Matius 27:66 - Eipomek

⁶⁶ Pilatus arye nyabuka ati, sik anang arye yin talin nang dobuka, “Keil deiya buplan dam kaliknulume,” nyapdeibikura, kalikikopura, buplan kum kum alip tam pum uamukak ara, yo pia arye lelipdongobik. Aning dakmacopura, ninye arye, ‘Yesus nong ubula dopmake’ tenen, ‘Kel biktibye,’ tenebikce, keil deiya buplanak deipmek keil deice tam, yo pia tabakuka deibik.

Matius 27:66 ပူးပေါင်းရင်းမြစ်များ

Daniel 6:17

Akunum tongobikopura, singa kuse ulamikak binuka, dopkwetebik pum bisik ara, weik keil pala dobuka, bublan tirikdongobik. Ninye deiyoknye birye, bikilina ning, akeil pala deice deibuka, el si sekeibuk. Aning atonun, el amu tam weik deiyok nang babye, atonun winibik. Winibika deiyok ara, ‘Daniel singa kuse noutamak dopkwetepmap nang ara, yuk nang arye, akeil pala dangabuka, ubula doprobicak’ tenen, winibik.

Matius 27:60

Yahudi yala nang ara, ninye dipnopura, keil deiya weilamik. Sik nirya winilamika ati, Yusuf bira namin teleb baju dekukce, wanwanun yo deice arye Yesus nong dobuka, anamin baju arye el nong kitibuka, Yusuf el bidamang keil deiya lokamuk pum bisik ara, Yesus el nong dongobukce weibuk. Dongobukce, keil deiya pum ara, yuk weik pala keil bongopnin banmoka ani, bura tam buplan tirikdongobukce, biyuk.

Matius 27:65

Sik Yahudi yala deiyok nang arye nyabikura, Pilatus arye sik anang ati tamubuka nyabuk. “Aning ati ara, anggun bidamnye aryuk na yin talin nang dobukapmunce, ‘Yesus el nong weipmakak, teleb ubuka kaliklulume,’ nyapdeipnamlulume,” nyabuk.

Matius 28:11

Akilapu bitinye bisik noutamak banmarik talak ara, akeil deiya dam kalikmek nang, ton yin nang ara, Yerusalem mutuku laka nyalbiyik. Ara Yerusalem mutuku noutamak bukni, Allah arena ati el si erelamik aik pum pil dona deiyok nang, sik dam binuka awinipmok ning nirya ati, laka nyalbiyik.

Matius 28:2

Minggu sum beren tam arye, akilapu Yesus weipmekak binuka, unmarikba, weik ining mek dokukba, im deice arye Allah el pil donanye malaikat tonok yayukce, Yesus weinak buplan tirimok keil bongobuka dopkwetebukce, akeil deice bukuk.

Markus 16:4

Asipdandeyikce kanipdongobuka banmek bukni, erebuka dildeyikbuk, weik pala keil ara, akunum bongopmokak eibik.

Yohanes 20:1

Sik nirya damapra unmeka ani, Sabat sum akunum ubukopura, Minggu sum beren tam bereklamle talak arye, Maria Magdalenarye, Yesus el nong dobuka weipmek keil deiya dam biyuk. Biyukce, keil deiya buplan bisik noutamak kurukuka siknipmek keil, otam akunum kuruklopmokak eibuk.

2 Timotius 2:19

Aninye ara wininyak bukni, Allah arye nyapsuk yupu ara, min kum upsutue. Winipmanto ara, pia teleb ayukumna yo, gat yo iknabuk, pia gat ulamle atonun, Allah arye nyapsuk yupu ara, min kum kum datue. Allah el yupu noutamak sekamik yupu deice arye, lak kipdeipsuke. Ayupu ara, ani. ‘Allah arye, ‘Aninye na mapu unamake’ tenen, akunum wipdeiamsuk ninye ara, el akunum kel bikamsuke.’ (Bilangan 16:5) Tonda, ‘Yata nang do nirya, “Allah ati akunum diba tenepsa ati, el mi unune,” nyanyak nang nirya ara, adiparyuk malye winin ning nirya ara, batakikirye, balye tamubuka diksukum bisikuk banamake.’

Yosua 10:18

Binuka laka nyabikura, Yosua birye nyabuk, “Akeil deiya pum tam, wekmak sukum ara, weik keil arye, kurukuka bongop dongopmunba, akeil deiya bublan, tirik dongopnamlume. Winipmunyopura, yuk nang ton wipdeipmunyeba, akeil deiya dam kalikil binamake,” nyabuk.

Wahyu 20:3

Tapu koupdongobukce, tuku pum karu weik uamuk noutamak dopkwetebukce, atuku pum tam buplan tirikukce, kunci dakdongobuk. Winibuka deiyok ara, ‘Keting tamun seribu tahun min kum uplye talak noutamak nirya ara, Isa Mutuku Dongonye arye, tukwak mutuku ninye ayala-ayala nirya ati, tilila yupu tonap pia kum nyanamle. Tilila yupu kum nyaptua ati ara, atalak noutamak ara tukwak kili sal mutuku-mutuku nirya, elce nyalul tilila yupu ton diba kum tenenamake’ tenen, buplan tirikdongobuk. Keting tamun 1.000 tahun akunum uplyopura, like tonok mitik anun tonap lopdongopnamle bukni, atalak ara tuku pum tam dopkwetebukba, eipse. Na Yohanes arye nyapne.