Matius 20:1 - Eipomek

¹ Yesus arye el mapu 12 nang ati nyabuk. Allah arye ninye mutuku-mutuku nirya noutamak arye, ninye weik lyeplirye, anggun talima talisilya atonun ning ati, winipmanto yupu nyapnusine. Tonok wa deiyoknye birye, ‘Na anggur tapu duk wa pil donamak’ tenen, beren tam talak ninye dolbiyukce, ayupu nyabuk.

Matius 20:1 ပူးပေါင်းရင်းမြစ်များ

Matius 13:24

Ayupu nyabukopura, domon yupu tonok ton nyabuk. Allah arye ninye mutuku-mutuku noutamak nirya, ninye weik lyeplirye, sik talima talilya ara, anyapnusin ning atonun ulule. Wa wina deiyoknye birye, wa wibuka teleb yala ning dokuk.

Matius 13:31

Yesus arye winipmanto yupu nyabukopura, awekuka kekenmek nang ati, ayupu ton, winipmanto ning tonap nyabuk. “Allah arye ninye weike lyeplirye, sik talima talinamle ara, ‘Anggun tenebuka kel biknamlum’ tenen, winipmanto yupu ton nyapnusine. Kabalye yo duk mitik bukni, weik nelamle touk, Allah arye ninye weike lyeplirye, sik talima talinamle nang ara, weik kipnin banamle.

Matius 13:33

Ayupu nyabuknye ara, ‘Allah arye ninye weik lyeplirye, sik talima talinamle ara, weik upnamle ning ara, kel kipnamak’ tenen, winipmanto yupu ton nyabuk. “Roti nena deiyok ning ara, el si ara ragi, pia mitik ninguk ulul bukni, aning roti bun deice deibiceura, weik arye nelamle touk, Allah arye ninye weik lyeplirye, sik talima talinamle ning ara, deiyok kouplye talak ara, mitik anun ulul bukni, aminyan talak ara pia weik upnin banamle. Danatam, dana tam nirya weik kipnin banamlarya. Tonok kil arye, ‘Roti dapnun’ tenen, roti telen ning deipmok kan-kan arye, roti nena deiyok ning dobuka, roti bun noutamak dongobukura, akan-kan dabanmoka ani, roti ara weik arye nebuk. Awinibuk touk, Allah arye ninye weik lyeplirye, sik talima talilya ara, atonun weik upnin banamle,” Yesus arye nyabuk.

Matius 13:47

Yesus arye, adomon yupu nyabuk. Allah arye ninye weik lyeplirye, sik talima talinamle ning, atonun ning ara, adomon yupu nyapnusine. Tonok talak ara, ninye arye, ‘Mekin bal dopropnuyap’ tenen, mekin bal yangan ning mekwen noutamak dongobikba, mekin bal aning-aning nirya weik arye wekik.

Matius 20:2

“Asum tonok na wa winmanunye bukni, iniplyopura, dekna teleb keil uang tonok el si ara derakma arepnamasine,” nyabukura, sik anang arye, “Telebe,” nyabuka el wa pil wilbiyik.

Matius 21:28

Yesus arye ayupu nyabukopura, winipmanto yupu deice arye ayupu ton nyabuk. Ara Yesus arye sik Yahudi yala nang, Allah ati arena deiyok nang ap, sik yuk Yahudi yala deiyok nang ap ati, winipmanto yupu nyabuk. Tonoknye el mapu bitinye ulamrikba, tonye dam biyukce, nyabuk. “Na mio, na wa wilbinilyame,” nyabukba, ami arye, “Na like, na pil kum dolbinune,” nyabuk. Nyabuka daunmoka ani, aminyan ara, ami el kanye tamubukce, el li morobuk touk, el li wa wilbiyuk.

Matius 22:2

Yesus arye nyanmok. Ninye arye diba tenebikcopura, Allah arye sik talima talilya atonun ning nyapnusine. Tonok weik ninye deiyoknye, Raja el mi arye kil dopnamuka ati, weik kwalina kwalibuka kintinibuk.

Matius 23:37

Ura, anggun Yerusalem mutuku ululum ninyeo, Allah yupu laka nyabuka peterenyak nang, narye nabi-nabi weike anggun dam dolkwetelamsise bukni, anggunce anabi sik nong deice keil dobuka ona ap, tonda, talye oltakana ap ulalume. Narye anggun Yerusalem mutuku ululum ninye ati, ‘Ayam el mapu irilamle atonunuk, na wiamse ninye kalikuka melinamsin’ tenen, patanululba, anggunti tuba tenesunun bukni, anggunce, ‘Anye Yesus ara, nun like’ tenen, tuba batakanululume.

Matius 25:1

Yesus arye el mapu ati nyabuk. “Na Ninye Mi Koprop Atonunye birye, ‘Aning-aning nirya talinamne’ tenen, im deice arye tukwak yanamne talak winipnamle ning ara, ‘Kel biknamlum’ tenen, winipmanto yupu nyapnusine. Winipmanto yupu ara ani.

Matius 25:14

Yesus arye ayupu nyabukopura, ayupu tonap, el mapu ati nyabuk. Na tukwak tamubuka yanamne talak winipnamle ning, ‘Kel biknamlum,’ tenen, winipmanto yupu tonap nyapnusine. Tonoknye birye, el mutuku batakuka, yuk pera mutuku binuyuk talak ara, el pil don nang nirya yukubuk. Yukubukba, yayikopura, ‘Na yo bok arepniba, pil dolamikca ani, yo bok weik tabakuka arepnamniyak’ tenen, el yo bok weik ning bokuka, anang ati, yuk-yuk aribuk.

Matius 3:2

Yohanes peterelamuk ning ara, ani. “Anggun nirya, anggun kanye talima malye tenelulum ning ap, anggun malye winimunye ning ap batakuka, kanye dangupmunyeura, Allah arye amalye ning nirya kum daneiplirye, namin kipnamsile. Winipnamlum ning, ara Allah arye ninye weike lyeplirye, sik kanye talima talinamle talak, akunum dam upmala ati, anggun malye winimunye ning nirya bataknululume,” nyabuk.

Markus 13:34

Na yanamne talak anggun walwal usilye ning ati, winipmanto yupu nyapnusine. Aik deiyoknye tonok arye, yuk mutuku binulye talak ara, el pil don nang ati, ‘Pil winibuka donamlulume,’ nyabuka bokdeiplirye, tonoknye biti, “Na ni, ‘El minopce yanamle’ tenen, buplan dam kalekuka dinamnilyame,” nyalule.

Yohanes 15:1

Yesus arye el mapu ati, ayupu nirya nyabuk. Nara, anggur tapu deiyok atonun unune. Na ni koprop ara, anggur tapu koun wa tuku talina Deiyoknye ulula anya arye, elda parang ya talina deiyoknye ulule. Ara aya arye dobuka atapu sekliba kwa leklamle.

1 Korintus 15:58

Aning ati ara, na bico tenepsinirye, Yesus dib teneluluma ati, nun du weit atonun ululum ninyeo, anggun sal babye, kilapu babye kekepnululume. Anggun Korintus mutuku ninye, kanye bokoltona pia kum aniryuk, tonok kanye bobuka unamlume. Yata ning do nirya, ikin usilya deice arye, ‘Allah el yupu batakibiba, malye ning arye, yuk bisik bobisilyak’ tenen, teniltona kum, pia kalikdanuka unamlume. Allah eluk moubuka talipmunce, unamlume. Anggun kele, nun Deiyoknye Yesus ap, talima dukdongobuka ubirye, elti, ikin pil donyapa nirya ara, dipkoprop nong upnamle. Tilila pil kum donyabe. Aning ara, akunum kel kipluma anya arye, ‘Na nong ap, kanye talima tenen ning ap nirya, Yesus deiceuk deipnirye, Yesus el piluk donamne’ tenen, kanye bokoltona kum aniryuk, pia pi dobuka unamlume. Na Paulus arye, nyapmasine.

Ibrani 13:21

Anggunti Allah morosunun ning ara, nyapnusine. Ara, ‘Yesus Kristus melisilya deice arye, anggun talima noutamak pil dosiliba, Allah arye, ‘Wininamake,’ tenyamsuk ning, el kanye delisulul ning nirya weika arye kipnamsile’ tenen, Allah morosunune. Yesus melisilyeba, aning nirya aupsilyopura, adeice arye Allah arye anggunti, ‘Wininamake,’ tenesilye touk, ‘Telebuk unamlulume’ tenen, Allah morosunune. Tonda, ‘Wini talak arye dipdongobuka, doryanamle talak nirya ara, ninye im sirya, mutuku sirya nirya arye, Yesus Kristus el siuk weik arye erenamak’ tenen, pataniliba, Allah moronune. ‘Dipkoprop pia telebuk wininamak’ tenen, “Amin,” nyabuka, Allah morosunune.