Matius 26:23 - Eipomek

²³ Nyabuka asilenmekba, Yesus arye anang ati tamubuka nyabuk. “Narye roti dobuka yangalin makau pum burubuka dinmap nang kan-kan, tonoknye birye na opnamaniyaka ati, ninye yupu delilbinamanile.

Matius 26:23 ပူးပေါင်းရင်းမြစ်များ

Mazmur 41:9

Na mal olan nang arye, ‘E, anye bira, dipkoprob ikin weik ning, el deice akunum yanuka taleamuka ati, dipkoprob el dipnamlarya!’ teneninyake. ‘El nakina talipmaliba, amapmalyak uk unmalya ani, aminyan talak tamubuka bukdoplirye, telebuk uplirye, pia kum unamle,’ teneninyake.

Amsal 19:24

Ninye ton pil dona ati lik weik uliba, pil teleb ubuka talibuka kum dolinye bira, el din ning babye, lik uplibuk, talye taruk deice uk talipmalya ani, saklirye kum uplyeura, kum dilule. Pil dona ara, sik lik weik unyaka anya arye, sik din ning kum danin balya babye, ‘Nun pil dobipya deice arye, din ning dekuka dinamabe,’ kum tenenyake. Talye-talye kanye uk bobuka unyake. Sik babye din ning ati ara, pil kum donamake.

Matius 26:22

Nyabukura, sik pia bico ubukba, sik ikin kanye bobuka, Yesus ati tonok-tonok arye ayupu nyanmek. “Naio, narye yukubkiniba, opnamkiyak do? Nara, kume naio,” nyabuka tonok-tonok arye Yesus ati nyanmek.

Lukas 22:21

“Bukni, na ap bukmapce, din dinmalum nang kankan, tonoknye birye, na opnamaniaka ati, ninye yukulbinule.

Yohanes 13:18

Alukunyanuk, Yesus arye el mapu ati, ayupu ton nyabuk. Narye wipdeiamsise nang nirya, akunum kel bikamsise anya arye, anggun nirya ati kum nyapsine. Bukni, Mazmur noutamak sekik yupu, nong upnamala ati, ayupu nyapnusine. Mazmur noutamak sekik yupu ara, ani. ‘Na ap neika ubuka din neika dinyam bukni, anye birye nati, ‘Malye kibuka opnamak’ tenen, yanipnunile ati, akunum kintinipmanile.’ (Mazmur 41:9)