Weik ninye deiyok nang arye, kwalin kama talibikirye, sik yan dana-dana deibikirye, akama noutam tuku dipdongobuka talibikirye, ninye nirya ati yupu bokolinyake. Winilamak touk an ap, ance deipminyeba dadeipdanin balamikca ani, do unamak ninye, Yehuda yala ninye noutam arye, ninye deiyok kibice nang babye tuba wininamake. Ninye deiyok nang kina ati talilamak kama ara, an yala nang arye pia talinamake. Yehuda yala nang arye akama pia talilyamica ani, aminyan sirya talak ara, akama pia talinamlanye bira, ninye deiyoknye yalyopura, akama ara el ning anya arye, el bidamnye dopropnamle.
Matius 21:5 - Eipomek5 ‘Ance Yerusalem mutuku unyak ninye ati nyapnulyame. ‘Anggun dipdelulume. Anggun weik ninye deiyoknye, talima lamapdongobuka, keledai basam mi mitik ning deice bukuka yanganmale,’ nyabuka laka nyapnulyame.’ (Zakaria 9:9) အခန်းကိုကြည့်ပါ။ |
Matius 21:5
39 ပူးပေါင်းရင်းမြစ်များ
Zadok birye, aning boyanmokba, Raja Daud eibukce, tamubuka Ziba biti asipdeyuk. “Aning nirya ara, yata ati boyanmalam do?” nyabuk. Nyabukba, Ziba birye tamubuka Raja Daud biti nyabuk. “Kume, an mapu silip mikip kumce mitang upliba, keledai balye deice welebuka bukikirye, bitinge. Tonda, akeledai deice libuka, kirikdongopman ning ara, an ap, an din ning ap, an tam nang nirya ap, aning denamluma ati boyanmasine. Tonda, anggur duk din mek ara, mek pataplye nang arye dinamaka atia. Ara, dina telebe anya arye, yini mutuku orbinuka unamlum talak, mikip kumce, mitang upliba, binmanto kum nang dinamake. Dibicopura, sik mikip tuba tamubuka upnamlarya,” Ziba birye nyabuk.
Raja Salomo birye, tuku deice ban ning ati, el si kereta kuda ara, weik tonun arye tonap kintinibuk. Aning libuka bobana ati, kuda basam weik tonun arye, ton kintinibuk. Aning deice bukuka, ninye olalbana ati, yin talen nang ara, weik ton kintinibuk. Ninye olalbana ati, kereta kuda perang ara, yupa weik, seribu empat ratus (1,400) ton kintinip deibuk. Aning libuka bobana ati, kuda basam kintinibuk ara, yupa weik, dua belas ribu (12,000) kintinip deibuk. Aning nirya, noutam arye bokukabukce, ton ning ara, el ulamukak, Yerusalem asik noutam deibuk. Ton tam ning ara bokuka, yuk-yuk mutuku noutam, otam asik dam ton deibuk.
Se, diba na ni Allah Yahweh, ‘Na malye winilamse ning ati, pia malye winiluleʼ tenen, adiparyuk wenepnutum bukni, ‘Bico tenepnutumce, teleb kipdeipnutum’ tenen moropkine. Yu nang arye, nati, ‘Anye bira pia nun lik,’ tenepnikirye, ikin ning na nong deice delininyak ning ara, ance moubuka dinunilyame na nio! Sikce ikin weik kipdeipnikiba, nara akunum dipmatinyeba, kuna bisik bublan dam binmatini bukni, ancuk, na nong dobuka erepdeipnulumba, kam tuba unune.
Anggun Sion mutuku ululum nango, kanye lopsiliba, weik yupu ara, weika arye nyapmunce, Allah si eren mot senamlume. Wininamluma ara, talye ati kum bukni, deiyok ara, Israel nang anggun ni koproba Allah, malye winin ning tonok babye kum winilirye, Pia Diksukum Leknye ulule. Tonda, elda pia weik si erenanye, anggun kan-kan ulamlibuk, anggun ap neika ansinibuka unamlume.
Ura, anggun Yerusalem mutuku umunye ninye ara, weik arye erebuka bukuk mutuku kon deice welebuka binululume. Anggun Sion mutuku umunye ninye ara, pia teleb yupu nyanamlulume. Winipmunyopura, teleb yupu dopropmunce, sik Yerusalem mutuku unyak ninye nirya ati, weik yupu deice mikip arye nyanamlulume. Yerusalem mutuku umunye nang ara, pia teleb yupu nyabuka, weik arye nyanamlulume. Ayupu nirya ara, Yehuda yala ninye kekenak uk laka nyanamlulume. Ayupu nyanamlum talak ara, ‘Ayupu ara nyapnuyap do, kum do?’ tenen, ilil una kume. Sik Yehuda yala ninye unyak mutuku nirya ati, ‘Anggun ni koproba Allah akunum yanmale,’ nyabuka nyanamlulume.
Na Allah Yahweh arye, “Im sirya, mutuku sirya, ara tukwak mutuku sirya, im sirya nirya, unyak nang nirya ara, ‘Ayupu kekepnamakʼ tenen, ayupu nyapdeipse. Anggun nirya ara, Sion mutuku unyak nang, ara Yudea tam nang nirya ati dilulume! Anggun lyena deiyoknye, Allah akunum yanmasile! Nara, menekuka yanamanba aminyan ara, na mapu koproba, min arye yuk pera mutuku bobinamik bukni, winida narye akunum lyepdopsi Israel nang, melibuka yanganmake! Sik Sion mutuku unyak nang nirya ati, ayupu lak nyapnamlume,” nyapsine.
Atalak ara, nara Allah, na si Yahweh ara, anggun ni koproba Allah unamne. Tonda, ninye deiyoknye Raja Daud, na amu tam pil donululnye bira, wibuka anggun deice deipniba, elda ninye deiyoknye ulirye, aninye nirya talibuka, sik yupu nyana deiyoknye, pia unamle. Aning nirya ara, na Yahweh arye, Pia Mikip Weik Deiyoknye ununye birye, akunum nyapmasina ati, aning nirya, dipkoprob nong upnamlarya! Aning ara, na Allah Yahweh arye, ayupu akunum nyapdeipsine.
Tonda, na pil donanye Daud el yalanye wibuka deipnebuk, sik nirya talibuka ninye deiyoknye unamle. Winipmanto ara, domba basam weik unyak bukni, sik domba weina deiyoknye tonok ulirye, el domba nirya tonok kibuka deiplirye, teleb ubuka weilamle atonun, Israel ninye ayala-ayala nirya ara, sik deiyoknye tonok dem unamle. Elce Israel ninye nirya talinamle talak ara, sikce teleb un ninguk wininamake. Ara, na Allah arye, ‘Aning ara wininamlume, aning ara kum wininamlulume,’ nyapdeiamse ninguk talibuka unamake. Na yupu nirya moubuka kekenamake.
“Na Allah arye, Israel yala ninye ati, bico tenebuka kum melinamne bukni, sik Yehuda mutuku unyak ninye ara, bico tenebuka lyelonamne. Nara, anggun ni koproba, Allah Yahweh arye nyapne. Sik Yehuda tam unyak ninye arye, sik mal oldan ninye ati, malye kipnamake. Ara, kuda basam deice bukuka binarye mal oldana ap, parang ya arye ona ap, yuk mutuku yin talin nang arye melibuka, on deice arye kume. Na Allah mikip arye sikti, melipnamna deice aryuk, anggun oldan ninye nirya, malye kipnamne.” Allah arye nyabuk.
Allah arye ayupu ton nyabuk. Ati anggun Israel ninye ara, Allah el si Yahweh arye namin kipsiliba, anggun mal olan nang arye, tapu koubuka bobisicopura, ikin pil aryuk unamsiyak bukni, anggun ni koproba Allah tenebuk talak akunum dam uplyopura, lyepnamsile. Ara, Israel ninye kan-kan arye, Allah elcuk wel kil tonok wipdeipliba, mi bomlya ani, aminyan talak el mi deipnamle. Tonda, akam kil arye, el mi akunum deiplyopura, el kayapu Israel yala nang, sik wenena ati, yuk pera mutuku ninye arye, tapu koubuka bobinamik mutuku noutam unyak ninye, ninye yupa weik ning nirya ara, Allah arye lyebuka doproplirye, ila tamubuka sik min arye ulamik mutuku uk, yanuka deipliba, tonok kanye bobuka, teleb kibuka unamake.
‘Allah arye Betlehem mutuku ati nyabuk. “Yudea tam noutamak aubuk mutuku nirya ara, mitik mambul mutuku bukni, Betlehem mutuku ara, pia weik mambule. Ara, Betlehem mutuku noutamak unyak ninye kan-kan arye, weik ninye deiyok unamlanye deipnamake. Anye bira, domba basam teleb ubuka weilamlanye atonun, Allah el mapu Israel ninye ati, bico tenebuka, ‘Wininmale’ nyabuka, pia talinamle. Aning ati ara, Betlehem mutuku ara, weik mambul mutuku nyapne,” Allah arye nyabuk.’ (Mika 5:2)
Ara, yuk yupu ton nyapnusine. Kristus el bidamnye kanye erena kumce, talima mitang ubuka una ap, ‘Na kwit malye kanye boplyak’ tenen, nimalye arye una ap arisilya deice arye, ayupu ton nyabuka moropnusine. Na Paulus arye nyapsine. Na kele, anggun kan-kan ton nang arye nyaninyake. “Kume, Paulus ara, neika bukuka dilanyap talak ara, ilil asa unyak nang atonun ulul bukni, nun neika kum unyap talak ara, mikip weik nang ulye touk, mikip arye nyasulule,” nyaninyake.
Tonda, anggunce wipdeipnamlum Raja ninye deiyoknye bira, ‘Kuda basam weik tonun doproptinyeʼ tenen, kum winipnamtue. Aning ara malyeuka. Tonda aning atouk, anggun Raja deiyok nang arye, ‘Mesir mutuku tamubuka bibirye, kuda basam weik tonun ton dolona ati, dekelbinamabe,’ kum nyaptue. Deiyok ara, Allah Yahweh arye, “Na mapu ara, Mesir mutuku tamubuka kum yanganamnyake,” nyamuka ati, ayupu nyapsine.
Anye tikamuk talak ara, el mapu ara, empat puluh (40) ton deiamuk. Tonda, el mapu arye deiamik mapu nirya ara, tiga puluh (30) nang deiamik. Sik adeiamik nang nirya ara, tujuhpuluh (70) keledai basam yuk-yuk bisik bukuka bana ati kintinip deiamik. Atalak ara, Abdon el pil dona ati, ninye deiyok kibuka ulamuk talak ara, el mapu koproba sik Israel nang ati, keting tamun ara, pinbarye (8) tahun deice arye, ninye deiyoknye kibuka tikamukce ulamuk.
Dan mutuku ninye deiyok nang nirya do. Amapo! Anggun mambul weik nang nirya, selimut dobuka, anggun kurun keledai basam balye deice deipmunce, bukuka balaluma deiyok ning ap, tonda tuku bisik talye balalum deiyok ning ap, mutuku-mutuku nirya, ninye talibuka ulalum deiyok nang nirya ara, ‘Teneipdelulume,’ nyapsiyabe. Aobuka sirya dakupu ning ara, ninye bukicak nuknamak yupu ati, teneipdelulume.
ကြော်ငြာတွေ