Matius 23:24 - Eipomek

²⁴ Anggunda, ‘Nunda ninye bisik peterelin nang unyabe,’ tenelalulum bukni, asing kun nang atonun ululume. Anggun malye winimunye ning ati, winipmanto yupu deice arye nyapnusine. Anggun mek makau pum sung-sunga aupmalibuk, wibuka dolulum bukni, weik unta basam amek makau noutamak auptopura, diltakana kum diparyuk, talye mangkau arye diptume. Mitik teleb ning winilulum bukni, weik teleb ning, mambul weik ning ara, kum winilulume. Aning ara, pia batakaluluma anya arye, anggunda malye winilulume. Yesus arye nyabuk. Ayupu nyabukopura, ayupu ton nyabuk.

Matius 23:24 ပူးပေါင်းရင်းမြစ်များ

Yesaya 9:16

Sik Israel mutuku noutam ulamik deiyok nang nirya ara, winilamika deice arye, sik Israel yala nang nirya, dipkoprob bisik batakuka, malye bisikuk dobolbalamikba, sikda pia kanye kat nanguk ulamik.

Matius 15:14

Ati, na mapu anggunti nyapsine. Anggunce sik Farisi nang ati, tenena kume, sik dauplye. Sik Farisi nang ara, bisik peterena deiyok nang atonun unyak bukni, dipkoprop ara asing kun nang atonun unyake. Tonok asing kunanye birye, yuk asing kunanye biti, ‘Narye an taruk talibuka teleb bisik bobinukine,’ nyaplirye, bobuka banmaliba, bisik noutamak weik pum wamlyak barikirye, sik bitinye nang kote sakarurake. Sik Farisi nang ara, na mapu koprop kum unyake. Sik Farisi nang ara, asing kun nang atonun unyak nang ati, dauplye, nyapsine,” Yesus arye el mapu 12 nang ati nyabuk.

Matius 19:24

Yesus arye ayupu winipmanto ning ton nyabuk. “Weik unta basam ara, baju wilamak yumce pum wekena ara kaname. Bukni, Allah arye sik kanye ap, talima ap, taliplirye, nyapdeipliba, el mapu unamake ning nirya ara, bona weik talin nang arye ayupu kekebuka kum dobolbitinge. Ikin kanye bobuka wininyaka deice aryuk, Allah el mapu kibikirye, im deice binamake. Kanam diparyuk dib kum teneptinge,” Yesus arye nyabuk.

Matius 23:16

Anggunda utenelulume. Ara, ‘Nunda ninye bisik peterelin nang unyabe,’ tenelalulum bukni, anggunda asing kun nang atonun ululume. Ati aning ara, Allah arye wenebuka opnamsila ati, anggun bicoe. Anggunda, anggun malye yupu peteremunye ning ara ani. Ara, ‘Yuk ninye kekepsikirye, dipkoprop nyapmak,’ tenebuka, ‘Dib tenepnamsiyak’ tenen, nyalulume. “Allah ati arelbalamap aik, anyaik si deice arye nyapsine,” nyaptum bukni, anggunce, “Aning ara talye. ‘Anyaik si deice, winipnamne,’ nyanyap yupu ara, kum winibibya babye, telebuka ayupu ara auplule,” nyalulume. Bukni, anggunce yuk nang ati, “Allah arelbalamap aik abelenga deice taplakdeiamik emas, anyaik emas si deice arye nyapsiyabe,” nyalulum ara, adeice arye dib teneptibye. Ara, “Emas ning ara, dipkoprop batakmanto kum ati, anyanyap yupu ara dipkoprop wininamabe,” nyalulume.

Matius 7:4

Yata wiribuka arye, an asing noutam weik yo touku aupmasilibuk, anggun kayapu nang ati, “An asing noutamak yo kita singsinga atonun ning dopropnukine,” nyaptum do?

Yohanes 18:28

Anirya akunum winibukura, sik Yahudi yala deiyok nang arye, Yesus dobuka bobikce, imam Kayapas el aik batakuka, amutuku talyamuknye, Roma mutuku weik deiyoknye Gubernur Pilatus dam bobiyik. Bobiyik bukni, Pilatus el weik aik kum wekelbiyik deiyok ara ani. Ara sik Yahudi yala ninye arye tenelamik. ‘Weik Kaplina ati Kwalina dipnamibye talak ara, sik Yahudi yala kum ninye ap, sik ning ap talibibyopura, nun talima noutam malye upsiliba, kwalina kum dibibyeura, Allah derepsilyak’ tenen, Pilatus el aik kum wekik.

Yohanes 18:40

Nyabukba, sik Yahudi yala deiyok nang nirya arye tamubuka, weik yupu deice arye nyabik. “Kume, anye bira Yesus lobuka kum arepnumsilame. Barabas si nyalamaknye anyuk lopdeipsilyame,” nyabik. (Barabas nyalamiknye bira, Israel ninye arye, ‘Roma mutuku deiyok nang arye talisinyaka ara, nun lik’ tenen, oldalamik talak ara, Barabas el ap arye Roma deiyok nang ati oldalamikba, kum winipmanto kibuka ati, Barabas tomobuka wenena aik dongamik. Anya arye, Barabas nyabiknye bira, anye biti nyabik.)

Wahyu 12:16

Paraplobukba, amek obukce, biyuk bukni, tukwak mutuku arye, ‘Akil melibuka lyepnun’ tenen, tuku dana-dana dilikukba, mek abisik wekukce, kum dayuk.