Matius 26:3 - Eipomek

³ Yesus arye ayupu nyanmok talak ara, Yahudi yala nang Allah ati arena deiyok nang ap, sik weik deiyoknye ap, yuk Yahudi yala deiyok nang ap, anang nirya arye, tonoknye el aik bulubuka wekik. Anye el si ara, Kayapas. Kayapas ara, Allah arena ati deiyok nang aulamik bukni, elda sik weik deiyoknye ulamuk.

Matius 26:3 ပူးပေါင်းရင်းမြစ်များ

Mazmur 56:6

Na mal olan nang arye, beren tam talak arye dipdongobuka, sin tam talak nirya ara, ‘Anye malye kipdeipnamabe’ tenen, na wininye ning ap, na nyanun yupu ap ara, yaninauk winininyake. Sikce nati, ‘Anye biti, kanye imun ning arenamabeʼ tenen, tuba-tuba teneninyake.

Yeremia 11:19

Allah arye, na onin nang ati, yupu min kum yanuka nyapdeiamnuk talak, na Yeremia bira, anang arye malye tenelamik ning kum bikamsa ati, walwal asa ulamse. Winipmanto ara, ‘Domba basam, mangkau aryuk unmalibuk, bobuka opnamapʼ tenen, bobalamak touk winipnike. ‘Na bikna kum, mangkau aryuk, nati opnamapʼ tenen, yupu sisiklamnik ning ara, kum bikamse. Sik anang arye, nati nyalamnik. “Winipmanto ara, duk moulul yo ara, atalak arye webuka batakikceba, kum danalamle touk, anye bira obibyeba, kum danamle. Tonda, el anye bira obuka batakikceba, amutuku nang ara, el si ton ap, pia kum sisinamake. “El ti ara, pia luba kipmabe,” nyabuka, yupu taleamik.

Yeremia 17:27

Bukni, anggun Israel yala nang ara, na Allah arye, “Aning ara, wininamlume. Aning ara, pia kum wininamlume,” nyapdeipsise yupu uk, moubuka kum talipmunyopura, ikin ning arepniba, sik dam yanamlarya! Ara, narye, “Sabat sum ara, nati kintinip deipnutumce, talye pil dona kumce, dikdik sepmunce, na siuk erepnamnulume,” nyapdeipsise yupu ap, tonda, “Asum noutam ara, yata yala bona nirya babye, bobamunce, Yerusalem mutuku bisik bublan wekelbana kume,” nyapdeipsise ning bukni, anggunce na yupu kum kekepnumunce, yanipnumunyopura, narye anggunti, weik tonun wenepnamsine. Ara ani. Yerusalem mutuku weik asik wekelban bisik bublan nirya ap, tonda ninye deiyok nang, Raja nang unyak weik aik nirya ara, uku deipyopura, aning-aning nirya dibuka, sirya daknamle. Winiplyopura, adinamle uku ara, pia kum tangapmanto upnamake. Pia dinauk unamle! Na Allah arye nyapsine.

Matius 26:69

Sik anang nirya arye wininmek talak ara, Peterus anyaik dam asukumuk unmok. Ara, Yahudi yala nang Allah arena ati, sik weik deiyoknye Kayapas, el aik dam Peterus unmok. Allah arena deiyoknye, Kayapas, el aik pil don ati melin kil tonok Peterus unmokak yayuk. Peterus uku pekinmokba, akil yayukce, Peterus el urasinuk eibuk ati bita dilenmok. Bita dilenmoka ani, ‘Anye bira, Yesus el melinanye, akunuma,’ tenebukce ayupu nyabuk. “An ap, aGalilea tamnye ap, neika ulamrurume,” nyabuk.

Matius 27:27

Gubernur Pilatus, el yin talin nang arye Yesus bobuka, Pilatus el weik aik pum bobiyik. Anyaik ara, ninye yupu talibuka bokolilamik aik atia. Yesus dobuka bobiyika ara, ‘Nun neika yin talinyap nang nirya yanuyak’ tenen, yukubik ati, nirya bulubuka yayik. Yayikce, Yesus noutamak deibikbuk bukmokopura, sik dana-dana tam nirya yanuka wekik.

Markus 14:54

Yesus minopce bobanmekopura, Peterus ara, aminyan yayuk. Ara, Allah arena ati weik deiyoknye, el aik dam yayukce, yin talin nang uku sekuka peikinmekak yanuka bukuk. Bukukce, el babye, uku peikinmok.

Markus 14:66

Yahudi yala nang Allah arena ati, sik weik deiyoknye, el aik dam Peterus unmok talak ara, aweik deiyoknye, el pil don kil tonok Peterus unmokak yayuk.

Markus 15:16

Ayin talin nang arye Yesus dobuka, Pilatus el weik aik pum bisik bobiyik. Pilatus el weik ninye deiyoknye aik si ara, Praetorium aik nyalamik. Anyaik bobiyika ara, ‘Nun neiktoto yin talinyap nang nirya yanuyak’ tenen, yukubikura, nirya bulubuka yayik. Ayayik nang yupa nirya ara, 600 nang yayik.

Lukas 22:55

Yesus min bobanmekopura, Peterus ara, aminyan Allah arena ati weik deiyoknye, el asik dam yayukce, yin talin nang uku sekuka peikinmekak yanuka bukuk. Bukukce, el babye, uku peikinmok.

Lukas 3:2

Anang talyamik noutamak arye, sik Hanas ap, Kayapas ap, Allah arena ati, el si erena aik pum pil dona weik deiyok nang ulamrik. Sik apil dobuka ulamrik keting tamun deice arye, Zakaria, el mi Yohanes ninye kum mutuku ak ulamukba, Allah arye Yohanes ati Yupu nyalyayuk. Apeterelamuk talak ara ayupu peterelamuk.

Yohanes 11:57

Yahudi yala nang, Allah arena ati weik deiyok nang ap, sik Farisi nang ap arye, ninye nirya ati nyabik. “Yata ninye do nirya, Yesus yalyeba, eipmunyopura, ‘El unmalak ani,’ nyabuka, adiparyuk laka nyalyanamsulume,” nyabik. Ayupu nyabika deiyok ara, ‘Yesus tapu koubibirye, wenebuka optibye’ tenen, nyabik.

Yohanes 18:24

Yesus arye nyabukba, Hanas arye nyabukura, Yesus tapu koupmeka kipman, imam Kayapas el damak bobiyik. Kayapas ara, aketing tamun, Yahudi yala nang, sik Allah arena ati weik deiyoknye ulamuk.

Yohanes 18:28

Anirya akunum winibukura, sik Yahudi yala deiyok nang arye, Yesus dobuka bobikce, imam Kayapas el aik batakuka, amutuku talyamuknye, Roma mutuku weik deiyoknye Gubernur Pilatus dam bobiyik. Bobiyik bukni, Pilatus el weik aik kum wekelbiyik deiyok ara ani. Ara sik Yahudi yala ninye arye tenelamik. ‘Weik Kaplina ati Kwalina dipnamibye talak ara, sik Yahudi yala kum ninye ap, sik ning ap talibibyopura, nun talima noutam malye upsiliba, kwalina kum dibibyeura, Allah derepsilyak’ tenen, Pilatus el aik kum wekik.