Matius 27:22 - Eipomek

²² Nyanmekbuk, Pilatus arye tamubuka nyabuk. “Aning ati ara, anggunce Ninye Lyena Deiyoknye, Kristus nyanyaknye Yesus ara, na adiparyuk yata wiripnun do?” nyabuka asipdeyuk. Nyabukopura, sik awekmek ninye nirya arye, weik yupu erebuka nyanmek. “Ance nyapminba, wanwanun yo deice deibuka opnuyake,” nyabuka weik yupu arye nyanmek.

Matius 27:22 ပူးပေါင်းရင်းမြစ်များ

Ayub 31:31

Sik minop danirye melibuka, na aik pil dolamnik ninye ara, na aik delinun din ning ara, sik dobuka, talye dilamika anya arye, sik din ton, kum patalamuk. Bukni, na pil melin nang do, yuk asik nang do, din patalamuk talak ara, na din ning awamnutu bukni, eibuka bikmatiniryuk, bataklamtinyopura, aning ati Allah arye, wenebuka opnutue. Bukni, aning babye, kum winilamse.

Yesaya 49:7

Allah Yahweh arye nyabuk. “Nara Israel ninye, sik Lyena Deiyoknye unune. Sik malye wininyak ning ati, talye lukparabuka opnirye, sirya daktinye bukni, sik malye ning pununa ati, narye sikti, dekuka lyepnamne. Nara weik Diksukum koprop Una Deiyoknye unirye Israel yala ninye ati pia kalikuka melinune. Pia Telebnye uniba, Israel ninye arye na si ereninyake. Na Allah arye na amu tam pil donamnuknye, na melinanye biti nyapkine. Israel yala ninye nirya arye anti, ‘Anye bira nun like’ tenen, anti malye yupu weik nyalamkike. Tonda ance ninye deiyok nang, sik amu tam pil dolalumnye biti nyapkine. Sik ninye deiyok nang ara, narye anti donamkin pil eibuka kel bikikirye, an si erena ati, tikukabikirye, an si erenamkiyake. Tonda ninye deiyok nang arye, delilamak mapu eipkikirye, an si erena ati, yanuka nong kanulongonamake. Wininamaka deiyok ara nyapnune. Ara, nara Allah Yahweh arye ‘Wininamne,’ nyanye yupu nirya ara, dipkoprob dukulongonanye ununa ati, ereipkiniba an si erena ati, an si erenamkiyake. Nara weik Diksukum koprop Una Deiyoknye unirye, Israel yala ninye ati pia kalikuka melinune. Na aryuk anti wipdeiamkisa ati, yuk-yuk mutuku deiyok nang nirya arye, an si erenamkiyake.” Allah arye nyabuk.

Zakaria 11:8

Ati sik domba weina ati deiyok nang winilye nang arye nati, ‘Nun like,’ tenelamnik. Winibuka tenelamnikba, narye sikti, ‘Se, sik anang ara dan talak arye teleb pil donamak do? Pia sikcuk ukirye, teleb ubuka pil kum donyake,’ tenepse ati, ‘Aning ara na pia like,’ tenepsirye, ‘Akunuma sikda dauplye,’ tenepse. Winibuka tenepse ati, tonok wala deice aryuk, sik adeiyok nang winilye ati, wenepsirye, yakuka dopkwetepsirye, obuka sice buklopse.

Matius 1:16

Yakup el mi ara, Yusuf. Yusuf bira Maria dobuk. Dobukura, Maria arye Yesus deibuk. Ara, ‘Ninye mutuku-mutuku nirya noutamak arye, ninye weike lyeplirye, sik kanye talima pia talinamle’ tenen, Allah arye wibuka deiyamuknye ati, Kristus nyanyake.

Matius 27:17

Keting tamun nirya Kaplina Kwalina talak arye, ninye tonok lolilamuk anya arye, ninye weik arye, Pilatus dam bulubuka yayikura, Pilatus arye abulupmek nang ati asipdeyuk. “Tonoknye lopdeipnusina ara, Barabas lopdeipnun do? ‘Ninye weik lyeplirye, talinamle,’ nyanyaknye, Kristus nyanyaknye bira, Yesus lopdeipnun do, kum do?” nyabuka asipdeyuk.

Matius 27:21

Sik ayupu nyalilanmek talak ara, Gubernur Pilatus arye awekmek ninye nirya ati, asipdeyuk. “Abitinye nang ara, yatanye bak lobuka arepnusin do?” nyabuka asipdeyuk. Asipdeyukbuk, “Barabasuk lobuka arepsilyame,” nyabik.

Matius 27:23

Nyanmekbuk, Pilatus arye tamubuka nyabuk. “Deiyok ara yata ning deiyok ati, anye opnuyak do? Nun amutuku talinyap nang arye, ‘Wininamlulume,’ nyanyap ning, dan ning yanisulula ati, ‘Deiyok anye,’ nyaptiniba, yin talin nang arye opnuyak do?” nyabuk. Pilatus arye nyabuk bukni, sik awekmek ninye nirya arye, ila tamubuka tonap weik yupu arye nyanmek. “Ance nyapminura, wanwanun yo deice deibuka opnuyake,” nyanmek.

Markus 14:55

Allah arena ati deiyok nang nirya ap, yupu bokolina deiyok nang ati, Sandeheren nyalamik nang ap, anang nirya arye, min arye ‘Yesus opnamabe,’ tenelamika ati, atalak babye, utenenmek. Sikda, yuk nang arye, “Yesus el malye ulul ning ara, ani-ani,” nyaptingbuk, kekeptibyopura, ‘Ayupu deice arye, Yesus optibye’ tenen, tenenmek. Utenenmikba, yuk talye wekmek nang arye, ayupu nyanmekbuk, ‘El opmanto deiyok ning ara, dan do?’ tenen, kekelenmek. Kekelenmek bukni, ninye wenena ati, deiyok kum upmokba, kum kekebik.

Yohanes 4:25

Nyabukura, akil arye tamubuka nyabuk. “Na kele. Allah arye, ‘Ninye tukwak nang lyepnamle’ tenen, wipdeiamuknye, aminyan talak Ninye Lyena Deiyoknye, Kristus nyalamaknye yanamle. Elce nyalyopura, aning-aning nirya lak kibuka laka nyanamsile,” nyabuk.

Rasul 13:28

Yerusalem mutuku ninye ap, sik deiyok nang ap arye, ‘Ninye malye upneura, olamap deiyok ning ara, Yesus ara aning ton malye winipmala ati, adeice arye opnamabe’ tenen, aning deiyok ton deipdeyik bukni, deiyok ton bikna kum ubuka anya arye, kum bikik bukni, talya dem minibuka, ‘Pilatus nyaptuopura, sik opnamake,’ tenebikce, Yesus ona ati, sikce Pilatus ati, “Yesus opdeipsilyame,” nyabuka morobik.

Rasul 13:38

Na kayapu, aning ati ara, ‘Anggun kel kipnuluma’ tenen, laka nyapsine. Allah arye Yesus deice aniryuk, nun malye unyap ning ap, nun kanye talima malye tenenyap ning ap, kum kibuka delisilirye, namin kisulule. Yata ninye do nirya, Yesus ati diba tenebiceura, malye ning arye anggun talima ap, kanye ap, talibuka moupsilirye, yupu molisulul ning nirya, Yesus deice aryuk lyepsilirye, loldongosulule. Musa sekamsuk yupu atonun winimunya deice arye, malye ning talipsuka ara, lyebuka kum lopdeipsutue