Matius 26:46 - Eipomek

⁴⁶ Ati ara, anggun buklulume, nun binuyabe. Na damkinanye akunum yanganmale” Yesus arye nyabuk.

Matius 26:46 ပူးပေါင်းရင်းမြစ်များ

Matius 26:45

Eibukopura, el mapu ati nyabuk. “Anggun tuba manauk unmalum do? Akunuma. Yu nang arye, na dobuka bobinuniyak talak akunum uple. Dipdelulume, nara Ninye Mi Koprop Atonunye bira, na ona ati, ninye akunum yupu delilbinmala anya arye, elce inibuka yu nang arepnunile.

Matius 26:47

Yesus ayupu tuba nyanmok talak ara, Yesus el mapu kan-kan bukni, tonoknye el si Yudas arye Yesus dam tikilyayuk. El menekuka yangayukba, el aminyan tam ninye weik bulubuka yayik. Ayayik nang ara, Yahudi yala nang sik deiyok nang, wisi nang ap, Allah arena ati el si erena aik pum pil dona deiyok nang ap, Musa sekamuk yupu peterena deiyok nang ap arye, yupu nyapdeipmeka ati, parang ya ap, ninye on kama ap, anirya bobuka, ‘Yesus tapu koubuka bobinuyap’ tenen, yayik.

Markus 14:42

Aning ati ara, anggun buklulume, binuyabe. Na laka nyalbananye akunum yanganmale,” nyabuk.

Lukas 12:50

Nara, weik kanye imun ning upnamak ning ara, aupmala bukni, min sirya kum dakdongopman talak ara, pia kanye imun unulule.

Lukas 22:15

“Na kanye imun min kum upmanilye talak, na ap, anggun ap neika, Kaplina ati Kwalina dina ati pia patalamnuk.

Lukas 22:21

“Bukni, na ap bukmapce, din dinmalum nang kankan, tonoknye birye, na opnamaniaka ati, ninye yukulbinule.

Lukas 9:51

Yesus im deice tamubuka welepnamuk talak dam akunum kibukaura, yuk ning tenena kumce, ‘Adip aryuk Yerusalem mutuku abinune,’ tenebukce, bisik banmok. Tonda, el melina nang bitinye wibuka, ‘Na ti, aning kintinip deipnamnirak’ tenen, dopdeibuk.

Yohanes 14:31

Bukni, tukwak ninye mutuku-mutuku nirya, ‘E, Yesus ara, el Li Koprop Allah ati dipkoprop kanye talima deibukce, el li koprop arye nyalye touk, aninguk kekebuka winilule, biknamak’ tenen, na naminuk upniba, malye deiyoknye birye el pil dopliba, malye nang arye ikin ning weik, na deice deipnamniyake. Winira akunuma, winira amutuku batakuka bendopnuyabe.” Yesus arye el mapu ati nyabuk.

Yohanes 21:20

Nyabukura, Peterus ap, Yesus ap tikuka banmarika ani, Peterus arye tamubuka el aminyan tam dipdeyukce, Yesus kanye deiyamuknye aminyan yanganmokba, eibuk. Peterus eibuknye bira, ara Yesus opnamek sum lukunyan ara, din neika dinmek talak, Yesus mening dam bukukce, “Naio, yatanye birye ninye yupu delilbinamakil do?” nyabuka asipdeyuknye ani.

Rasul 21:13

Malye nyabuka morobupubuk, Paulus arye tamubuka nyapsuk. “Na akunum tenepsirye binamna anya arye, anggun malye nyabuka, engenmaluma deice arye, anggunce nati mitang kipdeipmanuluma ara, yata ati do? Tonda, Yesus el si ati ara, Yerusalem mutuku binibuk, tapu kouna babye, na nong ona babye, dawinipnamniake. Na akunum tenepsa ati, aning nirya ara, telebuka,” Paulus arye nyabuk.

1 Samuel 17:48

Atalak ara, Goliat ap, sik Pilistin ninye ap arye, ‘Anye bira opnuyap’ tenen, mitik anun ton, Daud unmoka dam yayikba, adiparyuk Daud minopce, bikbik abuka biyukce, sik mal olan nang lelebikce, kintinibuka wekmek tam, Pilistin mutukunye, kalimna weiknye, Goliat dam biyuk.