Matius 25:26 - Eipomek

²⁶ Nyabukura, adeiyoknye birye yu ubukura, tamubuka nyabuk. “Anda, pil lik arye batakaminya ati, anda pia malinye ulyame. Ura, na kum kouamse ning ap, kum dokamse ning ap, libuka diniba, ance kel bikamnulume.

Matius 25:26 ပူးပေါင်းရင်းမြစ်များ

Matius 18:32

Binuka lak nyabikba, adeiyoknye birye, el yo bok weik tia dopropmoknye biti, yukubukba yayukopura, anye biti nyabuk. “Ance na yo bok weik tia dopromlum bukni, weik arye moropnulama ati, namin kipkisirye, ‘Ayo bok ara, tamubuka kum arepnamnilyame, daupmalye,’ nyapkise.

Matius 21:8

Yesus ara, Yerusalem mutuku bisik keledai basam deice bukuka banmokbuk, amutuku bulupmek ninye arye, ton nang ara, ‘Yesus si erepnuyap’ tenen, ninye weik arye, sik ongolamik baju kwiribuka, Yesus yanibuka yanamokak yangapdeibik. Ton nang ara, el yanamok bisik lilkwa arye, atikamuk yo bata yangabuka, bisik yaninak yangapra banmek.

Matius 25:24

Aminyan ara, weik yo bok tonok doprobuknye yayukce nyabuk. “Naie anda pia yunye ulamlum ati kel bikamkise. An kum kouamlum wa win dam arye kwaning yongobuka dololyame. Tonda, an kum kouamlum ning ap, kum dokamlum ning ap, libuka dilyame. Anirya winilalumba kel bikamkisa ati, ilil upnukba, ance areamnulum ning weik yo bok tonok ning ara, buru bobinuka, tuku palibuka tuku pum duknubuka deipse,” nyabuk.

Matius 25:25

“Winipsa ati, an areamnulum ara, weik yo bok tonok adeiamse touk, tonok yo bokuk tamubuka arepkine,” nyabuk.

Matius 25:27

Aning akunum kel bikamnuluma anya arye, na arepkise yo bok ara, yo bok dokola delin aik dongopmatumba, sikce yo bok tonap tabakuka deipkitingba, weik upnin balamtua ani, aning ap tabakuka arepnutume. Winipmanutum bukni, talyauk duknubuka deipluma ati, anda pia malinye,” nyabuk.