Matius 22:10 - Eipomek

¹⁰ Nyabukura, el melin nang arye el nyabuk touk, bisik dandanya nirya banmek akarye, eldanmek ninye nirya bulubukabikce, kil dopnamuknye el li aik wekik. Teleb nang babye, malye nang babye bulubuka anyaik wekika anya arye, anyaik pum ilibik.

Matius 22:10 ပူးပေါင်းရင်းမြစ်များ

Matius 13:38

Wa nyapmanua ara, tukwak mutuku im sirya, mutuku sirya nirya ati nyapmanue. Teleb yo duk ara, Allah akunum lyebukce sik talima talilul ninye ati nyapmanue. Malye yo duk pabukce, palamuk ning ara, Malye winin ning Deiyoknye, Isa Mutuku Dongonye el yupu kekebuka pia malye winin nang ati nyapmanue.

Matius 22:9

Aning ati ara, weik bisik dandanya, ninye weik weklamakak nirya bimunce, epdamunye ninye nirya ati, ‘Nun deiyoknye kwalina deipmala ara, dilyalulume,’ nyalbinululume,” nyapdeibuk.

Matius 25:10

Nyabikopura, sik walwal kilapu dekelbinmek talak ara, kil dopnamuka deiyoknye tamubuka aik yayuk. Yayukopura, sik kel kilapu uku mek akunum kintinipmek kilapu pamubarye ap, kil dopnamuka deiyoknye ap, kil don kwalina kwalibuka deipmek aik neika dilbiyik. Aik wekikura, sik yuk nang arye anyaik buplan tirikdongobik.

Matius 9:15

Asipdeyikopura, Yesus arye anang ati domona yupu arye tamubuka nyabuk. “Kil donanye dopnulye talak ara, el ap, el kayapu ap, el melin nang ap ara, neika tuba unyak talak ara, kanye deibuka kum unyak do? Tonda, kwalin ning kwalibuka neika kum dinyak do? Ikin kanye bobuka, engenauk unyak do? Kume, sik kwit el kil don talak ara, kanye deipmanyaka anya arye, pia teleb kanye deipdakirye, kwalibuka neika dinyake. Aning atonun, nada kil donanye bito ununa ati, na mapu ara kanye imun upliba, din dina kumce, din si tebuka kum unyake. Din bulang uk kum unyake. Bukni, na talibuka bobuka binamniyak talak ara, sik ikin kanye upliba, din dina kumce, din bulang uk unamake,” Yesus arye ayana asinmek nang ati nyabuk.

2 Korintus 12:21

Tonda, anggunce amalye ning tuba winilamunyebuk, eipnyopura, ‘Se’ tenen, malye kanye bopnyopura, adeice arye, ‘Allah arye kanye imun kanye arepnilibuk, alye dakdanamne do?’ tenen, ilil upnile. Sik Korintus mutuku noutamak unyakce, malye-malye winilamik ning ati, “Se, nun malye wininyabe,” nyabuka, sik malye winin ning kum batakik ninye eipnyopura, malye kanye bopnirye, na talima ikin unamnile. Sik malye unyakce kum batakanyak ning ara, ani. Ara, talye ubula yolana ap, Allah el winilul ning tenena kumce, pia malye-malye winina ap ati, ‘Mambul’ tenena kumce, talye kanye bobuka wininyaka anya arye, na alye dakdanamne.

1 Yohanes 2:19

Anang ara, nun batakuka nun kan-kan arye yukak bindobik bukni, nun kanye ap, sik kanye ap neiktoto kume. Nun diba tenebuka, nun kanye tenenyap atouk nang ulamtingtoura, nun batakna kumce, nun ap neika ulamtibye. Bukni, sikce nun batakuka bindobikce, yuk tam kipdobikbuk, eibupurye, sik ulamik ning kel kibupe. Ara, ‘Aning sik kan-kan danerye, tonoknye babye ton, nun diba tenebuka kanye tenenyap touk, sik babye, diba kum tenenyaka’ tenen, kel bikamubu.

Wahyu 5:9

Sik 24 wisi deiyok nang arye, Domba Mi Atonye el si erena ati, winiryuk mot senmekba, kekepse. Sikce mot nyanmek yupu ara, ani. “Anda pia diksukumuk uminya deice arye, an tonok arye asekna mambul ning dobuka, taplaklamak yo pea atonun ning daklobuka, abuku yokeipsutume. Deiyok ara, sik opkikba, an ining biyuka deice arye, ninye ayala-ayala kan-kan nirya arye, ‘Allah el na tenen ninye unamak’ tenen, ninye weika arye deklume. Akunum dekuka lyeplum ninye ara, im sirya, mutuku sirya nirya ap, ninye ayala-ayala nirya ap, ayupu-ayupu nirya ap, weik mutuku nang (negara-negara) nirya ap, noutamak arye ninye weik dekuka lyepluma ati, ancuk abuku yokeipsutume.

Wahyu 7:9

Aning nirya akunum winibuka, eipsopura aminyan eipse ning ton nyapnune. Ara, ninye pia yupa weik, ninye arye kum nukmanto ninye bulupmekak, eipse. Aninye ara, tukwak mutuku im sirya, mutuku sirya nirya noutamak arye, asukum-asukum arye, dobuka bulubuka wekmek ak eipse. Ara ninye ayala-ayala nirya ap, ninye yupu ayala-ayala nirya ap, weik mutuku ninye negara-negara nirya ap, noutamak arye bokuka wibuka deipmekba, bulubuka unmek. Sik nirya ara, weik Ninye Deiyoknye bun ning deice bukmoknye ap, Domba Mi Atonye ap, sik urasin tam tikmek. Pia kurun baju ongobuka tikmikce, ‘Nun Ni kopropa si erepnamap’ tenen, sik taruk arye, kelapa bok talipmekce, kwakdubuka, si erenmekak, eipse.