Matius 20:31 - Eipomek

³¹ Nyabuka moronmarikba, awekmek nang weik arye, “Nyana batakrurume,” nyabuka yupu sekik. Yupu sekik bukni, sik asing kuamuk nang arye, ‘Yesus kekepnusil’ tenen, weik arye tonap, “Anda Daud yala nang arye deipkiknye bico tenebuka nun melipsilyame,” nyabuka weik arye moronmarik.

Matius 20:31 ပူးပေါင်းရင်းမြစ်များ

Matius 15:23

Nyabuka morobuk bukni, Yesus arye akil ati, yupu tonok babye kum nyabuk. Tunim anauk ubuk. Winibukopura, akil arye pia moronauk unmok ati, Yesus el mapu arye Yesus ati nyabik. “Akil ara, moronauk unmasila ati, ‘Bilyame,’ nyapminba, bilye,” nyabik.

Matius 19:13

Yuk talak ara, ninye weik arye, ‘Yesus el taruk nun mapu sik nong deice deiplirye, teleb kipdeipnamle’ tenen, amapu sik ni yapu ap, sik nin yapu ap arye, sik mitik mapu weik arye bobuka, Yesus dam boyanganmek. Boyanganmekura, Yesus arye wipdeibuk ati, el yupu kekebuka melibuka balamik nang arye, amapu sik ni yapu ap, sik nin yapu ap ati, “Anggun mapu bobuka, nun ni Yesus dam boyanganmaluma ara, bataklulume,” nyabuka yupu sekenmek.

Matius 20:30

Banmekbuk, asing kuamuk nang sik banmek bisik lilkwak bukmarik. Sik abukmarik talak ara, yuk nang arye, “Yesus yanganmale,” nyabuka laka nyabikba kekeprikce, weik yupu arye nyaprik. “Yesuso, anda Daud yala nang arye deipkiknye anya arye, bico tenepsimince, nun bitinye nang ati melipsilyame,” nyabuka moronmarik.

Matius 20:32

Moronmarikba, Yesus banmoka ani, kekebukopura, anang bitinye dam binuka tikukce, asing kuamuk nang abukmarik ati, ayupu nyabuk. “Anggunda, ‘Yata wiripsutu’ tenen, patapmasilba, moronmanurum do?” nyabuk. Nyabukura, asing kuamuk nang sik bitinye arye tamubuka nyaprik.

Matius 9:27

Akilmu akunum kam bukeibukce, amutuku batakuka, bisik noutam banmoka ani, asing kuamuk nang bitinye, el balye tam tikilyarik. ‘Kwetepsetu’ tenen, weik yupu nyabuka yanuka moroprik. “Anda Daud yalanye birye deipkukba, unmalama anya arye, Ninye Lyena ati, Allah arye wibuka deipkuke. Ati bico tenepsimince, kwetepsutume,” nyabuka moroprik.

Lukas 18:39

Nyabuka moronmoka ani, sik menekuka banmek nang arye, “Moronmalama ara meme,” nyabuka yupu sekik. Yupu sekik bukni, ‘Elce Yesus arye kekepnunil’ tenen, weik arye tonap, ngalukukce ayupu nyanmok. “Anda Daud yala nang arye deipkiknye birye, nati bico tenebuka melipnilyame,” nyabuka weik arye moronmok.

Kolose 4:2

Anggun Kolose ninye nirya ara, batakna kumce, pia pi dobuka, Allah moronauk unamlulume. Wininamlum talak nirya ara, ‘Mankau arye malye winibibyak’ tenen, pia kanye moubuka kalikildanamlulume. Tonda, Allah ati, pia “Telebe,” nyanamlulume.

1 Tesalonika 5:17

Tonda, batakna kum aniryuk, atalak nirya ara, Allah pia moronamlulume.