Matius 22:33 - Eipomek

³³ Yesus arye ayupu nyabukba, akekenmek nang nirya arye, ‘Se’ tenen, “El peterelye yupu ara, pia telebe nyabuka kanye deibikce,” ngalukunmek.

Matius 22:33 ပူးပေါင်းရင်းမြစ်များ

Matius 22:22

Yesus ayupu nyabuka deice arye, Farisi nang ap, Raja Herodes el yupu kekelamik nang ap arye, ‘El yupu nyaptua deice arye malye uptue,’ tenepmap bukni, ‘Aning kum winipmanto uple,’ tenebikce, “Se,” nyabuka ngalukik. Ngalukikce, Yesus asukumuk batakuka yukak bindobik.

Markus 12:17

Nyabikbuk, Yesus arye anang ati nyabuk. “Yo bok ara, yala tonokuk ulula ati, Kaisar arye, ‘Aning arepnululume,’ nyasulul ning ara, adiparyuk Kaisar ati arenamlume. Tonda aning atouk, anggunce, ‘Allah ati arenamabe,’ teneplum ning ara, adiparyuk Allah ati arenamlume. Aning atouk, ‘Tonye bira, kekenamabe, tonye biti, nun lik tenen, bataknamabe,’ tenena kume. Kaisar arye nyasulul yupu babye, Allah elce nyasulul yupu babye, kekebuka wininamlulume.” Yesus arye nyabuk. Yesus ayupu nyabuka deice arye, Farisi nang ap, Raja Herodes el yupu kekelamik nang ap, arye, ‘El yupu nyaptua deice arye malye uptue, tenepmap bukni, aning kum winipmanto uple,’ tenebikce, “Se,” nyabuka mambul kirik.

Markus 6:2

Binuka daulamika ani, Yahudi yala nang, sik pil dona kumce, dikdik sen sum, sabat sik Allah si erelamik sum akunum ubuka ati, Yahudi yala nang arye, Allah yupu peterelamik aik Yesus wekelbiyukce, Allah yupu peterenmok. Peterenmok talak ara, el yupu kekenmek nang arye, ngalukunmek. Ngalukunmekce nyanmek, “Anye bira, el peterenmasil yupu ara, dan mutuku arye kel bikuk do? Yata ning arye peterebik ak, weik kel arye peterenmasil do? Yata arye kel kibukba, ninye winipman kum pil dolul do?” nyabuka ngalukunmek.

Lukas 2:47

Sik peterena deiyok nang arye elti, asinmekbuk, elce tamubuka sikti, nyanmok yupu nirya kekenmek nang nirya ara, ‘Se yata wiribuka arye ami aning-aning bikam turye laka nyaptu do? Se ami ara, pia kel weik mi,’ tenebuka ngalukunmek.

Lukas 4:22

Yesus arye peterenmokura, ayupu kekenmek nang arye, “Se yupu teleb ubuka peterenmasile,” nyabuka ngalukik akarye kanye deibik. Tonda, “Anye bira, Yusuf arye deibuk mi do?” Tenebuka nyanmek.

Yohanes 7:46

Wenebikbuk, ayin talin nang arye, “Kume, anye birye nyalye yupu ara, pia mambule. Yuk nang nirya ara, el nyalye touk pia kum nyalamsike,” nyabik.