Matius 18:24 - Eipomek

²⁴ Deiyok koubuk talak ara, el melin nang arye, tonoknye dobuka el dam boyayik. Anye bira, el deiyoknye yo bok yupa pia weik dopropmoknye el dam boyayik.

Matius 18:24 ပူးပေါင်းရင်းမြစ်များ

Kejadian 44:10

Nyabikopura, anye birye nyabuk. “Telebe, anyapmalum touk unamabe. Na kanye ara, aning ubula dopropmoknye, na talye pil melinanye diamuk unamnile. Anggun yuk nang nirya ati ara, ‘Malye winipmake,’ nyabuka, anggun nong deice malye yupu kum nyapdeipnamsiyabe,” nyabuk.

1 Tawarikh 29:7

Sik Israel nang deiyok-deiyok nang nirya arye, aning nirya bulubuka, Allah Yahweh el si eren aik dona ati, yanuka arebik ning ara ani. Ara, dekna weik kat ning emas ara, ikin pia weik ning 170 ton (1.070 kilogram) boyayik. Atonun dekna weik ning perak ara, ikin weik 340 ton (3.040 kilogram) boyayik. Tonda, kat don ning el si tembaga babye, atouk ubuka ikin pia weik, 620 ton (6.020 kilogram) boyayik. Tonda, kat ning besi ara, ikin pia weik, tiga ribu tujuh ratus lima puluh (3.750) ton boyayik.

Esra 9:6

Narye nyabuka moropse. “Se, na ni Allaho. Diba na ni Allah, nara dipkoprob mambul kanye bopnarye, alye weik upmanile. An morona ati ara, na kisok erebuka an dam dina ara, na pia ilil ati, kum winiptinye. Deiyok ara, nun malye unyap ning ara, pia weik tonun tabaknin basiliba, weik tonun nepnin basilirye weik usulule. Winipmanto ara, nun malye winin ning ati, adiparyuk wenebuka opnamsutum deiyok ning ara, nun kisok bisibuka, im deice binmanto akunum ulule,’ tenepne.

Mazmur 38:4

Tonda, an yu weik upkiliba, akunum wenebuka opmanilama ati, na nong nirya ara, pia mitang diamuk unulule. Tonda, na malye winin ning, talibuka winilamse ning ati, na nong pum tam babye, pia mitanguk unulule. Wininirye, dipkoprob pia nakina talinulule.

Mazmur 40:12

Aning ati ara, na ni Allah Yahweh, na malye winin ning ati, adiparyuk talye wenebuka oplopnutum bukni, ‘Bico tenenimince, lyenamnilam’ tenen, moropkine. Tonda, an dipkoprob nyasiminye yupu ap, ance bico tenesimimnye ning ap deice arye, nati kalikiniminyeba, ‘Na dam, ikin ning kum yanganamnile’ tenen, moropkine. Anda mikip weiknye birye, melinamnilame. Nati, batakna meme.

Matius 18:23

Yesus nyabukce ayupu ton nyabuk. Allah arye ninye weik lyeplirye, anggun talima talinamsila atonun ning ati, winipmanto yupu nyapnusine. Ayupu ara, ani. Tonok mutuku weik ninye deiyoknye birye, el pil don nang tia doprobik yo bok kopropa ara, ‘Adip aryuk ayo bok tamubuka arepnikiba sirya daknune,’ tenebuk talak ara, el pil don nang deiyok koubukba, yayikopura, deiyok koubuk.

Matius 18:25

El yo bok tia dopropmoknye bira, tamubuka kum arepmanto ubuka ati, anang deiyoknye birye anye biti nyabuk. “Anye el nong ap, el kil ap, el mapu ap, el ning nirya ap dobuka, yuk nang dam dekmunce, ayo bok ara, anye tia talak ati dopromnuk yo bok ati, tamubuka pununa ati arepnamnilyame,” nyabuk.

Matius 25:15

El dekna weik yo bok bokuka aribuk ning ara, bin tonok ati pamubarye aribuk, yuknye biti bitinye aribuk, yuknye biti tonok aribuk. Ara, sik kel ara yuk-yuk bikamik anya arye, sik pil dopmanto winilamik touk bokuka, sik yuk-yuk aribuk. Aribukopura, adeiyoknye amutuku batakuka, yuk pera mutuku binuka ulamuk.

Matius 25:16

Biyukopura, weik yo bok pamubarye aribuknye birye, adiparyuk deiyok koubuka pil dopnin balamuka ani, pil dolamuka deice arye, weik yo bok 5 tonap tabakdeibukura, 10 kibuk.

Matius 25:20

Weik yo bok 5 dopromukce, pil dolamuka deice arye, 5 tonap tabakuka deibuknye birye nyabuk. “Naie, ance, ‘Pil dopnamnil’ tenen, yo bok 5 areamnulumba, pil dolamsa ani, weik yo bok 5 tonap tabakuka kintinipdeipmakince, 10 aupmal atia,” nyabuk.

Matius 25:22

Weik yo bok bitinye dopromukce, pil dolamuka deice arye, weik yo bok 2 tonap tabakuka deibuknye birye yanuka nyabuk. “Naie ance, ‘Pil dopnamnil’ tenen, weik yo bok 2 areamnulumba, pil dolamsa ani, weik yo bok 2 tonap tabakuka kintinipdeipmakince 4 aupmal atia,” nyabuk.

Matius 25:24

Aminyan ara, weik yo bok tonok doprobuknye yayukce nyabuk. “Naie anda pia yunye ulamlum ati kel bikamkise. An kum kouamlum wa win dam arye kwaning yongobuka dololyame. Tonda, an kum kouamlum ning ap, kum dokamlum ning ap, libuka dilyame. Anirya winilalumba kel bikamkisa ati, ilil upnukba, ance areamnulum ning weik yo bok tonok ning ara, buru bobinuka, tuku palibuka tuku pum duknubuka deipse,” nyabuk.

Lukas 13:4

Nyabukopura, ayupu tonap nyabuk. “Tonda, Siloam mutuku noutamak, weik cang aik domikbuk, lokuka bayukce, 18 nang obuk ning ara, Yerusalem mutuku ulamik nang ton mitik malye ubuka, ulamik nang ton aulamikbuk, ‘Anyaik lokuka obuk nang ara, pia malye winilamika arye,’ teneluluma ara, kume.

Lukas 16:5

Utenebukce nyabuka ati, el li kopropa ning tia domik nang ati, yukubukura, tonok-tonok yanganmek. Yanganmekopura, anang ati atonun yupu nyabuk. Minopce yayuknye biti, asipdeyuk. “Na ni birye arepkukura, tia dopromlum ning ara, yata barye do?” nyabuka asipdeyuk. Asipdeyukura, anye birye tamubuka nyabuk.

Lukas 16:7

Aning nyabuk touk, bitinanye yayukura, ayupu nyabuk. “Na ni birye arepkukura, tia dopromlum ning ara, yata barye do?” nyabuka asipdeyuk. Asipdeyukura, anye birye tamubuka nyabuk. “An deiyoknye birye, roti dana deiyok ning el si ara, gandum yamubuka lipdongobukce, weik karung, yupa weike, tiga ratus, sembilan puluh liter (390) gandum anyak arepnukura, dopromse,” nyabuk. Nyabukura, ayo bok moubuka delina deiyoknye birye nyabuk. “Ati, ‘Winibuka, winibuka dopropse,’ nyabuka, nukuka, si sekuka areamlum ati, na ni birye deiamuk kertas ara, dopropmince, minopce 390 liter kilibuka, 80 literuk sekuka deiplyame,” nyabuk.