Matius 27:9 - Eipomek

^9-10 Aning nirya winilamika deice arye, Allah yupu laka nyalamuknye, nabi Yeremia arye, “Winipnamake,” nyabuka nyalilamuk touk winibik. Yeremia arye nyalamuk yupu ara, ani. ‘Israel ninye arye ninye yupu nyabuka, opnamika ati, keil uang 30 arebik ning ara bobuka, ninye asik nang weinak ati, tuku dekik. Awinibik ning ara, Allah arye ‘Winipnamake,’ tenyamuk touk winibik.’ (Yeremia 32:6-9) Yeremia arye nyabuka sekamuk.

Matius 27:9 ပူးပေါင်းရင်းမြစ်များ

Keluaran 21:32

Winipmanto ara, ninye melina ati, yo bok deice arye dekuka deibikiba, dekne ning ton dolona kumce, talye pil melibuka dona ati, pil dolamice ninye do, kilapu do, asapi basam el kisok deice tace ning aryuk mangkau asa opliba, diplyopura, asapi basam deiyoknye birye, keil uang weik ning tiga puluh perak dobuka, apil melinanye, opmalya el dekna ati, ‘Pil donamnilʼ tenen, yo bok arye dekuka deiamlinye biti, arenamlule. Areplyopura, asapi basam deiyoknye kum opnamlume. Bukni, asapi ara, adiparyuk keil dobuka opmunyeba, dipnamlule.

Yeremia 1:1

Ayupu sekamuknye, el si ara Yeremia. Ara, Benyamin yala nang sik mutuku noutamak tonok mutuku el si ara, Anatot mutuku, tonoknye el si Hilkia ulamuk. Hilkia arye, el mi Yeremia deibuk. Yeremia bira, Allah el si eren aik pil talibuka dolamukce, Hananot mutuku ulamuk. Yeremia birye nyabuk yupu ara abuku noutamak sekuk.

Matius 1:22

Ura, Maria ninye dona kum diparyuk, Allah El Dib Kanye mikip deice arye mi bobuka ara, Allah arye nyapdeibukba, el yupu laka nyalamuknye nabi Yesaya arye nyalilamuk touk winipnamuka ati, winibuk.

Matius 2:17

Amapu nirya obika ara, Allah yupu laka nyalamuknye nabi Yeremia nyalamuk touk, winibuk. Yeremia nyalamuk yupu ara ani.

Matius 26:15

Yudas arye anang sik dam ninye yupu delilbiyukce ayupu nyabuk. “Yesus opnamluma ati, narye Yesus yukupnirye, arepsinyopura, yo bok yata barye arepnamnulum do?” nyabuka asipdeyuk. Asipdeyukba, sik anang arye, “Winipsiminyopura, keil uang dekna weik ning, yupa winilye 30 arepnukiyabe,” nyabikce, akeil uang nukuka arebik.