Matius 18:19 - Eipomek

^19-20 Dan mutuku do nirya, nati dib teneplumce, na si deice arye bulupmunyopura, na babye anggun unmamunyakuk, neika unamabe. Na ap neika unamabe. Tonda neika unamaba ati, anggun Allah moronamlum talak ara, ninye bitinye nang kanye tonok tenebuka, moropmunyopura, na ni Allah im deice ululnye kekepsilirye, anggun moropmamunye touk melinamsile,” Yesus arye el mapu 12 nang ati nyabuk.

Matius 18:19 ပူးပေါင်းရင်းမြစ်များ

Matius 21:22

Aning ati ara, na nyapsine. Allah moropmamunye talak ara, aning-aning moropmamunye ning nirya ara, ‘Allah arye dipkoprop arepnamsile’ tenen, kanye bokoltona kum diparyuk, diba tenebuka moropmunyopura, Allah arye dipkoprop arenamsile,” Yesus arye nyabuk.

Matius 5:24

Allah ati arepnumunye ning, anyakauk deipmunce, anggunti derepmasilinye dam bimunce, yupu talibukamunce, teleb winipmunyopura, ‘Anang arye tamubuka Allah ati arepnun’ tenen, deipmamunye ning ara, ila dobuka Allah ati arenamlulume.”

Matius 7:7

Yesus arye ayupu nyabuk. Anggun patasilye ning moropmunyopura, Allah kekepsilirye, aninguk arenamsile. Anggun patasilye ning, ‘Danak eipnuyap do?’ tenen, epkirikmunyopura, eipnamlume. ‘Anyasik abuka wektinye’ tenen, bisik lorum-lorum abuka, pitin-pitin upmunyopura, Allah arye buplan kukeipnamsile.

Markus 11:24

Aning ati ara, na nyapsine. Allah morolulum talak arye, aning-aning morolulum ning nirya ara, ‘Aning dipkoprop akunum arepmanile’ tenen, diba tenepmunyopura, Allah arye dipkoprop arenamsile.

Yohanes 15:16

Anggunce nati kum wipdeiamnulume. Aning kum bukni, narye anggunti, ‘Aninye ara melisiniba, pia teleb ubica deice arye, duk moupnamle ning ara, pia unamle’ tenen, wipdeiamsise. Ati anggunce anyapmasin touk akunum winipmunyopura, anggunce na si deice arye moropmunyopura, na ni koprop kekepsilirye, aning-aning moropmunye touk arenamsile.

Yohanes 15:7

Bukni, anggunce na batakana kumce, na ap talima dukdongobuka, nauk diba tenebuka, na yupu kekemunce, ayupu anggun kanye talima noutamak tuba uplyopura, yata ning do nirya, anggun patapsilye touk moropnumunyopura, kekepsinirye aninguk arenamsine.

Yohanes 16:23

Atalak ara, anggunce nati, tuba tamubuka tonap kum moronamnulume. Na dipkoprop nyapsine. Yata ning do nirya, anggunce na ni Allah ati, na si deice arye moropmunye ning nirya ara, na ni Allah kekepsilirye, arenamsile.

Rasul 1:14

Anang nirya ap, Yesus el lin Maria ap, Yesus el weit yapu ap, ton yuk kilapu tonap, sik nirya asum-asum nirya bulubuka Allah pia moronauk ulamik.

Rasul 12:5

Ati, Herodes el yin talin nang arye, pia kalikmekce dinmekbuk, Peterus ara, wenena aik pum tuba aupmok. Sik dinmek bukni, sik Yesus diba tenebik nang arye, Peterus ati Allah pia tuba-tuba moronauk unmek.

Rasul 16:10

Paulus arye alengdar atonun ning deice aning eibukce, laka nyabukura, nun nirya arye tenebupe. ‘Kume, Allah arye Paulus lengdar eibuk deice arye akunum lak nyapmasile atia. Nunce Makedonia tam ninye, Yesus ninye lyen yupu peterepnamabe Allah arye aning akunum, tenepmasila ara, akunum kel kipmapa ati, adiparyuk, ‘Makedonia mutuku peterelbinuyap’ tenen, kintinibupe.’

Rasul 6:4

Bukni, Yesus arye wipdeipsuk nang, nunda teniltotona kumce, Allah morona ap, Allah yupu ninye melibuka peterena ap, apiluk talibuka donamape,” nyabik.

Pilipi 1:19

Ara, talye ati kume. Anggunce nati, Allah moronululum ning ap, Yesus Kristus el Kanye arye, melinulul ning ap, deice arye, aikin ning upnilye ning nirya ara, na kanye talima wisinilya deice arye, teleb ulinamnila ati, na kanye deipne nyapsine.

1 Yohanes 3:22

Tonda, Allah arye, “Wininamlulume,” nyasilye yupu nirya moubuka kekebuka dobolbabirye, el kanye deililul piluk donyabe. Winibibyeopura, yata ning do nirya, nun patapsil ning, ‘Elce melipnusil’ tenen, Allah ati morobibyopura, kekepsilirye, aning nirya arisilibuk, dolonamabe.