Matius 2:17 - Eipomek

¹⁷ Amapu nirya obika ara, Allah yupu laka nyalamuknye nabi Yeremia nyalamuk touk, winibuk. Yeremia nyalamuk yupu ara ani.

Matius 2:17 ပူးပေါင်းရင်းမြစ်များ

Yeremia 1:1

Ayupu sekamuknye, el si ara Yeremia. Ara, Benyamin yala nang sik mutuku noutamak tonok mutuku el si ara, Anatot mutuku, tonoknye el si Hilkia ulamuk. Hilkia arye, el mi Yeremia deibuk. Yeremia bira, Allah el si eren aik pil talibuka dolamukce, Hananot mutuku ulamuk. Yeremia birye nyabuk yupu ara abuku noutamak sekuk.

Matius 2:15

Daulamika ani, Raja Herodes dibukopura, tamubuka sik mutuku kopropa yayik. Awinibik ning nirya ara, Allah yupu laka nyalamuknye, nabi Hosea arye nyalamuk touk winibik. Hosea nyalamuk yupu ara, ani. ‘Allah arye nyabuk. Mesir mutuku noutamak arye na mi yukupsiba, tamubuka yayuk.’ (Hosea 11:1)

Matius 2:16

Sik kurya dipnin yangalamik nang arye, Herodes tenepce arye, talya nyapbuk yupu deiyok kel kiyamika ati, kekebukabikce, el dam tamubuka kum biyik bukni, sik mutuku kopropa bana ati, yuk bisik biyik. Akunum biyik bukni, aminyan ara, Herodes aning kel kibukce, el pia yu ubuk. Sik kurya dipnin yangalamik nang arye, Herodes ati, “Kurya atalak arye tikuk,” nyabikba, Raja Herodes kekebukce, sik nyabik touk deiyok koubuka, anyapce nukdebukabukce, ‘Sal mapu keting tamun bitinye arye sekdongobuka, utam mapu nirya obuka sirya daknamne,’ tenebuk. Utenebukce, yu weik ubukba, el yin talin nang ati ayupu nyapdeibuk. “Betlehem mutuku ap, adam karin mutuku nirya ap, sal mapu, keting tamun bitinye arye sekdongobuka, utam sal mapu nirya oploplulume,” nyabuk. Elce nyabuk touk binuka obik.

Matius 2:18

‘Rama mutuku noutamak ara, weik arye malye nyana ap, engena ap, wininmakba, kekepmabe. Rahel, el mapu dipmakba, weik arye engenmale. El kanye talima weik arye buku sukunmala ati, kum namin uptue. Kanye namin una ara, el like. Ara el mapu weike dipmaka atia.’ (Yeremia 31:15)

Matius 27:9

Aning nirya winilamika deice arye, Allah yupu laka nyalamuknye, nabi Yeremia arye, “Winipnamake,” nyabuka nyalilamuk touk winibik. Yeremia arye nyalamuk yupu ara, ani. ‘Israel ninye arye ninye yupu nyabuka, opnamika ati, keil uang 30 arebik ning ara bobuka, ninye asik nang weinak ati, tuku dekik. Awinibik ning ara, Allah arye ‘Winipnamake,’ tenyamuk touk winibik.’ (Yeremia 32:6-9) Yeremia arye nyabuka sekamuk.