Matius 18:11 - Eipomek

¹¹ Yesus arye ayupu akunum nyabukopura, winipmanto yupu ton nyabuk. “Nara, Ninye Mi Koprop Atonunye birye tunimalamle ning atonun ning, ‘Eibuka lyepnamne’ tenen, yase. Utenen yasa ati, winipmanto yupu ton nyapnusine,” Yesus arye el mapu ati nyabuk.

Matius 18:11 ပူးပေါင်းရင်းမြစ်များ

Matius 10:6

Yahudi yala ninye ara, sik dam kum binamlum bukni, domba basam wein ninye kum unyakba, domba, ‘Na apu kopropa ara anye,’ tenena kumce, talya yukak balamak touk, Israel tam ninye, aning atonun wininyak ninye ati, ‘Nun deiyoknye, dan do?’ tenen, talye-talyeuk unyaka anya arye, Israel yala ninye sik damuk peterepra banamlulume.

Matius 15:24

Nyabikopura, Yesus arye tamubuka sikti, nyabuk. “Akil ara, Israel yala kum kil bukni, na ni birye dopkwetepnuka ara, Israel yala kum ninye dam bobana ati, kume. Israel ninye bukni, domba basam weilamlanye kum upliba, domba basam talye balamak touk, ‘Kanye walwal unyak ninye, Israel ninye lyepnamle’ tenen, na ni birye dopkwetepnuke,” Yesus arye nyabuk.

Matius 18:12

Nyabukopura, ayupu ton nyabuk. “Anggun kanye ara, yata tenepmalum do? Tonoknye el domba basam 100 ulamice bukni, tonok ninguk yukak banmalya ani, tunimaplyopura, domba basam yupa weik 99 domba basam amutuku arye asukumuk batakuka, tunimap malye ning ati, ‘Amutuku noutamak ara, na domba tunimapmanil ning ara, daupmalye’ tenen, mangkau kilul do? Kume, domba basam deiyoknye birye, ‘Domba basam tunimap malye ning eipnun’ tenen, epra balule.

Matius 9:12

Nyabuka wenebikba, Yesus arye ayupu kekebukce, anang ati domon yupu nyabuk. Uk dinmalibuk, aning moubuka tenena kum nang ara, ‘Ninye kwetenanye dokter dan do?’ tenen, kum enyake. Akum bukni, ‘Se, uk dinmasile’ tenen, moubuka tenelanyak ninye ara, ninye kwetenanye dokter ati pataplyeba, enyake. Aning atonun, nada malye winin nang teleb ulina ap, lyena ap ati yase. Aning atonun, mitik pung uk ulamice bukni, sik talima noutamak malye ning tuba aupmalye buk, aning moubuka tenena kumce, ‘Nunda teleb nanguk unyabe,’ tenenyak ninye ati, ‘Lyepnamne’ tenen, kum yase. Ati adomon yupu nyapsine. Uk dina kum nang ara, dokter kwetenanye kum patalule. Akum bukni, uk din ninye ara, dokter kwetenanye ati patalule.

Lukas 15:24

Ara talye ati kume. Na mi yanmanila ara, dipna nang atonun ulamukbuk wini talak ara, kam ulamak nang atonun upmale. Tonda, na mi tunimapnuk bukni, akunum yanmalak eipmana anya arye, yuna kwalimunyeura, kil-kil arye dipnuyabe,” nyabuk. Nyabuka ati, sik nirya kanye deibikce, yuna deiya koubuka kwalinmek.

Lukas 15:32

Ara, an weit koprop ara, dipne nang atonun ubuk bukni, kam ulamak nang atonun upmale. Tonda, pia tunimamuk bukni, yanmalak, eipmana anya arye, elti, kanye deipmapce, yuna kwalipmapa ara, pia telebuka.” Anye el li birye, el mi dunye kopropa ati nyabuk. Yesus arye awinipmanto yupu deice nyabuk.

Lukas 19:10

Nara, Ninye Mi Koprop Atonunye birye, ‘Allah diba tenena kum nang ati, eibuka lyepnamne’ tenen, na yase. Aning ati ara, arup ara Allah arye anti akunum lyepkile,” Yesus arye nyabuk.

Lukas 9:56

Wenebukopura, sik nirya amutuku batakuka, yuk asik dolamikak biyik.

Yohanes 10:10

Ubula donanye arye, ubula dona ap, oltakana ap, domba basam kum danalina ap ati yanganyak bukni, nara adeiyok ati kum yase. Na domba nirya kam pia ubikirye, sik winin ning nirya ap, sik wininamak ning nirya ap, ‘Pia telebuk unamak’ tenen, yase.” Yesus arye nyabuk.

Yohanes 12:47

Nyabukce, ayupu ton nyabuk. Na yupu peterebikibuk, amul deiceuk kekelul bukni, ayupu talibuka kum dobolbalinye bira, narye anye biti yupu bokuka kum wenepnamne. Deiyok ara, narye, ‘Tukwak mutuku ninye nirya ati, yupu bokipnirye wenebuka oplopnamne’ tenen, kum yase. Aning kum bukni, ‘Ninye nirya ati lyepnamne’ tenen, tukwak mutuku yase. Adeiyok ati ayupu nyapsine.

Yohanes 3:17

Aning ara talye ati kum nyapsine. Allah arye el Mi Koprop dobuka, tukwak ninye unyabak dokdeipsuka deiyok ara, ‘Elce tukwak ninye nirya ati, wenebuka oplopnamle’ tenen, kum dopdeipsuke. Aning kum bukni, Allah arye, ‘Na Mi dopdeipnibuk, ninye arye elti, diba tenebikca deice arye, ninye mutuku-mutuku noutamak, kili sal weik lyepnamne,’ tenyamukce el mi ara, tukwak ninye unyabak dopdeibukba, nun dam yayuke.

1 Timotius 1:15

Anyapnukin yupu ara, pia dipkoprop yupu anya arye, ninye mutuku-mutuku nirya, adiparyuk ayupu dib teneptinge. Ayupu ara, ani. Yesus Kristus tukwak mutuku yayuka deiyok ara, yuk kume, malye un nang lyena ati yayuke. Malye un ninye weik aunyak bukni, pia weik malinye bira na ulamse, nyapkine.