Matius 23:21 - Eipomek

²¹ Yatanye do nirya, “Allah arelbalamap aik si deice arye, wininamne,” nyalulnye bira, ayupu nyalya deice arye, dipkoprop anyaik pum ululnye Allah, el si deice arye ton ayupu nyalule. Anyapmasin yupu deiyok ara, anyaik ap, anyaik ululnye Allah ap, kum bokeipmanto atia. Yesus arye nyabuk. Nyabukce, ayupu ton dukdongobuka nyabuk.

Matius 23:21 ပူးပေါင်းရင်းမြစ်များ

1 Raja-Raja 8:13

Bukni na ni Allah, wini talak ara narye anti, pia teleb aik akunum kintinibuka dopmakine. Anyaik dopsa deiyok ara, ‘Ance anyaik bimince asukumuk pia unamlame’ tenen, dopkise,” Raja Salomo birye nyabuk.

1 Raja-Raja 8:27

Morobukce ayupu ton nyabuk. “Bukni, dipkoprob Allah anda atukwak mutuku noutamakuk ulamtum do? Kume, im deice babye weik mutukue. Tonda im deice pia eitam babye, dinap weik aulul bukni, Allah anda amutuku babye, kum suktalipnamtume. Anda weik mambulnye biti nyapkine. Ati ara, aning atonun, na dopse aik ara, pia mitik aik dopse ati, anyaik pum tam babye kum uptume. Anda tonok sukumuk kum ulyama ati nyapne.

2 Tawarikh 6:2

Bukni na ni koproba Allah, wini talak ara, ‘Allah ara anyaik noutam unamleʼ tenen, narye anti, pia teleb aik akunum kintinibuka dopmakine. Anyaik dopsa deiyok ara, ‘Ance anyaik wekmince, asukumuk pia unamlamʼ tenen, dopkise,” Raja Salomo birye nyabuk.

2 Tawarikh 7:2

Anya arye, anyaik pum pil dona deiyok nang, sik imam-imam nang ara, Allah Yahweh el aik noutam pia wekmanto kum ubik. Ara, Allah Yahweh el damnye weik dirina ara, Yahweh el si eren aik noutam nirya yanuka wekukce langdibuk.

Mazmur 26:8

Na ni Allah, an si eren aik dam ara, an ulyamak, na kanye pia delikunune. Ara, an ulyamak ara, pia telebuk ulula ati, na kanye delinune.

Matius 23:20

Aning ati ara, anggunce, “Allah arena ati delinak, si deice arye nyapsiyabe,” tonda anggunce, “Allah ati arenyap ning si deice arye nyapsiyabe,” nyabuka nyamunye yupu ap ara, abitinye yupu ara neiktoto uka ati, ayupu bitinye ara kum bokeipmanto. Aning-aning si deice arye, “Wininamabe,” nyalulum yupu nirya ara, batakaldongona kume. Adip aryuk dipkoprop “Wininamabe,” nyamunye touk, aninguk wininamlulume. ‘Dauplye’ tenen, batakana ara kume. Allah arena ati, delinak ap, aning deice delilulum ning ap ara, kum bokeipmanto.

Efesus 2:22

Ara, anggun Efesus mutuku ninye babye aning atonun, Kristus ap, kanye talima dukdongobuka ulamunyopura, Allah arye anggun ap, yuk dib tenenyak ninye nirya ap dobuka, tonok aik nong atonun kilisululce, dukulongosulule. Anyaik pum tam atonun ara, nun talima ara, Allah El Dib Kanye arisilibuk, wekuka usilya deice arye, Allah el babye, nun talima pum tam usulule.

Kolose 2:9

Allah el kanye talima ap, el ulul ning nirya ap ara, Yesus el deice deibukura, Yesus Kristus el talima noutamak dipkoprop ulule.