Matius 26:25 - Eipomek

²⁵ Nyabukura, Yudas, ara Yesus yupu deipnamuknye birye, nyabuk. “Naie narye yupu delilbikiniba opnamkiyak do?” Nyabukba, Yesus arye tamubuka nyabuk, “Diba, ance yupu deipniminyeura, opnamaniyake.”

Matius 26:25 ပူးပေါင်းရင်းမြစ်များ

2 Raja-Raja 5:25

Birikopura, Gehazi tamubuka Elisa unmokak binuka, el urasin dam binuka tikuk. Winibukura, Elisa birye, “Ni kwito, anda dan tam binmalam do?” nyabuka asibuk. Asibukba, Gehazi birye, “Kume na nio, nara an amu tam pil donunye binye, na ton kum binmanue. Asukumuk unmana,” nyabuka tilila yupu arye nyabuk.

Amsal 30:20

Tonok ning ton, narye moubuka kum tenipnamtinye ning ulule. Ara, kil tonok el akanye akunum dobuk kil bukni, el akanye ap neika teleb ubuka una kumce, talye ulamlirye, yuk nang ap talye yoprakirye, malye ulamlya ani, adiparyuk akil arye nyalule. “Kume, na yata malye unya ati wenepmanilam do?” nyalule. Winibuka nyalul bukni, dipkoprob pia malye ulula anya arye, ayupu nyalul ning ara, ‘Yata wiribuka ayupu talye nyaptu do?’ tenen, moubuka kum teninune.

Matius 23:7

Tonda, ‘Ninye nirya din ning deibuka deklamakak ara, pasar noutamak arye babiba, ninye nirya eipsikirye si erenamsiak’ tenen, kanye pin-pin asa banyake. Atonun ton, utenenyake. ‘Ninye nirya arye, sikda nun weik peterena deiyok nang, guru nyapnamsiak’ tenen, kanye pin-pin asa arye wininyake.

Matius 23:8

Sik Farisi nang ap, Musa sekamuk yupu peterena deiyok nang ap, wininyak bukni, na mapu anggunda, anang winilamaka atonun kum wininamlulume. Anggun weik deiyoknye tonok, na uniba, anggunda na weit yapu atonun ulaluma ati, yuk nang arye anggunti, “Nun weik peteren nang, nun Guru,” nyabuka, ‘Anggun si erepsikcak’ tenen, anggun bidamnye yupu sekeldongonamlulume.

Matius 26:14

Nyabukopura, Yesus wipdeiyamuk nang kan-kan bukni, tonoknye el si Yudas Iskariot, ‘Anang arye Yesus olyanamak’ tenen, Allah arena ati deiyok nang, sik dam ninye yupu delilbiyuk.

Matius 26:49

Yudas birye ayupu nyapdeipnuyuka ati, adiparyuk Yesus dam yayukce, “Na nie, na peterena deiyoknye,” nyabuka Yesus mutubuk.

Matius 26:64

Asipdeyukbuk, Yesus arye tamubuka nyabuk. “Diba, ance nyapmanilam touk na aunune. Ara na uka. Bukni, na dipkoprop nyapsine. Aminyan talak ara, nara Ninye Mi Koprop Atonunye, Allah el Pia Mikipnye birye ereipniliba, el sirik taruk tam bukniba eipnamnulume. Eipnamnulum talak ara, im deice arye dua kan-kan koluka yanamne talak eipnamnulume.”

Matius 27:11

Yesus bobuka, amutuku nirya talyamuk deiyoknye, Gubernur Pilatus el dam bobinuka arebikura, Pilatus arye Yesus ati asipdeyuk. “Yahudi yala nang, sik weik deiyoknye Raja atonun nyanyaknye bira, an akunum do?” nyabuka asipdeyuk. Asipdeyukbuk, Yesus arye tamubuka nyabuk. “Diba, anyapmalam touk unune,” nyabuk.

Lukas 22:70

Nyabukopura, sik nirye arye Yesus ati asipdeyik. “Aning ati ara, anda, Allah el Mi Koprop ulyam do, kum do?” nyabuka asipdeyik. Asipdeyikura, Yesus arye tamubuka, “Anggunda dipkoprop nyanmalume, nara Allah el Mi Koprop unun ani,” nyabuk.

Yohanes 18:37

Nyabukura, Pilatus arye, “Ayupu nyapmalam ati, anda ninye deiyoknye, Raja ulyame,” nyabuk. Nyabukba, Yesus arye, “Pilatus ance, ‘Anda Rajanye, weik ninye deiyoknye ulyame,’ nyapmanilam yupu ara, dib nyaplame. ‘Weik ninye deiyoknye, Raja unamne’ tenen, tukwak mutuku yase. Adeiyok ati deipnike. ‘Dipkoprop yupu nyanamne’ tenen, tukwak mutuku yase. Dipkoprop yupu kekebuka talinyak ninye ara, na yupu kekebuka diba teneninyake.” Yesus arye nyabuk.

Yohanes 4:31

Anyasik ninye tuba bisik noutamak yangayik talak ara, Yesus el yupu keken nang arye elti, nyabik. “Naio, nun peterena deiyoknye, anda din ning diplyame,” nyabik.