Matius 27:39 - Eipomek

³⁹ Yesus wanwanun yo deice deipmek bisik banmek nang arye, Yesus ati malye yupu nyanmekce, ‘Merekuka opmake’ tenen, taruk tapne bolokuka kaisunmek.

Matius 27:39 ပူးပေါင်းရင်းမြစ်များ

2 Raja-Raja 19:21

Nyabukopura, ayupu ton nyabuk. “Tonda, Allah el si Yahweh arye, ‘Asyur mutuku deiyoknye Sanherib birye, malye kibuka kum obisipnamkile. Na Yahweh arye, yupu akunum sekmane.’ Allah arye, nyapkile. Ara, el Sanherib biti ayupu ton nyapmanue,” Yesaya birye nyabuk. Allah arye, nyabuk. Yerusalem mutuku noutam unyak ninye arye, an Sanherib biti, akutubuka malye nyakinyake. Anti ara, ‘Anye nun like,’ tenenyake. Aning atonun, aminyan talak ilil upkiliba, ance bikbik abuka bindopnalam talak ara, Yerusalem mutuku noutam unyak kilapu nirya ara, anti, ‘Elda talinye, dauplye,’ tenepnamkiyake.

Ayub 16:4

Dipkoprob anggunda, na ikin unye touk winilamtum toura, anggunce nati nyanululum yupu nyapsitinye. Tonda, nara anggun atonun ulamtininye toura, Anggunce, wenen yupu nyalulum atonun nyapsitinye. Tonda, narye ‘Moubuka ikin unamak’ tenen, dipkoprob na kisok kwakdu-kwakdu nyapnirye, narye wenen yupu weika arye, anggun dam nyapdeipsitinye.”

Ayub 30:11

Deiyok ara, Allah elce nati, mikip kum kipdeipnukba, pia mitang kipnuke. Winipnukba sik anang arye, na dam talye lubakibuka, olyanganinyake. Sikce, ‘Anye biti winipnuyabe,’ tenenyak ninguk, talye lubakibuka winininyake.

Mazmur 109:2

Deiyok ara, ani. Sik pia malye-malye weik wininyak nang arye, nati talye yupu weik arye nyaninyake. Sikce, tilila yupu deice aryuk, malye yupu ap, minina yupu ap, nyaninyake.

Mazmur 109:25

Bol malye kipmanilce, ikin kanye bobuka unmana ati, nati minin yupu nyaninyak nang arye, yep-yep nyanikirye, akutubuka, malye yupu nyaninyake. Sikda na dam yakirye, na nong eibikceura, ‘Se, elda pia bol malye akunum kipmal,’ tenebikirye, sik ngang, kwakdu-kwakdu nyabikirye, kanupdongobuka, ayupu nyaninyake.

Mazmur 22:17

Winininyaka ati, na din ning kum lilbitinye. Din ning kum dinuna ati ara, bol malye upniliba, na yok nirya ara, akunum laka upniliba nuktinye. Nara, pia bol malye bonuna anya arye, yuk nang arye, ‘Se’ tenen, dininyake. Tonda, na mal olan nang nirya, na dam yanuka elininyakce, ‘E, bita merekuka ikin ulule’ tenen, malye yupu nyabuka, dinauk uninyake.

Mazmur 69:20

Allah ance nati, kel kinilyame. Ara, na mal olan nang nirya arye nati, ‘Anye obuka, kum kipdeipnamabe,’ tenenikirye, nati yep-yep abuka, talak doninyak ninye nirya ara, ance akunum kel kilyame.

Ratapan 1:12

Se, anggun amutuku bisik noutam balulum ninye ara, pia moubuka dinamlulume. Wini talak ara, winilen ning pia weik arye, na nong deice winipdenukba, dopropse. Awenen ning nirya ara, na ni Allah Yahweh arye, nati dopdeipnuke. Aning ara, Allah el yu weik wenen ning nirya, na dam dobuka arepnuke.

Matius 27:38

Yesus wanwanun yo deice deipmeka dam ara, ubula dolamrik nang bitinye, tonye Yesus el sirik tam, tonye Yesus el kwanim tam, wanwanun yo deice dana-dana deibik.

Lukas 22:65

Tonda ayupu atonun yupu weik arye, tonap nyanmekce, Yesus ati, malye yupu nyabuka nalinmek.