Matius 19:4 - Eipomek

⁴ Asipdeyik ati, Yesus arye ila tamubuka aFarisi nang ati asipdeyuk. “Musa sekamsuk yupu nirya ara, min kum nyalulum do? Anyapnusin yupu kum kel kiplum do? Ayupu ara ani. ‘Allah arye aning-aning nirya kwepdeiyamuk talak ara, sal ap, kil ap, kwepdeiyamuk.’ (Kejadian 1:27)

Matius 19:4 ပူးပေါင်းရင်းမြစ်များ

Kejadian 1:27

Allah arye nyabukce, Allah el bidamnye arye, mitik anun ulye touk, tukwak ninye kwepdeibuk. Ara, Allah el urasin atonun, sal ap, kil ap kibuka, Allah arye kwepdeibuk.

Kejadian 2:18

Aminyan ara, Weik Deiyoknye Allah, el si Yahweh arye, utenebukce, nyabuk. “Kume. Tukwaknye kwepdeipsinye, el yuk ulula ara, teleb kume. Ati ara, el melina ati, el ap pia teleb ubuka neika upmanto ning ton, kwepdeipnune,” nyabuk.

Kejadian 2:23

Arebukura, Adam arye, nyabuk. “Kume. Akil ara, el yok ara, na yok anya. El tup ara, na tup uka. Sal nong noutamak arye, dobuka kwepdeipmal ning anya arye, el si ara, ‘Kil,’ nyapne.” Adam arye, nyabuk.

Kejadian 5:2

Tukwak ninye bitinye kwepdeiamuk ara, sal ton, kil ton kwepdeibukce, teleb kipdeibuk. Sik bitinye kwepdeiamukba, sik si ati, ‘Tukwak mutuku ninye,’ nyabuk.

2 Tawarikh 24:3

Imam Yoyada birye, Raja Yoas dopnamuk kilapu ara, bitinye wipdeibukura, Yoas birye akilapu bitinye dobukce, sal mapu ap, kilmapu ap, deiamuk.

Maleaki 2:15

Anggun ton moubuka bita kum bikamlum do? Allah Yahweh arye, sal ap, kil ap, dopdalum talak ara, nong tonok atonun kum kilisulul do? Deiyok ara, sal babye, kilapu babye, dopdamunye talak ara, akil ap dukdongobuka nong tonok kilisulule. Dipkoproba anggun nong ap, kanye talima ap, dib kanye ap ara, Allah el ninguk ulule. Ati ara, Allah arye anggun nirya ati, utenesulule. ‘Kume anggun nirya arye, Allah ap, nong tonok dukdongobuka ubirye, teleb ubuka mapu deibikirye, na nyanye yupu moubuka peterebikiba, sik mapu nirya kekekirye, talinamak,’ tenesulule. Ati ara, anggun bidamang uk, pia moubuka kel bikdamunce, ‘Na dopse kil bataknamne’ tenen, kalikdanamlulume. Anggun wel talak arye domlum kilapu batakna kumce, anggun ap pia neika unamlulume.

Matius 12:3

Nyabuka wenebikba, Yesus arye tamubuka sik Farisi nang ati ayupu nyabuk. Na mapu, sik awininmak ning atonun, Allah yupu buku Samuel noutamak uamuk ning ara, nyalulum bukni, kum kel kiplum do? Nun apu kopropa Daud ap, el melibuka neika balamik nang ap, din pia patabukba, din ning roti ara, Allah arena aik pum dabuka deipmeka ara, Daud arye dobuka dibuk. Tonda, el ap neika banmek nang ati, bokuka aribukba, dibik. Aning ara, moubuka kum kel kiyamlumce, ayupu nyanmanulum do?

Matius 21:42

Nyabikopura, Yesus arye tamubuka ayupu tonap nyabuk. Daud arye sekamuk buku noutamak sekamuk yupu nyapnusin ning ara, deiyok kum tenepmalumce nyanmanulum do? Daud arye domon yupu deice sekamuk yupu ara atia. ‘Keil aik dolamik nang arye ‘Akeil ara malye keil’ tenen, batakik keil ara, abilinga dukuldongonak delilamak keil, pia mambul ning ara, akunum uplye. Pia teleb uplye ning ara, Allah arye teleb kipdeibuka anya arye, nunce aning pia telebe tenenyabe.’ (Mazmur 118:22-23) Ara Daud arye sekamuk yupu akunum nyapsine. Yesus arye Yahudi yala deiyok nang awekmek ati nyabuk.

Matius 21:6

Zakaria arye, ‘Winipnamle’ tenen, nyalamuk touk, Yesus arye nyabukba, ayupu nyapmok touk, Yerusalem asik dolamik noutam birikce, aik buplan dam keledai basam ap, el mi mitik ning ap, kerekmekak eiprik. Eiprikce binuka lobuka bobirik.

Matius 22:31

Yesus ayupu nyabukopura, yupu tonap nyabuk. Winira, ‘Dibice ninye kam kum buknamake,’ tenemunya ara, laka nyapnusine. Musa sekamuk yupu noutamak ara, Allah arye nyasilye yupu ara, kum nyalamlumce, aning kum bikilulum do? Allah arye anggunti, nyasilye yupu ara, ani.

Markus 12:10

Nyabukce, ayupu tonap, nyabuk. “Daud arye sekamuk buku noutamak sekamukbuk nyapnusin yupu ara, anggun ton kum nyamlum do? Daud domon yupu deice sekamuk yupu ara, ani. ‘Keil aik dolamik nang arye ‘Akeil ara, malye keil’ tenen, batakik keil ara, abilinga dukulongonak delilamak keil, pia mambul ning ara, akunum uple.

Markus 12:26

Yesus ayupu nyabuk ning ara, yupu tonap, nyabuk. “Winira, ‘Diamikce ninye kam kum buknamake,’ tenelulum ning ara, laka nyapnusine. Musa sekamuk yupu noutamak ara, tatca bok ning kan-kan uku buk dinmokak, Allah arye Musa nyabuk yupu ara, kum nyalamlumce aning kel kum kiplum do? Tatca bok ning kan-kan uku buk dinmokak, Allah arye Musa ati nyabuk. ‘Abraham ap, Isak ap, Yakup ap, si ereninyak Allah ara, na unune,’ nyabuk.

Markus 2:25

Nyabuka wenebikura, Yesus arye tamubuka Farisi nang ati ayupu nyabuk. “Na mapu, sik awininmak ning atonun, Allah yupu buku Samuel noutamak uamuk ning ara, nyalamlum bukni, moubuka kum kel kiplum do? Minop talak ulamuknye Raja Daud ap, el melibuka neika balamik nang ap, din pia patanmokura, winibik ning ara, buku noutamak nyalamlum bukni, akunum luba kiplum do?

Lukas 10:26

Asipdeyukura, Yesus arye tamubuka nyabuk. “Bol koplobuka pia kam una dolona ati aning ara, Allah arye, ‘Aning wininamlulume, aning ara kum wininamlulume,’ nyapdeibuk yupu noutam arye, ance kel bikamluma ati, yata tenepmalam do?” nyabuka asipdeyuk.

Lukas 6:3

Nyabuka wenebikura, Yesus arye tamubuka, Farisi nang ati ayupu nyabuk. Na mapu, sik awininmaka atonun, Allah yupu buku Samuel noutamak winyamuk ning ara, nyalamlum bukni, kum biklum do? Nun apu Daud ap, el melibuka neika balamik nang ap, kwaning pia patanmok ati, roti ara, Allah arena aik pum dabuka deipmeka ara, Daud arye dobuka dibuk. Tonda, el ap neika banmek nang ati, bokuka aribukura, dibik. Ati, Allah yupu buku Samuel noutamak winyamuk ning ara, nyalamlum bukni, kum biklum do?