Matius 26:52 - Eipomek

⁵² Winibukopura, Yesus arye aya bopmoknye biti nyabuk. “An parang ya ara, ila tamubuka liplyame. Ya bopmace nang ara, ya arye obikiba dipnamake.

Matius 26:52 ပူးပေါင်းရင်းမြစ်များ

Kejadian 9:6

Yatanye do nirya atonunuk, sikce yuk nang ak obicopura, yuk nang arye, sik ona deiyok nang ati opnamake. Ara, talye ati kum bukni, Allah arye, el ulye touk, mitik anun el urasin atouk, nun ninye kwepdeipsuk ati, ninye olana pia meme.

Mazmur 55:23

Na kayapu nang, anggun nirya ara, kekepnululume! Anggun ikin usulul ning nirya dobuka, nun ni Allah Yahweh, el deice deipnamlume! Winipmunyeura, bico tenepsilirye, el mikip deice arye, melibuka lyelonamsile. Pia dipkoprob nyapsine. Allah arye, ‘Aning ara, wininamlume, aning ara, pia kum wininamlume,’ nyabuka, yupu talibikirye, pia diksukum kibuka wininyak nang ara, pia kum bataknamsile. Elce melisilya deice arye, nunce elti, ‘Diba,’ tenenyap ning ara, min kum upsutue. Tuba diba tenenauk unamabe.

Keluaran 21:12

Allah arye, Musa biti nyabuk. Yatanye do nirya, el yu uplya ati, ninye ton opliba, diplyopura, anye el babye adiparyuk wenebuka obikiba, dipnamlule. Ninye ona deiyoknye, el wenena ati, onamlulume.

Matius 5:39

Bukni, na wini talak nyapsin yupu ara, sik pia yu nang, ‘Opnuyap’ tenen, opsikcopura, anggun bidamnye, ila tamubuka anang obuka lyeldana kume. Yu nang arye sirik katum opsikcopura, ila ton tam katum babye merekeipnamlulume.

Roma 12:19

Na kayapo narye anggunti, pia bico tenesunune. Yuk ninye arye anggunti malye updeipsica babye, anggunce aninye ati, tamubuka kwang dakna meme. Aning kum bukni, ‘Allah arye aninye ati weneplirye, yupu lepsisikuka bokeipnamle’ tenen, lo bataknamlulume. Anggunce tamubuka kwang dakanauk kum wininamlulume. Deiyok ara, ani. Ara Allah el yupu noutamak ara, ayupu sekamik. ‘Allah arye nyabuk. “Angguncuk tamubuka kwang dakna meme. Na aryuk amalye nang ati wenebuka yupu lepsisikuka bokeipnamna anya arye, nara Kwang Dakna Deiyoknye unune,” nyabuk.’ (Ulangan 32:35)

1 Tesalonika 5:15

‘Sik malye nang arye malye upsikiba, adiparyuk tamubuka malye winibibyak’ tenen, pia kalekuka dildanamlulume. Malye upsikiba, tamubuka malye una kum bukni, anggunce yuk nang nirya ati, ‘Nimalye arye teleb ulilanamap’ tenen, pia pi dobuka melinamlulume.

1 Peterus 3:9

Yuk nang arye anggunti, malye upsikcopura, tamubuka kwang dakana meme. Tonda, yuk nang arye anggunti, yu bobuka malye yupu nyapsikcopura, tamubuka sikti, malye yupu kum nyalanamlulume. Bukni, “Allah arye, ‘Teleb ulinamsile’ tenen, Allah moronamsine,” nyabuka, teleb yupu uk, tamubuka nyanamlulume. Anggunce yuk nang ati, ‘Teleb yupu nyalinamak’ tenen, Allah arye wibuka yukupsuk anya arye, winimumnyopura, Allah arye teleb ulinamsile.

Wahyu 13:10

“Atalak tukwak mutuku noutamak tuba unamak ninye ara, Allah arye tenyamuk touk, aninguk unamake. Ara Allah arye, ‘Anang ara tapu koubikirye, wenena aik dongonamake,’ tenyamuk kili sala ara, dipkoprop tapu koubuka, wenena aik bobinamake. Tonda, Allah arye, ‘Anang ati ara, yuk nang arye parang ya dobuka oplopnamake,’ tenyamuk ninye ara, dipkoprop parang ya arye oplopnamake.” “Winibuka onamsiaka ati ara, talye kanye bobuka una ara bataklulume. Aikin ning unamsil ning ati ara, Allah arye wipdeiamukba, elti, diba tenenyak ninye nirya ara, ikin uptu babye, ‘Bataknuyap do?’ tenena pia kumce, pia pi dobuka mikip aryuk unamake. Bukni, ikin weik upsiliba, imun kanye bobuka, ‘Allah bataknuyap do? tenepmunyak’ tenen, Allah el yupu nyasilye touk, ayupu uk talibuka, pia darabuka unamlulume.” Na Yohanes arye nyapsine.

Wahyu 16:6

“Aning ara, talye ati kum nyapne. Deiyok ara, amalye winin ninye arye an mapu weik oltakalamik. Ara, ance, ‘Aninye ara na mapu unamak’ tenen, wiamlumba, anti diba tenelamik ninye ap, an yupu lake nyana deiyok nang nabi-nabi nang ap, weika arye oltakalamik. Winibuka malye ulamika ati ara, ance nyapdeipmalamba, sik mek nirya ining mekwen danmalabuk, ining mekuk dinamake. Sikda malye ninye ati, ‘Bita merekuka wenepmalume,’ nyapne.” Mek deiyok talibuka ulamuk malaikat arye nyabukba, kekepse.