Matius 27:8 - Eipomek

⁸ Winilamika ati, aninye arye, “Atuku ara, ninye ining tuku,” nlyalamik touk, wini talak ababye ayupu tuba nyanyake.

Matius 27:8 ပူးပေါင်းရင်းမြစ်များ

2 Tawarikh 5:9

Peti Perjanjian dobik marikna talibuka bana ati, cang yo bitinye ara, asukum ubuk. Amarikna deibik aik si ara, Pia Teleb Lek Aik nyalamik. Anyaik dam bukni, mitik tonun otam aik, si ara, Teleb Lek Aik nyalamik. Ura, amarikna bobana ati yo cang dana-dana tam amarikna kup-kup ak kin-kin potokdongobik cang yo ara, cang weik ubuka ati, Teleb Lek Aik pum tam tikibikce, ayo el mouse tam laka belepdeibik, Teleb Lek Aik bai tam arye dildenopura, acang yo mouse ara, kum elilamik. Abuku sekupu talak ara, acang yo bitinye ara, anyaik noutam wini talak babye, tuba aupmale.

Matius 27:7

Utenebuka nyabikopura, ‘Ninye asik nang, yuk mutuku arye nun mutuku yakirye dibikcopura, sik nong weinamabak ati, akeil uang bobuka, tuku deknuyabe,’ tenebikce, tuku dekik.

Matius 28:15

Nyapdeibik touk, yin talin nang ayo bok doprobikce, anyapmek touk nyalbalamik. Ayupu nyalbalamikba, Yahudi yala ninye weike kekelamika ati, wini talak unyak ninye babye, ayupu tuba nyanyake.

Rasul 1:19

Winibukura, Yerusalem mutuku ulamik ninye nirya kekebikopura, awa wiamikak si ara, sik Aramaik yupu arye “Akeldama” nyalamik. (‘Akeldama,’ nyalamik ara, ining wa ati nyalamik.)

Ulangan 34:6

Musa dibukopura, Allah el si Yahweh arye, Musa el nong bobuka, Moab mutuku dup bukni, mutuku si ara, Bet-Peor mutuku weibuk. Bet-Peor mutuku atam, otam lu uamukak noutamak weibuk. Bukni, aweibukak ara, dotalak arye dipdongobuka, wini talak babye ton, Musa weibukak ara, pia kum elinyake.

Yosua 4:9

Deibikba, Yosua birye, ton akeiluk dobukabukce, tabuka bulupdeibuk. Ara, Allah el si eren aik pum tam pil don nang, Allah nyamuk yupu liamik marikna bobuka, Yordan mek duk-duk noutamak tikmekak anyuk, Israel ninye arye, mek pum bisik obarye (12) keil dobukabikce, sik doltakna aik dam, bobinuka deibik ning ara, Yosua birye, akeil obarye nirya dobuka, tonok sukumuk tabuka bulupdeibuk. Akeil nirya ara, ayupu sekuk talak babye, tuba aubuke.

Hakim-Hakim 1:26

Kum obikika ati, anye bira, Betel mutuku arye batakuka, otam Het yala nang mutuku binuka ulamuk. Ulamukce, weik asik ton dobuk. Amutuku si ara, “Lus mutuku,” nyabuk. Nyabuka, si dobuk mutuku ara, wini talak babye, abuku sekupu talak babye, asi tuba si nyake.