Matius 27:19 - Eipomek

¹⁹ Pilatus arye, ‘Yesus yupu lipsisikuka bokeipnun’ tenen, ninye yupu lipsisikuka bokolinanye bunak deice bukmokak, el kil arye yupu nyapdeibukura, yuknye birye ayupu nyalyayuk. “Kao, anye Yesus ati ara, ninye yupu bokuka kum wenepnulyame. Na lengdar mapmanu deice arye pia ikin upmanila ati, anye bira el malye ning ton dipkoprop kum ubuka anya arye, bataknauk upnulyame. Tonap elti, yupu talibuka kum bokeipnulyame,” nyabuk.

Matius 27:19 ပူးပေါင်းရင်းမြစ်များ

Kejadian 31:11

Eipseura, Allah el im deice pil dolulnye, Malaikat arye, ‘Yakubo,’ nyabuka yukupnukura, narye, ‘Aunmane,’ nyapsiba, Allah arye nyapnuke.

Kejadian 31:24

Gilead mutuku kon uamuka noutamak ara, Yakub birye, el cang kain tenda aik akunum dobukba, sik asukumuk unmikba, Laban ap, el yala nang ap, amutuku yayikce, sik babye cang kain tenda aik, asukumuk dobik. Dobikce, mapmika ani, alukunyan noutamak Allah arye, Aram mutuku anye Laban biti, lengdar mapmoka deice arye nyabuk. “Anda kanye moubuka tenepnulyame. Ance Yakub biti, teleb yupu babye, malye yupu babye, nyana kume. Kanye moubuka unamlyame,” nyabuk.

Kejadian 31:29

Nara mikipnye ununa anya arye, opkitinye bukni, ambusum lukunyan ara, an ni koprop arye, si erelul Allah, lengdar mapmanu deice arye nyapmanue. ‘Ance Yakub biti, teleb yupu babye, malye yupu babye, kum nyapnalyame. Kanye moubuka tenipdenalyame,’ nyapmanue. Anda, ‘Se, na ni dam tamubuka bitinye,’ tenepmalamce, bisik bikbik abuka banmalam bukni, yata deiyok ati, na isa si erenye ning, na aik pum tam danirye, ubula dopdopmanilam do?” Laban arye, Yakub biti nyabuk.

Amsal 29:1

Yatanye do, malye uplye talak ara, ninye deiyok nang arye, “An malye unmalam ning ara, bataklyame, winina meme,” nyabuka wenenyak bukni, el mandipna kanye uplirye, ‘Kume, sik deiyok nang arye nyaninyak yupu ara, pia kum kekenamne’ tenen, sik yupu yaniltalulnye bira, aminyan ara Allah arye elti, tonok talak aryuk wenepliba, kum upra deipnamle. Akunum weneplirye, kum kipdeiplyopura, anye bira, yata wiribuka lipsisikuka deiptingba, tamubuka teleb uptu do? Ara, pia kum winipmanto.

Yesaya 53:11

Allah el si Yahweh arye, wipdeibukba, pil donamlanye bira, imun kanye bobuka, ikin deice aryuk ulamikca ani, akunum obikiba dipnamle. Aning akunum winiplyopura, kam bukuka kanye deiplirye, imun kanye bomuk ning, nong upnamle ning eilyopura, elce, ‘Na akunum upne,’ tenen, kanye deipnamle. El imun kanye bobuka unamla deice arye, ninye tukwak ninye weik, elce sikti, ‘Akunuma, narye aninye ati, akunum teleb kipdeipmane,’ nyapdeipnamle. Adeice sik kanye talima teleb ulinamle. Na Allah ati pil donamnilnye birye, ninye mutuku-mutuku nirya malye wininyak ning wenena ati, el nong deice uk dobuka deipdanamle. Winipnamla deice arye, na Allah arye ninye mutuku-mutuku nirya noutam arye ninye weik namin kipnirye lyepropnamne.

Zakaria 9:9

Se, Sion mutuku noutam ululum ninye, anggun weik tonun kanye deibuka, kil-kil asa upmunce, unamlulume. Tonda, anggun Yerusalem mutuku ululum ninye nirya ara, weik tonun kanye deibuka, weik yupu deice arye, ‘Telebe,’ nyanamlulume. Anggun elilulume. Anggun ninye deiyoknye, aning nirya bisina ap, tonda pia diksukum una ap, deiyoknye yanmala ati, dilulume. El ayanamlanye bira, ninye unyak touk dipdebuka, diksukum kibuka, yupu lipsisikuka, bokolina deiyoknye ulule. Tonda, ninye lyena deiyok ning boyanmale. Bukni, anye bira, el kanye talima nimalyap asa arye, ulirye, amu tam ulule. Anye bira, winiryuk keledai basam balye deice bukuka yanganmale.

Bilangan 12:6

Birik talak ara, Allah el si Yahweh adiparyuk sik bitinye ati nyabuk. Kekenurume! Anggun noutamak nara Yahweh, na yupu laka nyalulnye ton aulyopura, el kel kina ati, kum mapmalye talak ara, el kanye talima noutamak laka nyaniba kekelule. Tonda, lengdar maplya deice arye, na wininye ning laka nyaniba, eibuka kel bikilule. Tonda, kum mamlye talak bukni, mambul yupu nyapnyopura, kekenulule. Tonda, yuk talye nang nirya ara, aning nirya kum eibuka kel biksiting bukni, narye arepneba, na pil donye birye mambul ning dilyalirye, narye elti, na yupu laka nyalinune.

Matius 1:20

Utenyamuk bukni, Yusuf aning ati, kanye talima ikin kanye tuba ubuk talak ara, mapmokak, Allah el im deice pil donye malaikat arye, Yusuf el lengdar mabuka deice arye yanuka laka nyabuk. “Daud el yala nang arye deipkuknye, Yusufo, Maria el mi bobuka ara, ninye arye kuma. Allah El Dib Kanye mikip deice arye mi bobuke. Aning ati ara, ilil una kume. Maria talya mangkau asa dopnalame.

Matius 2:19

Yusuf bira, Mesir mutuku noutamak daulamuka ani, Herodes akunum dibukopura, Allah el im deice pil donanye malaikat, lengdar deice Yusuf ati nyalyayuk.

Matius 2:22

Daulamik bukni, aminyan talak Israel tam tamubuka biyuk bukni, “Herodes dibukba, el talyamuk pil pununa ati, winira el mi Arkelaus arye, Yudea tam talibuke,” nyabikba kekebukce, ‘Anye birye opsilyak’ tenen, ilil weik ubukba, ‘Yudea tam kum binune,’ tenebuk. Tonda, Allah lengdar deice arye, “Yesus oplyak ati kanye wisiplyame,” nyabuka ati, Yusuf kekebukce, Yudea tam kum bukni, Galilea tamuk tamubuka biyuk.

Matius 27:18

Ura, Pilatus arye ayupu nyabuk deiyok ara, ani. Ara Allah ati arena deiyok nang, ‘Sik yuk ninye arye Yesus el yupu kekebuka dobolbakirye, nun tam bataksikcak, anya arye Yesus ara nun like,’ tenelamikce, Yesus ati kanye talima erebuka wililalamik. Yesus ati sik talima wililalamik ning ara, Pilatus akunum kel bikamuka anya arye, ‘Anang arye, Yesus akunum opdeipsilyame, nyapmanika ara, deiyok anye,’ tenebukce, “Yesus opdeipsilyame,” nyabuka, el dam morolyanmek nang ati, Pilatus arye asipdeyuk. “Yahudi yala nang, anggun weik deiyoknye, Mesias nyanyaknye bira, ‘Yesus lopdeipsutu’ tenen, patanmasil ati, moropmanulum do, ‘Barabas lopdeipsutue’ tenen ati, nyanmanulum do?” nyabuka asipdeyuk.

Matius 27:24

Sik yupu weik arye weik nyanmeka ati, Pilatus arye, ‘Na yupu nyaptinya babye, kum kekepnuniyake. Na yupu tonap nyapnyopura, yu upliba, deiyok koulakirye, opdakcak ati, daupmalye,’ tenebuk. Utenebukce, ‘Anye el ining na taruk deice kum upnamnile tenepnamniyak,’ tenebukce, sik anang dinmekak aryuk, Pilatus el taruk mek likuk. El taruk mek likuk talak ara, ayupu nyabuk. “Anye bira, malye ning kum winibuknye anya arye, el ining ara na taruk deice kum saknamnile. Anggun yuk nang arye opnamluma ara, anggun deiyok uka,” nyabuk.

Matius 27:4

Sik anang dam biyukce ayupu nyabuk. “Se, na ni yapu, ‘Anye bira opnamlum’ tenen, yupu nyalyanmasinye bira, dipkoprop malye ning tonok babye kum winilule. Ati minina yupu nyapsirye, na dipkoprop malye winipse,” nyabuk. Nyabukura, sik anang arye tamubuka nyabik, “Anyapmasilam ning ara, nyana kume, dawaplye. Nun kum tenepnuyabe. Amalye winiplum ning ara, deiyok ara an uka,” nyabik.

Lukas 23:41

Nun dipkoprop malye wininyam anye arye, ur opnusiak bukni, anye bira, malye ning tonok babye, ton, malye kum winilamuknye bibabye, opnuyake,” nyabuk.

Lukas 23:47

Yesus dibukopura, yin nang yupa weik, 100 nang talyamuknye, Yesus wanwanun yo deipmekak deice tam tikmoka anye arye, Yesus weik arye ngalukukce, el dibuk talak winibuk ning nirya eibukce, ayupu nyabuk. “Se, anye bira, dipkoprop diksukumnye ulamuke,” nyabuk.

Yohanes 19:13

Nyabikba, Pilatus arye ayupu kekebukce, Yesus dobuka sik anang dinmek akuk deibuk. Deibukce, el Pilatus ara, yupu bokolina deiyoknye bulamak ning deice bukuk. Ara anyaik dam ara, amutuku el si ara Keil bisik, tonda Aramaik yupu deice arye, Gabata nyalamikak bukuk.

Rasul 12:21

Ati, Herodes arye wibuka deibuk sum arye, sik weik nang deiyok nang pia teleb baju ongolamik touk, Herodes abutum ongobuk akarye, el ninye yupu bokolinanye bulamukak deice bukukce, ninye weike bulubuka wekmek ak elce yupu nyabuk.

Rasul 18:12

Ura, winibuka peterelamuk bukni, Galio arye Akaya mutuku talibuka Gubernur ulamuk talak arye, Yahudi yala deiyok nang neika nirya arye, ‘Paulus opnuyap’ tenen, el yupu yaniplobikce, sik yupu bokolin deiyok nang yupu talipmekak, Paulus dobuka bobiyik.

Rasul 18:16

Nyabuka ati, Galio arye el mapu ati nyabukura, anang arye Yahudi yala ninye ati, “Bura tam bindoplulume,” nyabuka yupu bokolin aik pum tam arye dopkwetebikura, bai tam biyik.

Rasul 18:17

Bura biyikce, yupu bokolin deiyok nang yupu talipmek aik dam arye, Sostenes, ara, Yahudi yala nang Allah yupu peterelamik aik deiyoknye ati, talibikce, el nong obik. Sostenes onmek bukni, Galio ara, ‘Sik yuk daoplace,’ tenebukce, tunim abuka bukmok.

Rasul 25:10

Asipdeyukura, Paulus arye tamubuka nyabuk. “Ninye malye winibiceura, yupu talibuka bokolikce ak ara, wini talak akunum bukmap atia. Asukumuk na yupu bokipnutume. Narye Yahudi yala nang ati malye pia kum winipse ara, an babye, akunum kel kipmalam atia. Bukni, ‘Anye nun lik,’ tenepmanuluma anya arye, winira Kaisar elcuk yupu bokipnamnile.

Rasul 25:17

Ara, sik Yahudi yala nang ap, na ap, Kaisarea mutuku anyakuk yaburye, mapmapua berekukopura, yuk talak kum tenepse. Atalakuk tenepsirye yupu lipsisikuka bokolin deice buksirye, “Paulus asukumuk boyalulume,” nyapse.

Rasul 25:6

Ura, pin barye do, taku barye sumto, Yerusalem mutuku ulamika ani, Festus Kaisarea mutuku koulukukce mapmoka, berekuk. Berekukopura, Festus arye, ‘Yupu lipsisikuka bokeipnune,’ tenebukce, sik yupu lipsisikuka talilamikak bukukce, “Paulus boyalulume,” nyabuk.

1 Peterus 2:22

Yesaya sekeibuk yupu noutamak arye, ayupu nyabuk. ‘Yesus ara, malye winin ning tonok babye, kum ulamuk. Tonda, tenepce arye talye nyana yupu ara, pia kum nyalamuk.’ (Yesaya 53:9)

1 Yohanes 2:1

Na mapu bico tenesunune. ‘Anggunda malye kum unamlume’ tenen, ayupu seksene. Bukni, yata nang do nirya, malye winibicopura, nun kanye barina ap, melina ap ati, Allah dam tuba-tuba yupu melibuka nyasululnye tonok usulule. ‘Allah arye sik tukwak mutuku ninye oploplyak’ tenen, Yesus Kristus arye, nun melina ati, teleb yupu nyaplirye, yupu sekelule. Allah dam melina yupu nyasululnye bira, Yesus Kristus uka. Yesus Kristus ara, Pia Diksukumuk ulule.