Matius 27:29 - Eipomek

²⁹ Winibikce, tace weik ning kwanibukabikce, Yesus el kisok deice parikeibik. Tonda, ‘Ninye deiyok mambul nang teleb kama talibuka balamak touk winipnul’ tenen, talye kama arebikopura, el urasin tam gutam tuku dipdongobuka, Yesus el nalibuka akutuna ati, ayupu weik arye nyanmek. “Naie, Telebe. Yahudi yala nang, sik mambul ninye deiyoknye ulyama anya arye, nunce si erekinyabe,” nyabuka nalinmek.

Matius 27:29 ပူးပေါင်းရင်းမြစ်များ

Mazmur 69:7

Na ni Allah Yahweh, yuk ninye anti, diba tenenyak nang, ‘Na malye winipse ning ton ati, sik alye dakdacak’ tenen, moropkine. Ara, sikce Allah antibuk, ‘Melinamsilarya,’ tenebuka, unyak ninye nirya ara, na malye wininun ning ati, ‘Alye dakdacak’ tenen, moropkine. Tonda, anda na ni Allah ulyame. Anda, aning-aning nirya, deice tam talibuka umince, mikip Weik Erenanye ulyame. Tonda, im deice yin talin malaikat nirya, sik weik deiyoknye ulyame. Allah anda nun Israel ninye ati, pia kalikuka melilamsulumnye ati, morokunune.

Yesaya 49:7

Allah Yahweh arye nyabuk. “Nara Israel ninye, sik Lyena Deiyoknye unune. Sik malye wininyak ning ati, talye lukparabuka opnirye, sirya daktinye bukni, sik malye ning pununa ati, narye sikti, dekuka lyepnamne. Nara weik Diksukum koprop Una Deiyoknye unirye Israel yala ninye ati pia kalikuka melinune. Pia Telebnye uniba, Israel ninye arye na si ereninyake. Na Allah arye na amu tam pil donamnuknye, na melinanye biti nyapkine. Israel yala ninye nirya arye anti, ‘Anye bira nun like’ tenen, anti malye yupu weik nyalamkike. Tonda ance ninye deiyok nang, sik amu tam pil dolalumnye biti nyapkine. Sik ninye deiyok nang ara, narye anti donamkin pil eibuka kel bikikirye, an si erena ati, tikukabikirye, an si erenamkiyake. Tonda ninye deiyok nang arye, delilamak mapu eipkikirye, an si erena ati, yanuka nong kanulongonamake. Wininamaka deiyok ara nyapnune. Ara, nara Allah Yahweh arye ‘Wininamne,’ nyanye yupu nirya ara, dipkoprob dukulongonanye ununa ati, ereipkiniba an si erena ati, an si erenamkiyake. Nara weik Diksukum koprop Una Deiyoknye unirye, Israel yala ninye ati pia kalikuka melinune. Na aryuk anti wipdeiamkisa ati, yuk-yuk mutuku deiyok nang nirya arye, an si erenamkiyake.” Allah arye nyabuk.

Yesaya 53:3

Utenelamuburye, elti, lik ulamsukba, ninye nirya arye lululilamuburye, el dam batakuka yuk sukumuk ulamupu. Anye bira, ikin ning weik el nong deice delilamikba, imun kanye bobuka ulamuk. Ati, ninye arye yuk nang ati, ‘Nun like’ tenen, urasin tamubuka meilolamak touk, tonoknye babye, elti, kum elilamik. Atonun, nun babye elti, ‘Telebnye aulule’ tenen, kanye kum delilamupu. El ti ara, ‘Elda talinye binya arye, dauplye,’ tenelamupu.

Yeremia 20:7

Allah Yahweh ance nati, ‘Kanye bokoltona kum diparyuk, narye nyapdeipnamkin yupu uk, nyanamlyame,’ nyabuka, mikip arye nyapnuluma ati, an nyapniminye yupu uk, nyanune. Anda pia mikip weiknye ulyam bukni, nara mikip kumnye anya arye, ance nyapdeipmaminye ning, aninguk nyanune. Ayupu dobuka, yuk nang ati, binuka nyapnya babye, kum kekebikirye, natibuk malye yupu nyabuka nalinyake. Ara, asum-asum nirya, yuk ninye nirya arye, nati, ‘Elda pia walwal aryuk nyalulnye,’ nyaninyake.

Matius 20:19

Arepnikcopura, nong bola deice nalibuka ngilikna ap, maka tuluna ap, kama arye nong deice kulana ap, winipnikirye na nong dobuka, wanwanun yo deice arye opnamniyake. Opnikcopura, dipmanya ani, like winilye sum akunum uplyopura, Allah arye tamubuka kam bukeipnamnile,” Yesus arye nyabuk.

Matius 26:49

Yudas birye ayupu nyapdeipnuyuka ati, adiparyuk Yesus dam yayukce, “Na nie, na peterena deiyoknye,” nyabuka Yesus mutubuk.

Matius 27:37

Ninye arye, “Yesus el malye nyalye ning ara ani,” nyalamik ning ara, yo lakase deice surat sekuka deibikce, Yesus el kisok deice tam deibik. Ayo lakase deice surat sekik yupu ara, atia. ‘Yesus ara, Yahudi yala nang sik weik ninye deiyoknye, Raja ulule,’ nyabuka sekeipmek.

Markus 15:17

Sik yayikopura, Yesus nalibuka akutuna ati, atalak ara, weik ninye deiyok nang dekna weik mirin ongon cang baju, el si juba ongolamaka atonun, Yesus el nong deice cang baju, juba ongopdeibik. Winibikce, tace weik ning kwanibukabikce, Yesus el kisok deice angnuprongobik.

Markus 15:18

Winibikopura, Yesus el nalibuka akutuna ati, weik arye ayupu nyanmek. “Naie, Telebe. Yahudi yala nang, sik weik ninye deiyoknye Raja ulyame,” nyabuka nalinmek.