Matius 27:27 - Eipomek

²⁷ Gubernur Pilatus, el yin talin nang arye Yesus bobuka, Pilatus el weik aik pum bobiyik. Anyaik ara, ninye yupu talibuka bokolilamik aik atia. Yesus dobuka bobiyika ara, ‘Nun neika yin talinyap nang nirya yanuyak’ tenen, yukubik ati, nirya bulubuka yayik. Yayikce, Yesus noutamak deibikbuk bukmokopura, sik dana-dana tam nirya yanuka wekik.

Matius 27:27 ပူးပေါင်းရင်းမြစ်များ

Matius 26:3

Yesus arye ayupu nyanmok talak ara, Yahudi yala nang Allah ati arena deiyok nang ap, sik weik deiyoknye ap, yuk Yahudi yala deiyok nang ap, anang nirya arye, tonoknye el aik bulubuka wekik. Anye el si ara, Kayapas. Kayapas ara, Allah arena ati deiyok nang aulamik bukni, elda sik weik deiyoknye ulamuk.

Yohanes 18:28

Anirya akunum winibukura, sik Yahudi yala deiyok nang arye, Yesus dobuka bobikce, imam Kayapas el aik batakuka, amutuku talyamuknye, Roma mutuku weik deiyoknye Gubernur Pilatus dam bobiyik. Bobiyik bukni, Pilatus el weik aik kum wekelbiyik deiyok ara ani. Ara sik Yahudi yala ninye arye tenelamik. ‘Weik Kaplina ati Kwalina dipnamibye talak ara, sik Yahudi yala kum ninye ap, sik ning ap talibibyopura, nun talima noutam malye upsiliba, kwalina kum dibibyeura, Allah derepsilyak’ tenen, Pilatus el aik kum wekik.

Yohanes 18:3

Yudas ara, ‘Malye nang arye Yesus opdeipnamniyak’ tenen, ninye yupu akunum laka nyalilbinmokba, kekepmeka anya arye, Yudas arye, “Bisik ani,” nyabuka menekuka biyukba, sik anang arye, Yudas el aminyan tam yanganmek. ‘Yesus tapu koupnuyap’ tenen, yanganmek ninye ara, yin talin nang ap, Allah arena ati, weik deiyok nang sik amu tam nang ap, Farisi nang ap yanganmek talak ara, weisa ap, lampu pelita ap, yin ap, parang ya ap talibuka boyayikce, yupa weik yanganmek.

Yohanes 18:33

Aninye arye ayupu nyabikura, Pilatus el weik aik pum tamubuka wekelbiyukce, “Yesus dobuka boyanululume,” nyabuka deice arye, Yesus dobuka el dam boyayik. Dopdeibikopura, Pilatus arye Yesus ati asipdeyuk. “Sik aninye arye, anti, ‘Elda Yahudi yala ninye, sik weik ninye deiyoknye, Raja ulule,’ nyakinyak yupu ara dib do? Telila do?” nyabuka asipdeyuk.

Rasul 10:1

Kaisarea ulamuknye, el si ara, Kornelius, elda Roma mutuku yin deiyok nang, 100 nang yupu bokolinanye ulamuk. Sik ninye yupa 600 nang yupa yuk-yuk kibuka, sik si bokuka delilamik atonun, el yupa si ara, Italia nyalamik.

Rasul 23:35

“Ance, ‘Malye winiplum ara, asukum, asukum,’ nyabkik nang ara, sik yakirye nyapnamkiak yupu ara, na kekepnamane,” nyabuk. Tonda, Gubernur Feliks arye el yin talin nang ati nyabuk. “Anggunda, asukum arye Paulus dobuka weik ninye deiyoknye Raja Herodes el weik aik, pia teleb aik dongopmunye akarye pia moubuka kalikmunce dinamlulume,” nyabuk.

Rasul 27:1

Ura, aminyan talak, sikce, ‘Anang ara, weik mek bukna yo deice Italia mutuku dopkwetepnamabe’ tenen, akunum tenebikce, nyabikopura, Paulus ap, ton, yuk nang wenena aik dongamik nang ap, yin talina nang sik deiyoknye, el si ara, Yulius, ‘Anang dobuka melibuka binamale’ tenen, arebik. Yulius ara, Kaisar el yin talin nang yupa ara, Yulius sik noutamak ulamuk. Tonda, Yulius babye, elce deiyoknye ulamukce, yin nang yupa weik 100 nang talyamuk.