Matius 24:46 - Eipomek

⁴⁶ Anyaik deiyoknye tamubuka yanamle talak ara, el pil donanye biti yupu nyabuka deibuk touk, weik kelnye ulamturye, batakna kum diparyuk, apil nirya akunum pil dolamlyopura, adeiyoknye birye tamubuka yalyopura, el pil melinanye biti, ‘Na ning nirya talipmince, deiyoknye atonun kibuka, na pil donamnilyame,’ nyabuka, adeiyoknye birye el pil donanye dobuka erepdeipnamle.

Matius 24:46 ပူးပေါင်းရင်းမြစ်များ

Matius 24:45

Weik kel arye pil batakna kum diparyuk, teleb pil melin nang ulamaka atonun, yata nang ton, anang atonun wininamak do? Aik deiyoknye tonok arye, yuk mutuku binuyuk talak ara, el pil donanye tonok ati, “Pil winibuka donamlyame. Na pil melin nang nirya ati, sik din patalye talak ara, bokuka arenamlyame,” nyabuka bokeibuk.

Matius 24:47

Na dipkoprop nyapsine. Anyaik deiyoknye birye, ‘Wininalyame,’ nyabuk touk, el pil donanye birye, diksukum piluk dolamlyopura, adeiyoknye el talyamlye ning nirya dobuka, anye arepliba, anye aning taliplirye, el babye weik deiyoknye atonun unamle.

Matius 25:34

Deipnyopura, na Raja unamna ati, na sirik taruk tam deipnamne ninye ati ayupu nyapnamne. Sikda na ni Allah arye talima aribukba, bico tenebuka kanye deilisilye ninye ara, na dam wekelyalulume. Allah arye aning-aning nirya min kum kwepdeiyamuk talak arye, ‘Anang aryuk talinamak’ tenen, akunum kintinibuka deiamsuk ning ara dolyalulume.

Lukas 12:37

Yata nang do nirya, ‘Nun deiyoknye yanul do?’ tenen, dinmakibuk, el yalyopura sik deiyoknye birye, anang ati kanye deiplirye, teleb ulilule. Anye birye el pil melina nang ati, kanye deiplirye, pil don ongon baju ongoplirye, el melina nang ati, ‘Dina dinak bulyalulume,’ nyaplirye, sik din ning ati arepnamle.

Lukas 12:43

Anyaik deiyoknye tamubuka yanamle talak ara, el pil donanye ati yupu nyapdeibuk touk, pil dolamlyopura, anye biti teleb updeipnamle. ‘Na ning nirya talipmince, deiyoknye atonun kibuka, na pil donamnilame,’ nyabuka adeiyoknye birye el pil donanye dobuka ereipnamle.

Wahyu 16:15

Atalak aryuk Yesus arye ayupu nyabukba, kekepse. “Anggun nirya kanye mouplulume. Ubula don nang talya karin arye duknubuka yangalamak touk, anggun kum bikmamunye talakuk talye karin arye yanamne. Allah arye teleb updeiplirye, meliliba kanye deibuka unamlanye wininamle ning ara, lak nyapnusine. Winipmanto ara, ninye arye, ‘Nun mankau mapmabye talak, baju kum ongopmabibuk, nun kayapu yacopura, alye dakdapyak’ tenen, baju ongobikirye kanye moubuka kintinibuka dilamak touk, Allah arye melinamlanye babye kintinibuka dinauk unamle.” “Ayupu nong noutam ara, ani. Anggunce, ‘Nun ni kopropa dan talak dolyanamsil do?’ tenen, kintinibuka dinauk upmunyopura, aminyan talak ara, anggun alye kum dakanamlume. Tonda, winipmanto ara, kintinina kumopura, ninye dinmacak, talye nong demuk banyak ninye arye, alye dakaldalamak touk anggun babye kintinibuka dinauk kum upmunyopura, na tamubuka yanamne talak ara, alye dakdanamlume. Ati kanye mouplulume, nyapsine.” Yesus arye ayupu nyanmokak kekepse.

Wahyu 2:19

Anggun ululum ning nirya ara, akunum kel bikamsise. Ara, anggunce yuk ninye ati bico tenebuka melilulum ning ap, Allah ati weik arye diba tenemunye ning ap, na pil ati batakna kum pia domunye ning ap, ikin ning upmasilya babye, pia pi dobuka pil dolulum ning ap, anirya ara, na kel bikamsise. Tonda, winiryuk deiyok koubuka diba tenyamnulum talak ara, aning-aning nirya mitik anun arye ulamlum bukni, wini talak ara weika arye winimunye ning ara, akunum kel bikisunune.”