Matius 27:49 - Eipomek

⁴⁹ Arebukura, sik yuk aunmek nang arye ayupu nyabik. “Aning-aning winina kum dauplye. Allah yupu laka nyalamuknye, ‘Nabi Elia arye wanwanun yo deice arye, Yesus ati lyebuka dopropnul do?’ tenen, dinauk unuyabe,” nyabik.

Matius 27:49 ပူးပေါင်းရင်းမြစ်များ

1 Raja-Raja 17:1

Ura, Allah el yupu lak nyana deiyoknye, nabi tonoknye el si ara, Elia ulamuk. Elda Tisbe mutuku anye ulamuk. Elda Tisbe mutuku ulamuka ani, el weik mutuku tam ulamukak ara Gilead mutuku nyalamik. Anye bira, atalak ninye deiyoknye Raja Ahab dam yanuka nyabuk. “Allah el si Yahweh, elda dipkoprob kam tuba ulirye, Israel ninye ati pia kalikuka melilule. Tonda, nara el amu tam unirye, el piluk donune. El Allah dipkoprob ulula ati, el deice arye nyapkine. Wini talak arye diprongobuka doyanamle talak nirya ara, keting tamun winilye deice arye, mok pia kum cenamle. Aketing tamun winilyeto deice arye, dou pia maplirye mok cena kum unamle. Narye nyapnye talak uk mok cepnamle. Narye kum nyapyopura, mok purye tonok babye, ton kum saknamle. Ati anda moupnalyame,” Elia birye Raja Ahab biti nyabuk.

Mazmur 71:11

Na mal olan nang arye, “Kume, anye bira, Allah arye akunum bikuka batakuka ati, elda talye optibye,” nyaninyake. Tonda, sikce, “Kume yata nang arye yanuka, anye melibuka lyepnamak do? Kum ati, nuncuk elti, dobolbinuka tomobibirye, talye oplopnamabe,” nyaninyake.

Matius 27:48

Yesus ayupu nyabukura, adiparyuk tonoknye bik-bik abuka biyukce, mek tulongon ning, kama arye lumubuka, anggur mek yu ning, ‘Yesus dipnul’ tenen, mek burubuka, Yesus si bam bol dam arebuk.

Matius 27:50

Winibikura, Yesus weik arye ngalukuka, malye nyabukce, adiparyuk dibuk.