Matius 27:28 - Eipomek

²⁸ Sik yayikopura, ‘Yesus nalibuka akutunuyap’ tenena ati, Yesus el ongopmok baju kwiribukabikce, atalak ara weik ninye deiyok nang dekna weik ining bi baju ongolamaka atonun, Yesus el nong deice abaju ongopdeibik.

Matius 27:28 ပူးပေါင်းရင်းမြစ်များ

Markus 15:17

Sik yayikopura, Yesus nalibuka akutuna ati, atalak ara, weik ninye deiyok nang dekna weik mirin ongon cang baju, el si juba ongolamaka atonun, Yesus el nong deice cang baju, juba ongopdeibik. Winibikce, tace weik ning kwanibukabikce, Yesus el kisok deice angnuprongobik.

Lukas 23:11

Wininmek talak ara, Herodes ap, el yin talin nang ap arye, Yesus ati, derenmekce nalinmek. Sikce nalinmek talak nirya ara, sik weik nang ongolamak cang baju, el si juba atonun ongon baju, Yesus nong deice ongopdeibikce, nalinmek. Winibikce, tamubuka Pilatus dam dopkwetebik.

Wahyu 17:3

Amalaikat arye ayupu nyapnukba, Allah El Dib Kanye talipnuka deice arye, amalaikat arye dopropnukce, yukak bobenuk. Ara, mek ap, ninye ap pia kumak bobinukba, aning eipse. Eipse ning ara, nyapnune. Ara, pia malye kam ulul ning, el nong ara ining bi uamuk ning bukmokak, eipse. Amalye kam ulul ning el nong bol deice nirya ara, si sekamuk ning lak kibuk. Ninye arye asi nirya nyaptingba, Allah kekepturye, ‘Na like’ tenen, yu uptue. Ara, Allah el si yanina yupu ubuka ati nyapne. Asi nirya ara, Allah el yanina ati aning nong bol deice sekuka deiyamuk. Akam ning ara, el kisok tekbarye ubuk bukni, el kisok deice ara, sapi basam yang atonun ning sepuluh (10) ubuk. Malye Kam Ulul Ning balye tam ara, ninye nirya biklamikce, talye yolalamik kil bukmokak, eipse.