Matius 26:26 - Eipomek

²⁶ Yesus ap, el mapu 12 nang ap, din dinmek bukni, nena kum roti dipnuyik talak ara, Yesus arye aroti dobuka, Allah ati, “Telebe” nyabukopura, aroti tobuka, el mapu ati bokuka arinmokce, ayupu nyanmok. “Aroti ara, na nong atonun ulula ati dobuka diplulume,” nyanmok.

Matius 26:26 ပူးပေါင်းရင်းမြစ်များ

Matius 14:19

Nyabukopura, Yesus arye nyapdeibukba, el mapu arye yupa weik wekmek ninye ati nyabik. “Anggun yupa yuk-yuk, maning deice yuk-yuk bokuka buklulume,” nyabik. Akunum bukikopura, Yesus arye el mapu, aroti pamubarye ap, amekin bal bitinye ap, arepnamek ning ara dobuka, im deice dipdeyuk. Dipdeyukce, Allah ati, “Telebe,” nyabukce, aroti ara tobukabukce, ‘Na mapu 12 nang arye, abukmak ninye ati arepnuyaka’ tenen, aribuk. Tonda, amekin bal bitinye kalibuka el mapu aribukba, abukmek ninye ati, aroti ap, amekin bal ap, bokuka arepra banmek.

Matius 26:27

Aminyan ara, Yesus arye anggur mek kwebuka, mek makau tonok kintinipmok ning dobuka, Allah ati, “Telebe” nyabukopura, el mapu nirya amakau tonok arye ‘Dipranin banuyak’ tenen, el mapu ati aribukce, ayupu nyabuk.

Markus 6:41

Akunum bukikopura, Yesus el mapu arye, roti pamubarye ap, mekin bal bitinye ap, arepnamek ning, dobuka, im deice dipdeyukce, Allah ati “Telebe,” nyabukce, aroti, tobukabukce, el mapu 12 nang arye, ‘Abukmek nang arepnamnyaka’ tenen, aribuk. Tonda, amekin bal bitinye sekuka, el mapu aribukura, abukmek nang ati, aroti ap, amekin bal ap, bokuka arinmek.

Lukas 22:17

Aminyan ara, Yesus arye anggur mek makau kwebuka, tonok kintinipdeipmek ning dobuka Allah ati, “Telebe,” nyabukopura, el mapu nirya ati nyabuk. “Amek makau dobuka arepdanin bamunce diplulume,” nyabuka aribukura, amakau tonok arye dipra banmek.

Lukas 24:30

Aik unmekce din ning dipnuyik talak ara, Yesus arye roti doprobukce, Allah ati, “Telebe,” nyabukopura, tobukabukce anang ati arinmok.

Rasul 2:46

Winilamik akarye, asum-asum nirya, Yahudi yala nang, sik malye winilamik ning dekna ati, Allah arilbalamik aik dam bulubuka wekelbalamik. Tonda, sik anyaik-anyaik nirya bulubuka weklamik akarye, din ning bokuka, kanye deilildalamik akarye, din neikauk dilamik. Tonda kanye kum wililamikce, talye neik kanyeuk bobuka ansinibuka ulamik.

Rasul 20:7

Teroas mutuku aunmapua ani, naku barye sum akunum ubukopura, anaku barye sum inibukopura, ‘Nun nirya dina neika dipnuyap’ tenen, bulubuka tonok aikuk wekupu. Wekupubuk, Paulus arye, ‘Ambusum akunum binamane,’ tenebuka ati, Paulus arye amutuku diba tenebik nang ati, kibukce, Allah yupu pia peterenmoka ani, lukunyan dukduk kibuk.

1 Korintus 10:4

Tonda, mek pia kum uamuk mutuku balamikba, mek weik patabukopura, Allah arye, ninye winipmanto kum pil dobuka deice arye, weik mutuku yangan keil noutamak arye, mek panabuka balamukba, nun apu yapu nirya arye, amek kwebuka kikliman dilamik. Aning mana dilamikce, akeil noutamak arye, mek panabuka balamukba, kwebuka dilamika deice arye, kum dibik. Aning nirya winilamuk touk, aning deice arye, winipmanto ning ton kel biktibye. Mutuku yangan keil noutamak arye, mek balamukba mek kwebuka dilamik touk, dipkoprop ning ara, Kristus menekuka balamukce, el pil dolamuka deice arye, nun apu yapu ati melilamukba, sik kum diamik.