Matius 4:20 - Eipomek

²⁰ Yesus arye nyabukopura, Simon ap, Anderias ap, sik bitinye nang ara, mekin bal dongobuka don ning, jala batakrikce, adiparyuk Yesus melibuka dobolbirik.

Matius 4:20 ပူးပေါင်းရင်းမြစ်များ

1 Raja-Raja 19:21

Nyabukura, Elisa tamubuka wa winmokak yayukce, sapi basam bitinye yanuka obuk. Sapi basan arye kirikuka banmek yo tace ning, tuku palin ning nirya ara, el si ara pajak sapi, adiparyuk ayo toubuka uku dongobukce, sapi obuka kwalibuk. Akunum kwalipmoka obukopura, kalibuka el tam ninye ap, el lin, el kilmu ap, sik nirya bukuka neika dibik. Aning dibikopura, Elisa adiparyuk amutuku batakuka Elia el melinanye kina ati bine nyabuk.

Mazmur 119:60

Narye wini talak aryuk, ayupu nirya bobuka banamne. ‘Wini talak kum bukni, aminyan yuk talak teleb wininamne,’ kum tenenamne. Ati ance, “Aning ara, wininalulume. Aning ara, pia kum wininamlulume,” nyapdeiamsulum yupu bobuka banamne. Ayupu batakuka, talye kanye bopmaniryuk, kum wininamne. Ayupu ara, pia ati talibuka wininamne.

Matius 10:37

Nyabukopura, ayupu ton nyabuk. “Ura nada, ‘Mika arye nyalilamuk atonun unamle’ tenen, yasa ati, yata nang do nirya, anggun ni yapu ap, anggun nin yapu ap ati, weik arye kanye delilulum bukni, na ati ara, kanye mitik anun aryuk kanye delilulum nang ara, na mapu kum uptinge. Atonun ton, anggun mapu ap, anggun kil mapu ap ati, weik arye kanye talima dukuldongolulum bukni, na ati ara, kanye talima mitik anun aryuk dukuldongolulum nang ara, na mapu kum uptinge.

Matius 19:27

Nyabukura, Peterus arye tamubuka nyabuk. “Naie, an melin ati, nun talyamubu ning nirya batakuburye, an yupu kekebuka dobolyangakinyabe. Wininyaba ati ara, Allah arye yatato dekna ning arepsiliba dopropnamap do?” nyabuka asipdeyuk.

Matius 4:19

Sik wininmarikba, Yesus eibukopura, abitinye nang ati, nyabuk. “Anggunda, na melibuka dobolyanururume. Mekin bal dongobuka dolamrum touk, ninye bulubuka don nang kipdeipnamsine. Ara, ‘Allah lyeplirye, sik talima talinamle’ tenen, anggunce ninye weike bulubuka, na dam boyanamnurume,” nyabuk.

Matius 4:21

Yesus ayupu nyabukce, amekwen lilkwauk banmoka ani, bitinye nang ton, Yakobus ap, el weit Yohanes ap, ara Zebedeus el mapu, sik mek lia yo deice arye, mekin bal dongobuka dolamrik ning, el si ara jaring, aning pum lipsisikuka winmarikbuk eibuk.

Lukas 5:11

Akunum nyabukopura, sik mek lia bukna yo bopmek nang nirya, mekwen lilun anyuk lukuka deibikce, aning-aning nirya anyakuk batakuka Yesus melibuka biyik.