbiyukura, amutuku yupa weik wekmek ninye ara, eibuk. Eibukce, awekmek ninye ati, Yesus arye bico tenebuk. Aninye arye, yukakuk dilamuk ninye bobuka boyanmek nirya ara, Yesus arye kwetebuk.

Matius 24:14

Aning-aning nirya, sirya min kum dakmalye talak ara, na lak teleb yupu peterepra banamake. Ara, Allah lyepsilirye, ninye talima melinamsil yupu dobuka, mutuku sirya, im sirya peterepra banamake. Mutuku sirya, im sirya nirya na lak teleb yupu peterepra banamak ning, ara, ‘Ninye mutuku-mutuku nirya kekepting’ tenen, mutuku-mutuku nirya peterepra banamake. Mutuku-mutuku nirya akunum peterepra balamica ani, sirya daknamle talak yanamle.

Matius 3:2

Yohanes peterelamuk ning ara, ani. “Anggun nirya, anggun kanye talima malye tenelulum ning ap, anggun malye winimunye ning ap batakuka, kanye dangupmunyeura, Allah arye amalye ning nirya kum daneiplirye, namin kipnamsile. Winipnamlum ning, ara Allah arye ninye weike lyeplirye, sik kanye talima talinamle talak, akunum dam upmala ati, anggun malye winimunye ning nirya bataknululume,” nyabuk.

Matius 9:35

Wini talak noutamak ara, Yesus arye, weik asik dolamik ap, ninye mitika arye ulamikak ap, Yahudi yala nang, sik Allah yupu peterena aik binuka wekelbalamukce, ‘Allah ninye lyeplirye, sik kanye talima talinamle’ tenen, lak teleb yupu lakak ubuka peterelamuk. Tonda, Yesus arye mutuku-mutuku nirya peterepra balamukce, uk yala yuk-yuk, uk dilamuk ninye weike kwetelilamuk.

Markus 1:14

Yohanes Pembaptis tongobikce, akunum tapu koubuka wenen aik dongobikba, Yesus ara, Galilea tam tamubuka welebiyuk. Welebiyukce, Allah el laka teleb yupu, ninye lyen yupu lak nyalamuk. Nyalamuk ning ara, ani.

Markus 1:21

Yesus arye winiryuk dobuk nang ap, Yesus ap, tonok dolamik asik si ara Kapernaum mutuku welebik. Welebikce aunmek bukni, Yahudi yala nang, sik Allah yupu weklamik sum el si ara Sabat sum akunum ubukopura, Yesus arye Yahudi yala ninye Allah si erelamikce, Allah yupu peterena aik wekukce, peterenmok.

Markus 1:39

Nyabuk touk, Galilea mutuku noutam nirya, balamukce, Yahudi yala nang sik Allah yupu peteren aik wekuka peterelamukce, aninye talyamne isa nirya yaklamuk.

Markus 3:10

Awinibuk ning ara, uk dilamuk ninye weika arye akunum kwetelamuka ati, atalak ara, uk dilamuk ninye arye, ‘Yesus el nong ton taliptibye ak, kwetepsutue’ tenen, wekelyayikce, ninye weik arye, mening deice yanilanmekce dekneldanmek.

Markus 6:2

Binuka daulamika ani, Yahudi yala nang, sik pil dona kumce, dikdik sen sum, sabat sik Allah si erelamik sum akunum ubuka ati, Yahudi yala nang arye, Allah yupu peterelamik aik Yesus wekelbiyukce, Allah yupu peterenmok. Peterenmok talak ara, el yupu kekenmek nang arye, ngalukunmek. Ngalukunmekce nyanmek, “Anye bira, el peterenmasil yupu ara, dan mutuku arye kel bikuk do? Yata ning arye peterebik ak, weik kel arye peterenmasil do? Yata arye kel kibukba, ninye winipman kum pil dolul do?” nyabuka ngalukunmek.

Markus 6:6

Winibuk bukni, Nasaret mutuku noutamak ulamik nang nirya, sik diba kum tenebika ati, Yesus arye anang ati, ikin kanye bobukce, ‘Se,’ tenebuk.

Lukas 10:9

Amutuku uk dilamlye ninye kwetepnamlulume. Tonda, “Allah ninye weik lyeplirye, sik kanye talima talinamsil talak ara, akunum dam upsile,” nyabuka peterenamlume.

Lukas 13:10

Yuk talak ara, sik Yahudi yala nang Allah kina ati, pil dona kumce dikdik selamik sum, Sabat sum deice Yesus arye, Yahudi yala nang sik Allah yupu peterena aik wekelbiyukce, Allah yupu peterenmok.

Lukas 16:16

Minop talak arye dipdongobuka, anoutamak talak nirya ara, Allah arye, ‘Aning ara wininamlulume, aning ara kum wininamlulume,’ nyapdeibukura, Musa arye sekamuk mem yupu ap, tonda Allah yupu lak nyalamik nang, nabi-nabi nang arye sekamik yupu ap, peterena deiyok nang arye peterelamik. Atalak nirya ara, ayupu uk peterelamik bukni, Yohanes arye el yupu peterelamuk talak arye, deiyok kouprongobuka wini talak nirya ara, min arye, peterelamik ning akunum sirya dakmake. Wini talak ara, Allah el kai teleb yupu peterenyabe. Ayupu ara, Allah ninye nirya lyeplirye, sik kanye talima talinamsil yupu ati nyapne. Ayupu peterebibye, ninye weike kekebikirye, ‘Nun ton diba tenebibyeura, Allah arye lyepsutue’ tenen, fia, pi dobuka mikip deice arye pirildenyake.

Lukas 20:1

Tonok sum ara, Yahudi yala nang arye Allah ati arilbalamik aik dam Yesus biyukce, peterenmok. Ara ‘Allah ninye weik lyeplirye, sik kanye talima talinamle,’ nyabuka, Allah el laka teleb yupu, peterenmok. Yesus arye peterenmokura, Yahudi yala nang Allah arena ati sik ninye deiyok nang ap, tonda Allah arye, ‘Aning ara wininamlulume, aning ara kum wininamlulume,’ nyapdeibukura, Musa sekamuk yupu peterena deiyok nang ap, tonda Yahudi yala nang sik yupu bokolina deiyok nang wisi nang ap Yesus dam yayikce, ‘Wenepnamap’ tenen, asipdeyik.

Lukas 4:14

Allah El Dib Kanye Yesus ati, mikip weik aribukura, Galilea tam tamubuka biyuk. Biyukce pil dolamukopura, amutuku noutamak ulamik ninye weika arye, el winilamuk ning laka nyabikura, aninye nirya kekebuka kel biklamik.

Lukas 5:17

Tonok sum ara, Yesus arye peterenmok talak ara, sik Farisi nang ap, Allah arye, ‘Aning wininamlulume, aning ara kum wininamlulume,’ nyapdeibukura, Musa sekamuk yupu peterena deiyok nang ap, Yesus peterenmokak bukuka kekenmek. Anang ara, dana-dana nirya, Galilea tam ap, Yudea tam ap, ton weik asik dolamik asik Yerusalem mutuku ap, amutuku-amutuku nirya arye yanmek. Sik nirya aunmekura, Yesus arye peterenmok talak ara, Allah arye, ‘Yesus ara, uk dilamuk ninye kwetepnul’ tenen, el mikip weik akunum arepmoka anya arye, kintinibuk. Yesus ulamuk aik ara, lo mitik atonun babye, pia kum ubuk. Aik buplan dam, buru tam babye, lo kum ubuk, nirya langdibuk. Winibukura, Yesus arye anang ati, Allah yupu peterenmok.

Lukas 6:17

Yesus arye el doprobuk nang ap, amutuku dup arye kulukikce, lyu ak wekelbiyik. Biyikopura, Yudea tam noutamak ulamik nang, yupa weika arye unmek. Amutuku-amutuku dana-dana ninye nirya arye bulubuka yayik. Tonda, Yesus el yupu kekebuka dobolbalamik ninye ton aunmek. Sik yayik mutuku si ara, Yerusalem asik ap, tonda laut mekwen lilun mutuku bitinye si ara, Tirus mutuku ap, Sidon mutuku ap, amutuku nirya arye yayik.

Lukas 6:6

Yuk Sabat sum ara, Yesus arye Yahudi yala nang, Allah yupu peterelamik aik wekuka peterenmok talak ara, sirik taruk kwanyamuknye ton, anyaik pum ulamuk.

Lukas 7:21

Akaren noutam aryuk, Yesus arye uk dilamuk ninye ap, ninye isa talilamuk ning ap, yakal kwetelamukce kwetelamuk. Tonda, asing kuamuk ninye weik asing lalilamukura, teleb ulamuk.

Lukas 7:22

Atalak arye winilamuk ati, Yesus arye asilyanmarik nang ati, tamubuka nyabuk. “Anggun amul arye kekelulum ning ap, asing arye elilulum ning ap, Yohanes dam lake nyalbirurume. Ara, asing kuamlye ninye lalilyeura, elinyake; aik bulamice ninye kweteiplyeura, banyake; barye suse atonun suse dilamlye ninye kweteiplyeura, mikilule; amul kunukamlye ninye pakeiplyeura, kekenyake; akunum dipmace ninye kam bulilule; tonda ninye lyena ati, Allah el lak teleb yupu talye bona utotoa talina kumnye kekena ati peterelyeura, kekenyake.

Lukas 8:1

Atalak noutam ara, Yesus arye, weik asik dolamikak ap, ninye mitik anun ulamikak ap, balamukce, Allah arye ninye lyeplirye, sik kanye talima talinamle yupu, laka teleb yupu peterelamuk. Peterepra balamuk talak nirya ara, elce wipdeiamuk nang obarye 12 nang ap, melibuka balamik.

Lukas 9:11

Sik yuk banmek bukni, sik sakwetebuka, banmek talak eibik nang arye, laka nyanmeka ati, yuk ninye weik kel bikik akarye, ‘Epdanamap’ tenen, sik babye, aminyan banmek. Yesus Betsaida mutuku akunum biyukopura, ayupa weik aminyan wekelbiyik nang ati, telebe nyabuka, “Allah arye ninye lyeplirye, sik talima pia talilule,” nyabuka peterelamuk yupu tonap peterenmok. Tonda, sik uk dilamuk ninye weik kwetenmok.

Lukas 9:60

Nyabukura, Yesus arye tamubuka nyabuk. “Dib tenena kum ninye ara, dibinyak ninye atonun unyak anya arye, sik dibikce ninye ara, aninye arye weiptinge. Anda, ‘Allah arye ninye weik lyeplirye, anggun kanye talima talinamsil talak akunum yanmale,’ nyabuka, Allah el kai teleb yupu ara, peterelbilyame,” nyabuk.

Yohanes 18:20

“Kume, amutuku noutamak nirya ara, ninye mutuku-mutuku nirya ati, yupu laka aryuk peterelamse. Narye yupu dungnubuka kum peterelamse. Anggun Yahudi yala ninye bulubuka weklamlum aik pum peterelamsise. Ara, anggun Allah yupu keken aik ap, Allah yupu peterena aik ap, Allah arena ati, weik aik domik, anyasik dam ap, laka aryuk peterelamse.

Yohanes 6:59

Yesus arye ayupu nyabuk talak ara, Kapernaum mutuku noutamak, Yahudi yala ninye, sik Allah yupu peterena aik pum noutamak arye nyabuk.

Yohanes 7:1

Yesus el melilamik nang weik, lik ubukba, batakik talak arye dipdongobuka anoutamak ara, Yesus arye Galilea mutuku noutam akuk peterepra balamuk. Sik Yudea tam noutamak ulamik nang, Yahudi yala nang arye, ‘Yesus optibye’ tenen, elti, kalikinmek ning ara, Yesus akunum bikmoka anya arye, Yudea tam kum banmok.

Rasul 10:38

Allah arye Yesus Nasaret mutukunye, akunum wipdeibuka ati, ‘Na piluk donamle’ tenen, el mikip ap, Allah El Dib Kanye ap, Yesus nong deice deibukura, Yesus arye pia teleb piluk dopra balamuk. Dopra balamuk akarye, Isa Mutuku Dongonye kouke pum tam weklamukak ulamik ninye weik kwetelilamuk. Aninye weik kwetelilamuk deiyok ara, Allah ap, Yesus ap, sik neiktoto ulamrik arye, Allah el mikip el nong deice deiamuk arye aninye kwetelamuk.

Rasul 18:4

Winilamika ani, Sabat sum nirya arye, sik Yahudi nang Allah yupu peteren aik Paulus weknarye, Yahudi yala nang ap, Yunani yala nang ap, sik kanye tenen ning batakikirye, winiryuk kanye talima yuk punubikirye, ‘Yesus dib tenepnamak’ tenen, Paulus arye lipsisikilamukce Allah yupu peterelamuk.

Rasul 20:25

Nyabukce, ayupu ton dukdongobuka nyabuk. “Winira na kele. Anggun nirya, anggun kan-kan balamsirye, ‘Allah lyepsilirye, ninye kanye talima talinamsil,’ nyabuka, el yupu peterelamsise ninye nirya, tuba tamubuka tonap, pia na kum eipnamnulume.

Rasul 28:31

Aulamuk talak nirya, yuk nang arye, ‘Bataknamle’ tenen, kum sekelongolamikbuk, Paulus arye ilil una kum mikip deice arye, nun ni koprop Yesus Kristus el yupu ap, Allah arye ninye weik arye, lyepsilirye, pia talibuka melisulul yupu ap, el dam yangalamik nang ati, peterenuk ulamuk. Telebe, akunuma. Na Lukas arye, asukumuk deipne.

Roma 10:15

Tonda, sik peterelbana deiyok nang ati, yuk nang arye, ‘Sik peterelbanamak’ tenen, anang sik melina ning ap, melibuka kum doprobikirye, anang dobuka kum dopkwetebicopura, yata ubuka peterelbiting do? Kume, aning nirya kum winipmanto. Allah yupu noutamak sekeipsik touk, ‘Allah arye ninye lyena ati, el laka teleb yupu peterena ati, ayupu dobuka boyasice nang ara, sik yan babye urasin pia teleb ulule, tenenyabe.’ (Yesaya 52:7)