Matius 21:37 - Eipomek

³⁷ Winilamika ani, sirya ara, tonok dopdeipmantonye ubuk. Ara wa tuku deiyoknye, el mi koprop tuba ulamuka anya arye, ‘Anang arye na mi ati si erepnamake,’ tenebukce, el mi dopdeibuk.

Matius 21:37 ပူးပေါင်းရင်းမြစ်များ

Yesaya 5:4

Narye, ‘Anggur tapu duk mek teleb ning moupnamnil’ tenen, apil nirya dolamsebuk, yata deiyok ati, anggur duk sik len ninguk moulamuk do?

Yeremia 36:3

“Sekminyeura, ayupu lakak arye nyabikiba, Yehuda yala ninye kekebikirye, sik malye ning batakikirye, ‘Na dam tamubuka yanamak do, kum do?’ tenen, dinamne. Ara sikce, ‘Se, nun malye wininyaba dekna ara, Allah arye kanye imun ning, nun dam deipnamsila ati nyapsuke,’ tenebikirye, ikin kanye bobikirye, sik malye wininyak ning batakuka, na damuk tamubuka yacopura, narye, ‘Ikin ning, sik dam deipnamne,’ tenepse ning ara, bataktinye. Kumopura, kume.” Allah arye Yeremia biti, nyabuka laka nyabuk.

Zefanya 3:7

Wini talak, narye winibuka tenepse. Ara, ‘Kume, na mapu koproba ara, sikce natibuk, ‘Se, nun ni Allah atibuk, mambul weiknye ululeʼ tenen, ilil uplyeba, nati si erenamniake,’ tenepse. Tonda, narye sik malye winin ning ati, ‘Aning ara, bataknamlume. Teleb winin ning ara, ani,’ nyabuka, sik amutuku nang wenepnyopura, adeice arye, ‘Sikce na nyanun yupu moubuka kekenamniakeʼ tenepse. Tonda, na nyanun yupu nirya kekebikceura, nati ilil upnamle. Aning atonun, narye sik wenena ati, arepnamne ning ara, tenebikirye, ‘Se, kume. Ara, nun malye upmaba ati wenepmasile’ tenen, ‘Biknamake,’ tenepse. Winibuka tenyamse bukni, wini talak ara, malye winin ning ara, pia lake upmale. Sik Yerusalem tam unyak nang ara, min talak mitik malye dem winilamik bukni, wini talak ara, pia malye winin ninguk, luparabuka tabakikirye, pia malye weik wininyake.

Matius 21:36

Atonun ton, awa tuku deiyoknye birye, el pil don nang weik arye tonap dolilamukba, awa tuku tia pil dolamik nang arye, atonun tonap, tuba-tuba anang olamik.

Matius 21:38

Dopdeibukba, awa tuku tia talibuka pil dolamik nang dam yanganmokba, eibikce nyabik. “Awa tuku deiyoknye dipliba, el punupnamlanye bira, el mi koprop ayanmala atia. Aning ati ara, nunce el opnamabe. Obibyopura, awa tuku nun damanguk dobuka talipnamabe,” nyabik.

Matius 3:17

Bulyayukopura, Allah im deice arye ayupu nyapdeibuk. “Anye bira, na Mi Koprop ulule. Narye elti, pia bico tenenuna anya arye, elti, na kanye pia deilinune,” Allah arye nyabuk. Nyabukopura, Allah El Dib Kanye arye, Yesus talima noutam nyapdeibukba, Yesus ara ninye pia kum ulamik mutuku, pata mutuku noutamak biyuk.

Markus 12:6

Winilamik bukni, sirya ara, tonok dopreipmantonye ubuk. Wa tuku deiyoknye, el mi koprop anya arye, pia bico tenelamuknye ulamuk. Adeiyoknye birye, ‘Na mi koprop anya arye, na wa tuku tia talinyak nang arye kibuka dopnamake,’ tenebukce dopreibuk.

Lukas 20:13

Winilamika ani, sirya talak ara, awa tuku deiyoknye birye utenebuk. ‘Se, na yata wiripnamne do? Na mi kopropa pia kanye dipsirye, bico tenebuka kanye talima arinunye bira, dopkwetepnibuk, anang arye na mi ara kibuka si erepnamak,’ tenebukce dopkwetebuk.

Yohanes 1:18

Minop talak arye dipdongobuka, wini talak noutamak nirya arye, nun tukwak ninye arye, Allah el urasin pia kum elilamubu. Bukni, nun ni Allah, el ulyak ululnye, el Mi Koprop, Allah ap neika ururaknye bira, Yesus arye Allah el ulul ning laka elilule. Yesus el ulamuk ning ap, yupu nyalamuk ning ap deice arye, Allah el ulul ning lak kibuka laka nyalamsuke.

Yohanes 1:34

Aning eipse ati, narye anggunti laka nyapsine. Ayanmalanye Yesus ara, Allah el Mi Koprop ulule.” Yohanes birye nyabuk.

Yohanes 3:16

Allah arye diba tenen ninye nirya ati, kam pia bukeipnamsila deiyok ara nyapnusine. Ara, Allah arye ninye mutuku-mutuku nirya ati, bico tenenyamsukce, kanye weik arye areamsuka ati, el Mi Koprop tonokuk ulamuk bukni, tukwak ninye lyena ati arepsuke. Ara, ‘Yata ninye do nirya, el Mi Koprop ati, diba tenebicopura, pia kum dipnamak bukni, bol koplobuka kam una deiyok ning arepnibuk, pia kam unamak’ tenen, el mi tonok arepsuke.