Matius 27:56 - Eipomek

⁵⁶ Anirya dinmek kilapu noutamak arye, akilapu si ara ani. Magdalena mutuku kil el si Maria ap, kam nang Yakobus ap, Yoses ap, sik deibuk kil Maria ap, ton Zebedeus el kil ap, unmekce dinmek. Akilapu nirya ara, Yesus Galilea tam balamuk talak ara, el ap melibuka balamikce, el patapne ning sikce melibuka arilamik.

Matius 27:56 ပူးပေါင်းရင်းမြစ်များ

Matius 13:55

“Anye bira, ara nun mutukunye birye, Yusuf elce deibuk mi do? Anye bira yo cakuka marikna memebuka dolinye koprop ulule. Diba de, nun makal kil Maria arye deibuk mi ara, el akunum atia. El weit kopropa capu ara, Yakobus ap, Yoses ap, Yudas ap, Simon ap, sik amutuku unyake.

Matius 27:61

Yusuf arye Yesus el nong dongobuka weipmokak ara, Maria Magdalena ap, Yoses el lin Maria ap, sikce Yesus weinmek keil deiya dam bukmarikce, dinmarik.

Matius 28:1

Sik nirya damapra ulamika ani, Sabat sum akunum ubukura, berekukura, minggu sum beren tam arye, Maria Magdalena ap, Yakobus el lin Maria ap, akilapu bitinye, ‘Yesus el nong weipmanguak dilbinunam’ tenen, akeil deiya dam dilbirik.

Markus 15:47

Yusuf arye Yesus el nong dongobuka weipmokak ara, Maria Magdalena mutuku kil ap, Yoses el lin Maria ap, sikce ton eiprik.

Markus 16:9

Ura, Minggu sum beren tam berekel takne talak ara, Yesus talye karin arye, tonok kil el si ara, Maria Magdalena, akil damak panabuka tikilyayuk. Yesus kam bukmokbuk, yuk nang nirya arye min kum eipmek talak ara, minopce Maria Magdalena dam, Yesus talye karin arye tikilyayukura, eibuk. Akil Maria ara, minop talak tekbarye isa arye, el talima noutam talyamikba, atalak kum bukni, Yesus min arye aisa akunum yakuka dopkwecamuk.

Lukas 24:10

Ayupu laka nyalbiyik kilapu si ara, ani. Ara, Maria Magdalena ap, Yohana ap, Yakobus el lin Maria ap, sik neika dilbiyik kilapu ap arye, sik Rasul nang ati, ayupu laka nyabik.

Lukas 8:2

Tonda, isa talyamneura, Yesus arye yakuka dopkwetepnarye kwetelamuk kilapu ap, uk dilamukbuk kwetelamuk kilapu ap, Yesus ap balamik. Tekbarye isa talyamuk kil, el si ara Maria, Magdalena kwetebuk kil ap, Herodes el aik pil dolamuknye Kusa, el kil Yohana ap, Susana ap, ton yuk kilapu weik tonap neika balamik.

Yohanes 19:25

Yesus wanwanun yo deice opmek damuk, Yesus el lin koprop tikuk. Tonda, asukumuk el lin el weit kil, ara tonoknye el si ara Kelopas, el kil Maria ton tikuk. Tonda, Magdale mutuku kil, el si babye, Maria Magdalena mutuku kil, asukumuk tikuk. Sik nirya neika tikuka dinmek.

Yohanes 20:1

Sik nirya damapra unmeka ani, Sabat sum akunum ubukopura, Minggu sum beren tam bereklamle talak arye, Maria Magdalenarye, Yesus el nong dobuka weipmek keil deiya dam biyuk. Biyukce, keil deiya buplan bisik noutamak kurukuka siknipmek keil, otam akunum kuruklopmokak eibuk.

Yohanes 20:18

Yesus arye Maria Magdalena ati nyabukba, akil Maria arye adiparyuk bik-bik abuka biyukce, Yesus wipdeiyamuk nang, sik dam minopce biyukce, “Nara, Yesus akunum eipmanue,” nyabuka laka nyabuk. Tonda, Yesus arye elti, nyapmok yupu nirya laka nyabukura, anang kekebik.