Matius 28:8 - Eipomek

⁸ Anye ayupu nyabukopura, akilapu arye, kanye bokol tonmok arye, ilil weik ubuk bukni, tonda, teleb kanye deiprikce, ‘Yesus el mapu nyalbinunam’ tenen, keil deiya dam batakuka, bik-bik abuka birik.

Matius 28:8 ပူးပေါင်းရင်းမြစ်များ

Mazmur 2:11

Winipmunyopura, Allah yupu kekebuka umunce, Allah el si Yahweh ati, ilil tenebuka, el amu tam umunce, el piluk donamlulume. ‘Allah arye wenepsilyak’ tenen, weik ilil usululba umunce, nun ni koproba Allah ati, kanye delinamlulume.

Matius 28:7

Eipmunce adiparyuk minopce, elce wipdeiyamuk nang, sik 11 nang ati, ayupu laka nyalbirurume. Yesus ara, akunum kam bukmale. Ati, Yesus arye, ‘Na kam bukuka minopce Galilea tam binmanopura, anggun aminyan bimunyeba, eipdanamabe,’ nyapdeiamsuk touk, el minopce kam bukuka binmale. Ati, anggun nirya epdanamlume. Ayupu laka nyalbinululume. Na akunum nyapsine,” Amalaikat arye, akilapu ati nyabuk.

Matius 28:9

Bisik noutamak bik-bik abuka banmarik talak ara, Yesus talye karin yayukce epdayik. Epdayikce, Yesus arye akilapu bitinye ati, “Telebe,” nyabukba, el dam yarikce, si erebuka, ‘El si kipnunam,’ teneprikce, el yan dam yanuka taliprik.

Markus 16:8

Anye bira ayupu nyabukopura, awinilye kilapu arye kanye bokdayukba, ilil weik ubuka ati yok sirim talibuk. Keil deiya pum bisik kubukabikce, buru tam bik-bik abuka biyik. El nyabuk yupu nirya kekebuka tenebikce, ilil weik ubuka ati, sikce yuk nang ati kum laka nyabik.

Yohanes 16:20

Dipkoprop nyapsine. Sik diba tenena kum, talye unyak ninye mutuku-mutuku nirya kanye deibuka pin-pin arye unamak talak noutamak arye, anggun na mapu ara mambul kanye bobuka engenamlume. Anggunda, imun kanye bobuka engenamlum bukni, aminyan ara anggun engenamlum ning ara, kum daliba, kanye deibuka pin-pin asauk unamlume.

Yohanes 16:22

Aning ara atonun, wini talak ara na mapu anggun kanye imun usilye talak ara, wini talak akunum upsil bukni, aminyan tam na ap, anggun ap ansinibuka eipdabirye, anggun pin-pin asa arye unamlume. Winipmunyopura, yuk ninye arye anggun kanye pin-pin asa unamlum ning ara, kume, kum daneipsitinge.