Matius 26:4 - Eipomek

⁴ Anang nirya anyaik wekmekce, yupu talipmek. Ara, ‘Yesus yata wiribuka deice arye tapu koubuka, Yesus optibyeba, yuk nang kum biknamsiyak do?’ tenen, yupu talipmek. Utenebuka yupu talipmek bukni, anang kan-kan yuk nang arye, nyabik.

Matius 26:4 ပူးပေါင်းရင်းမြစ်များ

Kejadian 3:1

Ura, Weik Deiyoknye Allah, el si Yahweh arye, talye buru tam ulamuk ning, ayala-ayala weik kwepdeiamuk bukni, kwatima ara, pia malye una ap, tenepce arye, duknubuka winina ap, pia weik winilamuk. Sik kam ulamik ning, aning-aning yuk ning nirya ara, mitik anun uka. Akwatima ara, akil dam yayukce, akil ati tenepce arye, nyabuk. “Allah arye, ‘Na wa wipsa noutamak ara, yo duk yala nirya kum dinamlyame,’ dipkoprob nyabuk do, kum do?” nyabuka tenepce arye, tilila yupu nyabuk.

Mazmur 2:2

Aning ara, sik ninye deiyok talibuka unyak nang ap, tonda mambul weik nang nirya ap, bulubuka wekikirye, Allah Yahweh ap, ‘Tukwak ninye lyepnamle’ tenen, wipdeibuknye ap ati, ‘Sik si yanipnamap’ tenen, yupu talinyake.

Amsal 24:15

Anyapmasin malye un ning nirya ara, pia kum wininamlulume. Tonok ning ara, pia malye unyak nang arye, teleb ubuka unyak ninye ati, ‘Sik aik wekuka, sik delilamak ning nirya, ubula dalubuka doproptibye,’ tenelamak touk, kum wininamlulume. Diksukumuk unyak ninye, unyak mutuku noutamak nirya ara, malye kum wininamlulume. Diksukum unyak ninye ati, malye kilildana pia meme.

Matius 12:14

Yesus arye anye kwetebuka ati, Farisi nang ara, yu ubukba, ‘Yesus yata ubuka opnamap do?’ tenen, anyaik batakuka yukak yupu sisikilbinmek.

Matius 23:33

Ninye on kwatima duknupmalya, ninye mangkau bakiba, eiplirye, si tolamle touk, ululume. Anggunda pia malye nang ululuma anya arye, Allah arye uku din mutuku dopkwetepnamsilak ara, yata wiribuka lyepdana bitum do?

Markus 14:1

Yahudi yala nang Allah ati arena deiyok nang ap, Musa sekamuk yupu dobuka peteren deiyok nang ap, anang nirya arye, ‘Yesus tapu koubuka, yata wiribuka optibyeba, yuk nang kum kel biksitinge,’ tenebuka yupu sisikinmek. Utenenmek bukni, Yahudi yala nang Kaplina ati Kwalina sum ap, Nena Kum Roti Kwalina sum ap, liki bitinye kum upmok talak ati, anang kan-kan yuk nang arye nyabik.

Yohanes 11:53

Ara, sik Yahudi yala deiyok nang arye, ayupu talibikce, ‘Tonoknye diptue,’ tenepmek sum arye diprongobuka, otalak nirya noutamak arye, ‘Yesus ara, yata talak optibye do?’ tenen, yupu talina ap, tenena ap unmek.

Rasul 13:10

“Anda Isa Mutuku Dongonye kouku kolokonanye mi ulyamce, aning-aning nirya teleb diksukum un ning nirya batakloplumnye ulyame. Tilila yupu nyabuka duknubuka batakna ap, malye un ning ap, an talima noutamak tenena weik ulyame. Allah el diksukumuk nyalye yupu dobuka, ance kwalipsingnibuka nyaminye yupu ara, pia kum bataknalam do?

Rasul 7:19

Nun apu yapu sik winiryuk delilamik mapu ‘Dipnamak’ tenyamukce, “Anggun mapu bura tam deibloplulume,” nyalamuka deice arye, elce nun apu yapu ati winililamukce yukulamuk akarye sik nong deice ikin ning weik deililamuk.

2 Korintus 11:3

Utenyamsise bukni, winira na ilil upnile. Ara, Isa Mutuku Dongonye arye, tenepce arye yupu teleb-teleb kibuka nyabukba, Hawa arye, tilila yupu dib tenebuk touk, ‘Anggun Korintus ninye babye atonun winipnamlum’ tenen, nyapsine. Ara, deiyok kouna talak ara, anggunce yuk yupu tabakuka dib tenena kum arye, dipkoprop Kristus el tonok dib tenyamlum bukni, yuk nang arye, yuk yupu peterepsikca deice arye, ‘Anggun kanye tenen ning deice arye, yuk malye bisik kirikuka bimunyak’ tenen, ilil upnile.