Matius 2:2 - Eipomek

² Yayikce asipdeyik. “Yahudi yala nang sik weik ninye deiyoknye Raja, winiryuk deipmalnye bira dan ulul do?” nyabuka asipdeyik. “Keting yangan tam arye, anye el kurya tikukba eibupurye, ‘El si erepnamap’ tenen, kurya im noutamak banmok bisikuk dilamuburye, melibuka yanmabe,” nyabik.

Matius 2:2 ပူးပေါင်းရင်းမြစ်များ

Mazmur 2:6

Allah el si Yahweh arye nyapnamle. “Sion mutuku pia telebak, pia telebnye ulul mutuku noutamak ara, narye wipdeiamsinye amutuku deipne. Ara, ‘Amutuku noutamak ara, na si pia erenamniyak’ tenen, Yerusalem mutuku noutamak deipne. ‘Anye bira, tukwak im sirya, mutuku sirya nirya unyak ninye, sik ninye deiyoknye, Raja unamle’ tenen, wipdeipse.” Allah arye nyabuk.

Mazmur 45:11

Ninye deiyoknye Raja arye, akunum domuk kil ara, narye amot nyan deice arye nyapnukin yupu ara, moubuka kekepnalame! An deipkuknye, an ni koproba ap, an mutuku koproba unyak nang ap ati, luba kipnalame. ‘Se, sik dam tamuptinirye, binuka uptinye’ tenen, tuba tenena pia meme.

Yesaya 60:3

Winipliba, ninye mutuku-mutuku nirya arye, sik deice weik dirin ulul ning eibikirye, kanye weik deibuka sik dirinak uk dilyanamake. Tonda sik dam arye weik dirina lak koprop uplyopura, yuk pera mutuku ninye, sik ninye deiyok kibuka talinyak nang Raja-Raja nang weik tonun, adirina lak uplya eibikirye, kanye talima lipdopliba, sik adiparyuk yanganamake. Ara, pia teleb kipdeipsiniba, aning dilyanganamaka ati nyapsine.

Yeremia 23:5

Na Allah Yahweh arye nyapne. “Doryanamle talak noutamak ara, Daud birye deibukba dadeipdanin, banyak nang noutamak, ton pia diksukumuk telebuk winilulnye wibuka deipniba, Israel ninye, sik ninye deiyoknye Raja ulirye, Israel ninye pia talinamle. Winiplirye, pia moubuka teleb diksukum winin ninguk teneplirye, weik kel kina arye, aninye talinamle. Elce pia teleb ubuka, aninye talilirye, diksukumuk winibuka, yupu bokeipnamle. Winipnamle deice arye, amutuku noutamak nirya, dipkoprob diksukum winina ap, malye winina kum aniryuk, pia teleb winina ap, pia awininamake.

Yeremia 30:9

Sikce na Allah Yahweh ati, pil donamniyake. Tonda, Raja Daud birye deiamukba, dadeipdanin, yangalamik nang kan-kan arye, narye ninye deiyok nang ton wipdeipyopura, aRaja nang aryuk, na mapu Israel nang talibikiba, sik amu tam teleb pil dopra wininamake.

Zakaria 9:9

Se, Sion mutuku noutam ululum ninye, anggun weik tonun kanye deibuka, kil-kil asa upmunce, unamlulume. Tonda, anggun Yerusalem mutuku ululum ninye nirya ara, weik tonun kanye deibuka, weik yupu deice arye, ‘Telebe,’ nyanamlulume. Anggun elilulume. Anggun ninye deiyoknye, aning nirya bisina ap, tonda pia diksukum una ap, deiyoknye yanmala ati, dilulume. El ayanamlanye bira, ninye unyak touk dipdebuka, diksukum kibuka, yupu lipsisikuka, bokolina deiyoknye ulule. Tonda, ninye lyena deiyok ning boyanmale. Bukni, anye bira, el kanye talima nimalyap asa arye, ulirye, amu tam ulule. Anye bira, winiryuk keledai basam balye deice bukuka yanganmale.

Bilangan 24:17

Aminyan talak yanamlanye bira, narye elinun bukni, wini talak uk kum yanamle. El yanamle ning ara, pera arye elinune. Anye elinun bukni, mining dam kum ulule. Wini talak arye winipnamala ati kume. Bukni, aminyan dotalak, kurya tiklirye dirina ulamle touk ubuka, Yakub el yala nang noutamak arye, weik mambulnye tiklirye, yanuka unamle. Aning atonun, Israel yala ninye noutamak arye, ninye deiyoknye amutuku yanamle. El akunum yalyopura, sik Moab tam ninye ap, Set yala ninye ap nirya ara, sik kisok kanupdongobuka, el amu tamuk unamake. Set yala nang babye, anye birye obuka sirya daklirye amu tam kipnamle.

Matius 2:3

Nyabikopura, yuk nang arye Herodes dam laka nyabikba, Herodes kekebukce, malye kanye bobuk. Tonda, ‘Yerusalem mutuku ulamik nang ababye, yata yupu nyanmak do?’ tenen, sik nirya ababye malye kanye bobik.

Matius 21:5

‘Ance Yerusalem mutuku unyak ninye ati nyapnulyame. ‘Anggun dipdelulume. Anggun weik ninye deiyoknye, talima lamapdongobuka, keledai basam mi mitik ning deice bukuka yanganmale,’ nyabuka laka nyapnulyame.’ (Zakaria 9:9)

Matius 27:11

Yesus bobuka, amutuku nirya talyamuk deiyoknye, Gubernur Pilatus el dam bobinuka arebikura, Pilatus arye Yesus ati asipdeyuk. “Yahudi yala nang, sik weik deiyoknye Raja atonun nyanyaknye bira, an akunum do?” nyabuka asipdeyuk. Asipdeyukbuk, Yesus arye tamubuka nyabuk. “Diba, anyapmalam touk unune,” nyabuk.

Lukas 19:38

“Allah el mikip ap, el si ap deice arye yanmalanye, ninye deiyoknye bira, Allah weik arye meliplibuk, telebuk unamle. Anye bira weik mambulnye binya arye, ‘Im deice ara, Allah ati si erena ap, pia teleb una ap, dirina weik ulina ap, unamle’ tenen, Allah moropmabe,” nyabuka weik arye nyanmek.

Lukas 2:11

Ara, Daud el mutuku Betlehem noutamak arye, ninye nirya Lyena Deiyoknye akunum deipmasile. Ami ara, weik ninye deiyoknye unamle. Ara, Allah arye ninye weik lyeplirye, sik kanye talima talinamle talak deiyoknye bira, ‘Ami upnamle’ tenen, wibuka deibuk mi ara ani. Ami ara, Kristus ulule.

Lukas 23:3

Nyanmeka ati, Pilatus arye Yesus ati asipdeyuk. “Yahudi yala nang sik weik deiyoknye, Raja atonun nyanyaknye bira, an akunum do?” nyabuka asipdeyuk. Asipdeyukura, Yesus arye tamubuka nyabuk. “Diba anyapmanilam touk unune,” nyabuk.

Lukas 23:38

Ninye arye, “Yesus el malye winilul ning ara ani,” nyalamik ning ara, yo lakase deice surat sekuka deibikce, Yesus el gisok deice tam deibik. Surat sekik ning ara, ani. ‘Yahudi yala nang sik weik ninye deiyoknye Raja ara ani,’ nyabuka sekdeibik.

Yohanes 1:49

Nyabukura, Nataniel birye mambul kanye bobuka nyabuk. “Se, anda Peterena Deiyoknye, Rabinye dipkoprop ulyame. Na kele, anda Allah el Mi Koprop ulyame. Anda Israel yala ninye nun weik ninye deiyoknye, Sisinanye Raja unamsilame,” nyabuk.

Yohanes 12:13

Kanye deibikce, ‘Yesus eipdabirye, el yanganmal bisik yangabuka deibibirye, elti, si erepnuyap’ tenen, amutuku ninye winilamik touk, yo bata cebuka bobikce, Yesus yanganmok bisik bik-bik abuka biyik. Bisik banmek talak ara, ayupu weik arye nyanmek. Sik nyanmek yupu ara ani. ‘Hosana, Anye birye Lyepnamsile. Nun Ni Koprop Allah arye wipdeibukura, Allah el si deice arye yanmalanye bira, Allah weik arye meliplibuk, telebuk unamle. Nun Israel ninye nirya, nun Weik Ninye Deiyoknye, nun Raja atia. Allah arye anye biti weik arye meliplibuk, telebuk unamle.’ (Mazmur 118:25) Yesus yanganmok bisik unmekce, neika banmek ninye arye ayupu nirya nyanmek.

Yohanes 18:37

Nyabukura, Pilatus arye, “Ayupu nyapmalam ati, anda ninye deiyoknye, Raja ulyame,” nyabuk. Nyabukba, Yesus arye, “Pilatus ance, ‘Anda Rajanye, weik ninye deiyoknye ulyame,’ nyapmanilam yupu ara, dib nyaplame. ‘Weik ninye deiyoknye, Raja unamne’ tenen, tukwak mutuku yase. Adeiyok ati deipnike. ‘Dipkoprop yupu nyanamne’ tenen, tukwak mutuku yase. Dipkoprop yupu kekebuka talinyak ninye ara, na yupu kekebuka diba teneninyake.” Yesus arye nyabuk.

Yohanes 19:19

Pilatus arye nyabukura, yo lakase deice ayupu sekuka, Yesus el kisok deice tam, pakuk dakdeibik. Ayupu ara ani. ‘Yesus ara Nasaret mutukunye. Yahudi yala nang sik weik ninye deiyoknye Rajanye,’ nyabuka, ayo lakase deice sekdeibik.

Yohanes 20:28

Nyabukura, Tomas arye, “Se, Naio, anda na Deiyoknye, Allah ulyame,” nyabuk.

Yohanes 5:23

Allah arye amambul pil dobuka, el Mi Koprop ati aribuka deiyok ara, ‘Ninye mutuku-mutuku nirya, nati si erebuka, na si kilamniayak atonun, na Mi Koprop ati atonun, si erebuka el si kipnamake’ tenen, yupu bokolina deiyok pil ara, el mi koprop ati aribuk. Ati, yata ninye do nirya, Allah el Mi Koprop ati si erebuka, el si kum kinyak ninye ara, wininyaka deice arye, Allah el babye ati si erebuka, el si kum kinyake. Yesus arye sik Yahudi yala deiyok nang ati nyabuk.

Yohanes 9:38

Nyabukba, asing kwetepmoknye birye, Yesus ati nyabuk. “Naio, anda Ninye Deiyoknye biti dib tenekunune,” nyabuka, Yesus el si erebukce, kibuk.

Ibrani 1:6

Arup nyapmasin touk, Allah arye, el minyuma deibuk Mi Kopropa ati, tukwak mutuku dopkwetepsuk talak ara, ami ati ayupu nyabuk. Ayupu ara ani. ‘Na im deice pil donyak nang, sik malaikat nirya ara, na Mi Kopropa ati, el siuk kibuka si erenamake,’ Allah arye nyabuk. (Ulangan 32:43)

Wahyu 22:16

“Na Yesus arye, na im deice pil dona nang, malaikat dobuka an dam dopkwetepmakina ara, ‘Ayupu nirya laka nyapkikiba, ance nati diba tenenyak ninye nirya, laka nyalbinalam’ tenen, amalaikat dopdeipmakine. Minop talak ulamuknye Raja Daud birye deibukba, dadeipdanin yangalamika ani, deibik mi, weik mambul mi ara, na uka. Na si ati, ‘Berentam Talak Panabuka Tikilamla Kurya,’ nyaninyake.”