Matius 25:24 - Eipomek

²⁴ Aminyan ara, weik yo bok tonok doprobuknye yayukce nyabuk. “Naie anda pia yunye ulamlum ati kel bikamkise. An kum kouamlum wa win dam arye kwaning yongobuka dololyame. Tonda, an kum kouamlum ning ap, kum dokamlum ning ap, libuka dilyame. Anirya winilalumba kel bikamkisa ati, ilil upnukba, ance areamnulum ning weik yo bok tonok ning ara, buru bobinuka, tuku palibuka tuku pum duknubuka deipse,” nyabuk.

Matius 25:24 ပူးပေါင်းရင်းမြစ်များ

Yesaya 58:3

Sik aninye arye nyabuka asininyake. “Allah ance melipsilyame, nyabuka din dina kumce, si tebuka winibirye morokinyabe. Bukni, yata ati Allah Yahweh kum disilyam do?” nyaninyake. Tonda nyanyake. “Yata deiyok ati Allah arye nyapdeipsuk ning amu tam ubirye kekebuka unyap bukni, elce kum disulul do? Ara, yata deiyok ati, nun wininyap ning eipsilirye, ‘Teleb unyake,’ kum tenesulul do?” nyabuka malye nyaninyake. Nyanyaka ati, na Allah Yahweh arye anggunti tamubuka nyapne. Dipkoprop anggun din dina kum arye unmalumce, nati moronululum ning ara, elisunun bukni, anoutam talak ara, dipkoprob nati kum tenelulume. Anggun bidamnye arye anggun patan ning atibuk tenelulumce, anggun kanye aryuk tenelulum ninguk malye-malye winilulume. Tonda anggun amu tam pil don nang ati ikin pil aruklamlumba dolamik buk, dekna kum arelulume. Sik nong deice ikin ning weik delilulume.

Yeremia 2:31

Se wini talak ululum Israel nango, anggunce na anyapmasin yupu moubuka kekepnululume. Narye anggunti ara, mek kum ati ninye kum ulamik mutuku atonun ubuka, ikin ninguk deipsisa ati, bataknulum do? Akumopura, anggun ululum mutuku ara, kuna daklamle atonun, dirina ap, kel bikna deiyok ning ap, kum arelamsisa ati, bataknulum do? Aning kum winipsisa ati do? Anggun ti narye, teleb kibuka kalikuka melilamsise. Bukni, anggunce nyanululume. ‘Kume, nunda talyeuk ubirye, nun tenenyap ninguk wininamabe. Allah el amu tam bukuka kum unamabe. El nyasilye yupu ara, pia kum kekenamabe. Tonda el dam ara, tamubuka kum banamabe,’ nyanululume. Aning ara, yata deiyok ati do?

Matius 18:24

Deiyok koubuk talak ara, el melin nang arye, tonoknye dobuka el dam boyayik. Anye bira, el deiyoknye yo bok yupa pia weik dopropmoknye el dam boyayik.

Matius 20:12

Tonda, nyanmek. “Inilongon talak dopmangu nang ara, keting tonokuk pil dopmangu bukni, keil uang el si ara derakma, tonok arepmalame. Nunda, asum noutamak nirya ikin pil donmapu talak, bupu unmasubuk, donmapue. Nun ap, inilongon talak donmangu nang ap ara, pil neiktotouk kum dopmapu bukni, dekna teleb keil uang, duk tonokuk neiktoto uk arepmasilama ara, teleb kume. Nun kanye ara, aning malye. Ati aning ara yata deiyok ati, neiktotouk tonok keil uang arepmasilam do?” nyabik.

Matius 25:25

“Winipsa ati, an areamnulum ara, weik yo bok tonok adeiamse touk, tonok yo bokuk tamubuka arepkine,” nyabuk.

Matius 25:26

Nyabukura, adeiyoknye birye yu ubukura, tamubuka nyabuk. “Anda, pil lik arye batakaminya ati, anda pia malinye ulyame. Ura, na kum kouamse ning ap, kum dokamse ning ap, libuka diniba, ance kel bikamnulume.

Matius 7:21

Ninye aryuk nati, ‘Na ni, Na ni,’ nyabuka, talya nyaltakaninyak nang nirya ara, narye talipniba, neika kum unamabe. Nati, ‘Na nie,’ nyabuka, talya nyaltakaninyak nang nirya kum bukni, Na ni Allah, im deice ululnye birye, ‘Ninye nirya wininamak’ tenen, nyasilye touk kekebikirye, aninguk talibuka unyak nanguk, narye talipnirye, na ap neika unamabe,” Yesus arye nyabuk.

Lukas 15:29

El li birye morobuk bukni, el mi dunye birye tamubuka nyabuk. “Kume, ance deiamlum tok, an pil weik dolamsibuk, dolamse keting tamun noutamak nirya ara, ‘El ap, el kayapu nang ap kwalipnamak’ tenen, tonok kambing mi babye, kum areamnulume.

Lukas 19:13

Yukubuka ati yayikopura, el pil melina nang taku barye nang ati, weik yo bok talen ning taku barye (10) yuk-yuk aribuk. Aribukura, sik tonok-tonok arye weik yo bok tonok doprobik. Aweik yo bok taku barye (10) kibuka sik yuk-yuk aribukce, ayupu nyabuk. “Na yuk mutuku binamne talak ara, ayo bok deice arye, pil donamlume,” nyabuk. Nyabukce biyuk.

Lukas 6:46

Yesus arye nyabuk. Anggunce nati, ‘Na ni, na ni,’ talye nyanululum bukni, na yupu moubuka kekepmunce, diksukumuk kum winiluluma ara, yata ati do?

Roma 8:7

Sik malye ninguk tenebuka, malye wininyak ninye ara, sik kanye tenen ning noutamak arye, Allah el winilul ning nirya ati, yanibikirye, batakanauk unyaka ati nyapsine. Aninye ara, Allah arye ninye ati, “Teleb kibuka un ninguk wininamlulume,” nyabuka laka nyasilye yupu nirya ara, kum kekebikirye, el nyasilye yupu amu tam kum unyake. Malye ninguk tenenyak ninye ara, Allah el yupu kum kekepmanto unyake. Aninye ara, Allah el amu tam bukuka kum dobol binmanto unyake.

Roma 9:20

Aning asipdenutum bukni, anggunti tamubuka nyapsine. “Kume, anggunda talye tukwak ninye ululuma anya arye, Allah ati yata wiribuka, asipdetumce, elti, wenena yupu nyaptum do?” Nabi Yesaya birye sekeiamuk touk, ayupu dobuka, anggunti nyapsine. Elce sekuk yupu ara ani. ‘Allah arye kwepdeibukba, talye aulul ning aning-aning nirya arye, aning-aning nirya kwepdeiamuka deiyoknye Allah ati, “Anda yata ati, na unye touk kwepdeiamnulm do?” nyabuka, weneptu do? Kume, aning ara kum winipmantoe.’ (Yesaya 29:16)