Matius 2:22 - Eipomek

²² Daulamik bukni, aminyan talak Israel tam tamubuka biyuk bukni, “Herodes dibukba, el talyamuk pil pununa ati, winira el mi Arkelaus arye, Yudea tam talibuke,” nyabikba kekebukce, ‘Anye birye opsilyak’ tenen, ilil weik ubukba, ‘Yudea tam kum binune,’ tenebuk. Tonda, Allah lengdar deice arye, “Yesus oplyak ati kanye wisiplyame,” nyabuka ati, Yusuf kekebukce, Yudea tam kum bukni, Galilea tamuk tamubuka biyuk.

Matius 2:22 ပူးပေါင်းရင်းမြစ်များ

Mazmur 121:8

Allah Yahweh arye, nun ban talak babye, yangan talak babye, pia teleb ubuka kalikinamsile. Ara, wini talak arye dipdongobuka, yuk dotalak babye, pia ati kalikinamsile.

Mazmur 48:14

Tonda, anyasik noutam donyaka dana-dana tam, antanap dongobuka, domik cang keil poka ara, dipdelulume. Tonda, sik Yerusalem mutuku nang arye, ‘Nun mal olan nang arye, yanuka opsikcak’ tenen, domik keil aik nirya ara, moubuka eipmunce, dilbinamlulume. Aning nirya winipnamluma deiyok ara, ani. Ara, anggun asukum ululum nang arye, aminyan talak unamak mapu, anggunce deiplumba, deipdanin banamak mapu ati, aning nirya, laka nyanamlume.

Mazmur 73:24

Ance nati, “Aning ara, wininamlyame. Aning ara, kum wininamlyame. Teleb ning ara ani, malye ning ara ani,” nyabuka, peterelamniminya ani, na sirya talak akunum dipnyopura, an dopropnimince, an weik dirin ap, pia teleb kibuka ulyam ning ap dam ara, im deice deipnamnilame.

Yesaya 30:21

Atalak noutam ara, anggun nirya ara, bisik banmamunce, walwalapdamunye talak ara, anggun balye tam arye do, anggun urasin tam arye do, dibuka kekepmunyopura, Allah arye anggunti, “Teleb banumunye bisik ara atia, abisikuk melibuka banamlume,” nyabuka lak nyapnamsile. Ati el yupu nyapliba, kekenamlume.

Matius 1:20

Utenyamuk bukni, Yusuf aning ati, kanye talima ikin kanye tuba ubuk talak ara, mapmokak, Allah el im deice pil donye malaikat arye, Yusuf el lengdar mabuka deice arye yanuka laka nyabuk. “Daud el yala nang arye deipkuknye, Yusufo, Maria el mi bobuka ara, ninye arye kuma. Allah El Dib Kanye mikip deice arye mi bobuke. Aning ati ara, ilil una kume. Maria talya mangkau asa dopnalame.

Matius 2:1

Yesus deiyamuk mutuku ara, Yudea tam noutamak bukni, mutuku si ara, Betlehem mutuku deibuk. Yesus deibuk talak ara, amutuku nirya weik ninye deiyok talibuka ulamuknye, el si ara Raja Herodes ulamuk. Yesus akunum deibukopura, kurya ning min arye kel kibuka balamik nang, keting yangan tam arye, weik mutuku si Yerusalem mutuku dilyayik.

Matius 2:19

Yusuf bira, Mesir mutuku noutamak daulamuka ani, Herodes akunum dibukopura, Allah el im deice pil donanye malaikat, lengdar deice Yusuf ati nyalyayuk.

Matius 2:21

Nyabukopura, Yusuf bukukabukce, ami ap, el lin Maria ap bobuka, Israel mutuku tamubuka bobiyukce, sik daulamik.

Matius 3:13

Yesus ara, ‘Yohanes arye, na mek dongopnamnil’ tenen, Galilea tam arye, Yohanes el peterelamukak Yordan mekin yayuk. Yayukce, “Mek dongopnilyame,” nyabuka morobuk.

Lukas 2:39

Maria ap, Yusuf ap Allah arye, ‘Wininamlulume,’ nyapdeibukura, Musa birye sekamuk yupu noutam nyapdeiamuk touk, akunum winiprikopura, Yerusalem mutuku batakuka, sik mutuku kopropa, Galilea tam noutamak bukni, asik si ara Nasaret mutuku, tamubuka birik talak ara, Yesus bobuka birik.

Yohanes 7:52

Nikodemus arye, sik awekmek Farisi nang ati nyabukba, sikce tamubuka elti, nyabik. “An babye Galilea mutukunye ulyama deice arye nyapsilam do? Allah yupu sekamik ning moubuka dipdemince, kel biknalame. Ayupu noutamak ara, ‘Allah yupu lak nyana deiyoknye, Galilea mutuku noutamak arye nabinye yanamsile,’ kum nyasulule,” nyabuka wenebik.

1 Samuel 16:2

Nyabuk bukni, Samuel birye, tamubuka nyabuk, “Naio, narye yata wiribuka nyalbinun do? Aning ara, Saul kekeplyopura, dipkoprob na opnamanile,” nyabuk. Nyabukopura, Allah arye tamubuka nyabuk. “Ati ara, Saul biti nyapnulyame. ‘Sapi basam kil ning tonok, Allah el si Yahweh, el arena ati, kintinipmana ati, yanmane.’ Nyapminyopura, kekepnamakile.